صفحة 1 من 3 1 2 3 الأخيرةالأخيرة
النتائج 1 إلى 10 من 23

الموضوع: من صخيّة لعبير :)

  1. #1

    إبتسامة من صخيّة لعبير :)



    بالله وش رايكم في تغير وضع صخيه بعد ماصارت عبير

    اسمعوها وعطوني رايكم


    http://www.youtube.com/watch?v=4t7LF...e_gdata_player


    وهذي أبيات القصيدة مكتوبة :

    كانت أول يوم بالأصل بدويــه - - - - حملها حمل على غيره كبيـــر
    حملها كايد ولاهي به رديـه - - - - تعتزم وتقول خير والف خيــر
    قبل مايظهر شعاع الشمس حيـه- - ابتدت مشوارها الصعب العسير
    نارها شبة وصاجه في يديــه - - - - ومن عجينتها على صاجه تديـر
    وعقب ماخلص فطور اهل الحميـه - - - روحـت يم الغنم تعلف شعير
    وأوردتها الماء على جال الركيـه - - - - دلوها فوق السواني لــه صرير
    وشدة المحزم وصاحت للرعيـــه - - - - واقتفتهــا للمراعي والغديــر
    حافيه وعصابته عشرين طيـــه - - - وللحطب فاعورها سيـف شطــير
    ومع غروب الشمس عادت شوشليه- -والحطب فوق الجحش كبر البعير
    وأبتدت ترضع بهمها الاجوديــه - - - من كبير الضان تطلب للصغيـر
    والصميل أودى وزبدتها طريـه - - - - والعشا مرقوق مامثله يصيـر
    وانقلب حال بدويتنا حضريــه - - - - واختلف طبعه عن اولها كثيـر
    حملها في حملها دايم هنيــه - - - من عسير الحمل بدل باليسير
    عقب ماأسمه مع الرحل صخيه - - - اصبح اسمه من عقب هذا عبيـر
    عقب ماثوبه على دور الضحيـه - - - - صار بالموضه لها دور خطير
    عقب ماهي بالغنم صبح وعشيـه - - صارت بسوق الذهب بس تستدير
    عقب مالبرقع يزين هالبنيــه - - - - النقاب اصبح لها مثل الخفيـــر
    عقب ماهي مع صلاة الصبح حيـــه- -الظهر يذن وهي تعزف شخيـر
    من عقب مانومها بأرض خليـه - - - - أمرحت في غرفة كله حريـر
    من عقب ماهي بعيشتها شقيـه - - - - الخدم قالولها بأمرك نطــير
    تامر وتنها ومطلبها هديــه - - - - وهي على المركاء مثل زول المدير



    التعديل الأخير تم بواسطة الجازي ; 04-09-2012 الساعة 15:44
    يانسمـــة الــــوادي ,, ياوردة بــــلادي
    حايل ربى الشادي ,, يانرجس وكادي

  2. #2
    مراقب إداري الصورة الرمزية الشبث


    تاريخ التسجيل
    05 2004
    المشاركات
    21,609
    المشاركات
    21,609


    اييييييه يا حريم اول





    قصيده طيبه من وجهن طيب




    لاهنتي



    وتقلدي تحيتي



    game over

  3. #3


    ماقلت لنا رايك طيب

    أم وجهن طيب تسألك وش جاز لك أكثر يوم كانت صخية والا يوم صارت عبير



    يانسمـــة الــــوادي ,, ياوردة بــــلادي
    حايل ربى الشادي ,, يانرجس وكادي

  4. #4
    نائب المشرف العام الصورة الرمزية عبدالله الجعيثن


    تاريخ التسجيل
    03 2002
    الدولة
    بقيق
    المشاركات
    23,585
    المشاركات
    23,585


    تغير انه اول عسلوجه وقرمه وصارت مدغبجه ورفلا



    الا على الطاري



    هي سوت تمايم للاسم ولاّ لا ؟



    اعزف على عود المشاعر تقاسيم
    .... شفني جمعت اضلاع صدري لك اوتار

  5. #5


    يعني جايزتن لك العسلوجة

    ولا جازت لك المدغبجة



    ما أقول الا ياليل مااطولك



    يانسمـــة الــــوادي ,, ياوردة بــــلادي
    حايل ربى الشادي ,, يانرجس وكادي

  6. #6


    عقب ماثوبه على دور الضحيـه - - - - صار بالموضه لها دور خطير
    عقب ماهي بالغنم صبح وعشيـه - - صارت بسوق الذهب بس تستدير.
    ------------------------------------
    عقب ماهي للتعدد نفسه رضيه- - - - صارت عنتر ولا يهون الزير

    رأيي :التغيير سمة الحياة ولا يوجد شيء ثابت على ظهر المعمورة وان وجد فــــ على الحياة السلام!.
    لك تقديري وشكري اختنا وكاتبتنا القديرة الجازي.



    عالج بؤر التوتر مبكرا
    وانس احزان الماضي
    لكن
    لاتنسى ان تستفيد
    من اخطائك ولا تقل لو .
    ---------------
    أحذر تعيش الوقت من دون عنوان
    ولا تســــــوي للمبــــادي إبــادة .


  7. #7


    مافي شي يدوم على حاله

    والتغيير مطلب ضروري في كل شي


    لاهنتي اختي الجازي

    لك تحياتي



    التعديل الأخير تم بواسطة سالم الظفيري ; 05-09-2012 الساعة 00:16

    شاقني شوف الحصان اليعربي
    لنه اجمل خيل من بد الخيول
    مايقارن به مهجن واجنبي
    ياحلو خيل الصحابه والرسول

  8. #8


    وش اللي التغيير سمة الحياة !!

    الحين بالله وش بقى ماسوته هالصخية !!؟

    والله لو انها سبايدر مان

    حتى سبايدر مان متنازل لها عن لقبه عقب ماشاف هالكرف


    بعدين وين مستر صخي عنها !!؟

    وش وظيفته في الحياة دام كل هالبلاوي هي اللي تسويها !!

    والا هو يتسدح ويتبطح وهي لها الشغل

    وش بقى من أنوثتها مع هالكرف كله





    لا وجاي تكملها بسالفة التعدد بعد



    حياك يابو يوسف <<<< بدري



    يانسمـــة الــــوادي ,, ياوردة بــــلادي
    حايل ربى الشادي ,, يانرجس وكادي

  9. #9
    شبكة شمّر الصورة الرمزية ليلى بنت عبدالعزيز


    تاريخ التسجيل
    07 2008
    الدولة
    نجد
    المشاركات
    4,599
    المشاركات
    4,599


    الجميل لاياتي الا بالجميل

    انتقاء جميل وعودا حميدا لنا..



    بين عيوني و الكفوف ذاب أحد أحرفي

  10. #10


    حياك الله أخوي سالم

    أسعدني مرورك



    يانسمـــة الــــوادي ,, ياوردة بــــلادي
    حايل ربى الشادي ,, يانرجس وكادي

صفحة 1 من 3 1 2 3 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 2 (0 من الأعضاء و 2 زائر)

     

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته