في يوم مشمس كغالبية ايام السنه
كنت جاي من الدوام دااايخ ابي الراحه
واول ما دخلت وهو ينطحن حدا اخواني
اخييييييييييييييييييييييراً يا شبيثااااااااااااان اخييييييييراً
يا سلااااااااااام يا شبيثاااان
تحيراااً
قلت خير ان شاء الله
لا يكون مسجل هدف وجاين ركض من الاستاد انت وراسك
وش عندك ازعجتن اخييييييراً واخييييراً
لا يكون مكتشف الذره بس
قال ذررررة مين يا حلووو انت
وهو يقوم يعرررض قدام
قال بالله شرايك باخوك
قلت والله الزول تقل سلوقي
والواجهيه لك عليه
ولو اقدم بك على الملك صرف لك اعاشه طول العمر
قال لااااا يا خوووي
باالله اذا شفتن اول مره ما تقول وش راعي هالطيور
قلت لا والله اظلم حظي هاللون
المهم انت وش عندك
قال ابشررررك صدت طير حرررر
قلت متى ؟ وشلووون ؟
قال متى هذي اليوم الصبح
بس شلووون هذي للاسف ما اقدر اعلمك لانه صعبه تفهمه
قلت اخس يا محيسن الجمعان انت وهالعصاقيل
صايرن داهيه
واروح انا وياوه ابي اشوف طيروه
يوم جيتوه ولا مربطوه
وحاطن على راسوه شراب
قلت انت ليه هاللون تعمل بهالضعيف
قال ياخي الطير لازم برقع
وحطيت هالشراب على راسوه ليما اشري لوه برقع
قلت حلووو
يوم جاء المغرب وهو يروح يجيب برقع
ونحاول نلبسوه
نحاوول
ماش طلع مقاس البرقع صغير ( سمول )
ويروح يجيب ثاني
ونفس الشي
الوكاد لين راح لخياط وخلاوه يوسعوه
وحنا نبرقعوه
ويروح اخوي ويجيب لوه لحم
وكل يوم على هالحاله
وبعد اسبوع جاني اخوي قال تروح معي
قلت وين ؟
قال ابروح لخوياي حقين الطيور ابجلس عندهم
قلت ااااخس امداك تتعرف عليهم وتقط ميانه معهم
قلت يالله مشينا
وناخذ طيرنا معنا ونروح
يوم جيناهم ولا جالسين باستراحه
وحاطين طيورهم قدااامهم
وهو يحط اخوي طيروه ورا طيورهم
ونجلس عندهم
بصراحه نقدت على روحي يوم شفت طيرنا بين طيورهم
كباااير ملعون الجدف مهو مثل زيلان الباقيات
بين تشوف رقااابتوه ودماغوه من وراهن
وبرقعوه صايرن مثل براقع الاماراتيات
يس على عيونوه
طبعاً انا جالس على طرف
واخوي بصدر المجلس معهم
ويجي واحد توه جاي ويجلس بجنبي
وهو يسأل خويه بجنبي
قال يا فلااان
منهو هاللي جايبن هالباز
قال خويه هذااااااااك اللي جالس يسوم طيور العيال << يعني اخوي
صاير يوسم ابا الخايبات
وانا اقوم
قلت عن اذنكم يالربع
وانا اصوت لوه
فلاااان تعااال
وهو يجي
قال وين تو الناس << يمون عليهم حييييييل
قلت هات طيرك وتعال يالارفل
وهو يروح يجيبوه
يالربع ما يشيلوه مثل اهل الطيور على ذراعوه
يزموه زم تقل زامن وغد
قلت يا فلااان طيرك طلع باز
قال شلووون
قلت والله العظيم
قال ما باقي الا انت تعلمن بالطيور
قلت يابن الحلال انا سمعتهم يقولون منهو لوه الباز يعنونك
قال ووووالحلللللل
قلت نبي نروح لمحل الطيور يعلمنا هو اصلي ولا صلااابي
ونروح لمحل الطيور
اول ما دخلنا عليه وهن يطيرن عيونه لنا
قال اخوي هالحين بالله هذه وشو ؟
قال ما تدري وشو ؟
هذا باااز
قال اخوي شلوووووون باز هاااااه شلوون
قال ياخي شف رجلينوه صفر وعيونه بعد
وهو يعطيه ياوه اخوي
قال رببببطوووه لي بشطرطووون وعطنياووه بسااااع
قال العامل ليش ؟
قال اخوي
وتقوول ليش
ابي ادزفوه كل لحمه كلاه
ابيه يزوعهن
بساااع
يالربع يوم قام يرفرف الماخوذ الظاهر يدري ان نهايتوه قربت
الوكاد انوه حطوه قدام كفر السياره وخبصوووووه
وتقلدوا تحيتي
المفضلات