سلقا وفدعان وسنجاره < كون البديع >
كون البديع
الاطراف
1ـ زوبع المثلوثه
2 ـ سنجاره :ومعهم سلقا :والفدعان من قبيلة عنزه
هذي احداثه معروفه في المجالس ومتداوله لكن محد تطرق له لتكون معروفه لكل شمري ان كان نجدي والا جزري
واتمنى انه لاتؤخذ من باب العنصريه او التحسس منها لكونها جاريه والكل يعرفها وحنا علينا ذكره وجمع احداثه للتاريخ
الاخوان الاداريين
ارجوا انكم تتفهمو القصد ليس المقصود منها الفتنه واعلمو ان الكل يعرفها كل اطرافها حتى عنزة وهي ليست حادثه بسيطه يتم تجاهلها في وقت كل حدث وموقف تم ذكره وتدوين احداثه فليس فيها مايعيبه من ناحية التاريخ.
كلكم سمع بذبحة الهادي والتي اصبحت هي البدايه للاحداث
يقال ان سنجاره وسنجاره هم(الفداغه والثابت)جلو على عنزة بعد قتل الجرباء
ومنها صارت الفتنه زوبع المثلوثه نازلين البديع غرب بعاج وسنجار وهم في وقته فزعه للخرصه والجربا يعني على وجه سنجاره والقوم اللي هم معاهم سلقا والفدعان
والقصايد الي عندي قصايد زوبع المثلوثه لكوني من هالقوم ولهذا حافظه واذكره لكم ماحفظته منها وللامانه ماهن كاملات بهن نقص كثير
يقول *العنبقي* من النمور المثلوثه
دبشنــا يســـرح الزايد @@ والدنيا مابه فـــــــــوايد
عليـــــنا ثــلث بــــدايد @@ سلقا وفدعان وسنجاره
جوك المثلوثه فزوعي @@ سياد وجاذبهم طـــوعي
حس المكنزي يفوعي @@ يشـــــــــدا دخانة قياره
وقال *الحريصي* من المثلوثه
مع جيرة الله ربعنـــا يالغيــــابي @@ الله عليــكم يـــــــــــوم كلن يعنه
شلو انياق شويش وقت الغيابي @@ الصبح ومهــــــار الطلب يلحقنه
ولد الامير طيحته بانقـــــــــلابي @@ وهزاع ابن خيطان واخر وطنه
السمن لصقت قصته بالتــــرابي @@ لــــــــولا الخطا ورماحنا شلقنه
الاسماء
السمن : من فرسان عنزه
هزاع ابن خيطان : من فرسان عنزة
ولد الامير : من فرسان عنزه
شويش لا نعلمه
وهذي ماهي كامله قيلت يوم عنزة تاخذ دبش المثلوثه والتي من بينه الناقه (سويفه) للزوبعي والي لحقوا القوم وردوه
هذي من اهم الاسباب التي جعلت المثلوثه تعدي بين حين وحين على سنجاره وعنزه
يقال ان الحدب اول وصولهم عرف وسم المثلوثه قال مانبيهم قالوا عنزه جينا ومانرجع الا بفود
قالو لك اننا ماراح نصبحهم نخلي الدبش لياما يمد وننفذ
ولكن المثلوثه فزعت وردت البل لحقتهم الصبح
جونا ثلاث اجموع بالطرش عادين @@ كلن امسيبة وخــوذ البل خلاصي
مايحاسبون البل وراهـــا الحمادين @@ اخــــوان دلة فوق عيني وراسي
قال الزوبعي
راكــب الي مالهـا روحــــي @@ زينت المركــــاب سيــــاره
يالحليقي خوذهـــا شوحــــي @@ يم راشد وانطــه الشـــاره
خابره بالقـــاع مطروحـــي @@ من صوابه ضاعت افكاره
المثلث ضــــربهم دوحــــي @@ كـــم عقيدن فسدو نــــاره
بالبديع الزند له ضــوحـــي @@ خابرينه اكبــار سنجــــاره
ليت نفهم اكثر من الاطراف وخصوص انه توجد قصايد للطرفين حتى عنزه لهم قصايد والمثلوثه وسنجاره الكل له موقف وقصايده
وليت نعرف اكثر بخصوصه
شكرا للجميع
رد مع اقتباس
المشاركة الأصلية كتبت بواسطة أبو فهد
المفضلات