:
:
لاتقولون لي ماعمره صارت معكم انكم تقولون شي واللي حولكم علامات استفهام تملا وجيههم وتقعد تفسر ساعه عشان توصل المعلومه ...!
هم بالنهايه راح يفهمونك بس البدايه محد فاهم غيرك
انا اقول لكم مثال بس تكفون مو تطردونن من المضايف ..
:)
يوم انا بصف ثالث ثانوي << بعد كبره صحيح زعم كبيره
كنت انا وبنت عمي اخت بالمختصر بصف واحد ..
وكانن بنات الكليه جايات يطبقن عندنا عاد انا وبنت عمي كل مامرت وحده شبهناه ولقينا له شبيه آخرته ضاقت علينا الفضيه وشبهنا على انفسنا بنتين خويات وحده انا قلت ترا هذي تشبهتس قالت وترى خويته تشبهتس ..
المهم مضى كم يوم ونست بنت عمي السالفه ..
وكان فيه حصة فراغ وانا طالعه ادووج بالسيب وأنا اشوف شبيهاتنا مارات ويتمشن بعد ....
وانا أجي طايره على فصلي وافتح الباب وادخل وانااادي بنت عمي بأعلاااا صوت والبنات يلتفتن علينا قلت : فلااااانه قالت : هاه
قلت : انا وانتي جينا نمشي تعالي شوفينا ....!!
:)
البنات ذلللن وجمدن بأماكنهن ويسمن علي يحسبن بي شيء ..
وانا أحالف لبنت عمي قومي شوفينا والله اننا بآخر السيب ..
ي الله لانرجع وماتشوفيننا
وحده مصريه بفصلنا بغت تدوووخ من الخرعه انشفط دمه خطيه ...!!
عاد مثل سالفتي هذي ماتنرقع ليومكم افهمهن مهن مستوعبات انه على الشبه بس ...!
:)
:
رد مع اقتباس
المشاركة الأصلية كتبت بواسطة عبدالله الجعيثن
المفضلات