،
مساءء الخيرر ..
هي صينيه ما أدري وش إسمه بس سميته كذا
يمقن له إسم ثاني !
المهم ،
المقادير :
لحم مفروم ٤٠٠ قرام ( يعني كيس واحد )
٣ حبات بطاطس
٣ كوسا
٣ باذنجان
شوية كزبره ، بقدونس
بصل
زيت .. ملح
علبة قشطه او قيمر ( نصيحه حطوا اي نوع قشطه او قيمر الاااا قشطة الري !)
جبن سايل .. مايونيز
جبنة موزريلا
تقل إنه كثيره الطلبات !
عسى ما نسيت شي !
الطريقه :
يحمر البصل بـ الزيت و يضاف له اللحم المفروم والبقدونس والكزبره والملح لين يستوي ..
نقطع البطاطس + الكوسا + الباذنجان تقطيع وسط و نقليهم بـ الزيت ..
بعد كذا نجيب صينية بايركس و نحط الخضروات + اللحم المفروم ( نسويه طبقات أحسن )
يعني شوية خضار و فوقه لحم و فوقه خضار ... و كذا
نحضر الصلصه :
علبة قشطه + ٣ ملاعق جبن سايل + ملعقتين مايونيز
و نحط الصلصه فوق الخضروات و بعده الموزريلا و ندخله الفرن تتحمر ..
و عوافي على قلوبكم
.
.
رد مع اقتباس
المشاركة الأصلية كتبت بواسطة سالم الظفيري
المفضلات