النتائج 1 إلى 7 من 7

الموضوع: (الجزء الثاني) حــــــت و تــــــه

  1. #1
    من فرسان شبكة شمر الصورة الرمزية ســـعود


    تاريخ التسجيل
    05 2009
    الدولة
    الرياض
    المشاركات
    3,926
    المشاركات
    3,926

    Hasree (الجزء الثاني) حــــــت و تــــــه



    السلام عليكم ورحمة الله وبركاته


    اقتباس المشاركة الأصلية كتبت بواسطة ســـعود مشاهدة المشاركة
    السلام عليكم ورحمة الله وبركاتة




    كان ياما كان في قديم الزمان

    كان فيه قرية وبنص ها القرية كان فيه حارة وبنص ها الحارة كان فيه بقاله اسمة بقالة السعادة لاكن محطوط خط على بقاله السعادة بتشاش ومكتوب تحته دكان الحارة لهل الحارة بس


    وكان في هاذه الحاره ورعن متهور اسموه ( صلاح تلش ) طبعا تلش القب

    ذو وجهن كريه كلوه خروش واصلع ومن هواياته الهوشات ومطارد البساس
    وهو اللي حاط التشاش على البقالة وكاتب دكان الحارة لهل الحارة

    وفي احد الايام كان الجو يمطر والرعد يرعد والبرق يبرق وصلاح تلش يتمشى في احدى الزنقات

    وهو يشوف عتوي كبيرواستانس قال ياسلام الجو فله والبس قدامي وهو يدعس وراه ركض


    ومن زنقه لزنقه ومن حارة لحارة ومن بيت لبيت وتلش وراه يركض

    شوي العتوي وقف وهو يراعي لتلش وتلش استغرب صار وجهوة علامة استفهام

    وهو يجيه البس وقال ياتلش تراك تعبتني لك ساعتين تركض وراي وش تبي

    انصدم تلش من الموقف وهو ينحاش والبس صار يركض وراه


    ومن داعوس لداعوس ومن حارة لحارة ويصيح تلش ياويطي البس يحتسي اويحي البس يتكلم.







    كذا الجزء الاول من الحكاية خلص




    تحياتي
    ^
    ^
    طبعا هاذا اقتباس من الجزء الاول للحتوته


    ــــــــــــــــــــــــــــــــــــــــ ــــــــــــــــــــــــــــــــــــــــ ـــــــــــــــــــــ




    خلصت حتوتتنا بعد ما وقف العتوي وكلم صلاح وقاله وش تبي لك ساعتين تلحقني

    وهرب صلاح وصار العتوي هو اللي يطارد صديقنا من حارة لحارة

    وصلاح يركض منحاش اسرع من السلوقي من فضخت القلب من ها البس اللي مدري من وين طلع لوه

    شوي الاصلاح تلش امه تصحيه من النوم وتسمي عليه اثره حلمان المسكين

    وعرقوه يصب وامه تقوله بسم الله عليك يا صلوحتي وشو ها البس اللي يحتسي

    قال يمه انتي شفتيه وهومنخرع

    قالت لا ياوليدي بس وانت نيم لك صياح وتقول البس يحتسي البس يتكلم

    قال اشوى لا يمه ولا شي حلمان الحمد لله انوه حلم عادي عادي وهو يقوم من فراشوه وهو يغسل وجهوه

    وتجي اموه مصلحتن هكا الفطور الزين بيض عيون وطحينيه ودهنه ولبنه وثلاث رغفان خبز تنور وبريق شاهي

    وتحطوه با الصالة عشان يفطر وهو يطلع من غرفتوه قال يمه تبين شي قالت تعال يا وليدي افطر مصلحتن لك ها الفطور

    قال ما أبي ما أبي وهو يطلع

    طلع الولد يتمشى با الحارة شوي وهي تغيم الدنيا وهي تبرق وترعد وهي تمطر

    وهو يتمشى شاف نفس العتوى اللي شافه بلحلم ويناظر فيه ويكلم نفسه

    ايه هذا هو اللي لحقته و صار يتكلم با الحلم بس يا ولد وش اسوي هلحين


    هو انا الحقه او لا وش اسوي قلبه براسوه ثواني وقرر انه يلحق العتوي


    قال يا ولد الحقه والعن خير خيره وتودس بطنوه مامن بساس تتكلم

    والجو فله والبس قدامي وهويعض شليلوه و يدعس وراه ركض

    ومن حارة لحارة ومن داعوس لداعوس ومن بيت لبيت.

    وبكذا يكون الجزء الثاني من الحتوته خلص

    /

    نسيت اقول لكم ترون ها الحتوته له جزء ثالث والاسبوع الجاي او اللي بعده اكملها لكم

    /

    تحياتي




  2. #2
    نائب المشرف العام الصورة الرمزية عبدالله الجعيثن


    تاريخ التسجيل
    03 2002
    الدولة
    بقيق
    المشاركات
    23,585
    المشاركات
    23,585


    وانا اقول ليه انهوا اجزاء باب الحاره



    بالجزء الاول صلاح متسحوت


    وبالجزء الثاني هو يتسحت


    وبالثالث .. اتوقع يطلعون اخوان هههههههه



    اعزف على عود المشاعر تقاسيم
    .... شفني جمعت اضلاع صدري لك اوتار

  3. #3
    وسط ايمن
    اللجنة الاخبارية الرياضية
    الصورة الرمزية دلع الاتي8


    تاريخ التسجيل
    08 2010
    المشاركات
    1,974
    المشاركات
    1,974


    يعطيك آلعآفيـهٌـ آخـوي


    وبـ إنتظـآر آلجـزء آلثـآلــث







    سـ you ــي




  4. #4
    مشرف مضيف الشعر المنقول الصورة الرمزية جمران


    تاريخ التسجيل
    01 2010
    الدولة
    راس طعيس
    المشاركات
    9,169
    المشاركات
    9,169


    اقتباس المشاركة الأصلية كتبت بواسطة ســـعود مشاهدة المشاركة
    وتجي اموه مصلحتن هكا الفطور الزين بيض عيون وطحينيه ودهنه ولبنه وثلاث رغفان خبز تنور وبريق شاهي
    شنوح ماهم صايمين







    سعود ترن ماشكرتك



    طِبْتَ حيّاً وميّتاً ياآ أبتاهـ

  5. #5
    ما ينلحق معروفه الصورة الرمزية قـــوت


    تاريخ التسجيل
    12 2005
    الدولة
    بلا وطـن
    المشاركات
    1,699
    المشاركات
    1,699


    يعني حلم صار حقيقه !!!

    اكيد ان الجزء الثالث بتصير الحقيقه حلم هههههههههه




  6. #6
    مراقب إداري الصورة الرمزية الشبث


    تاريخ التسجيل
    05 2004
    المشاركات
    21,609
    المشاركات
    21,609


    وتجي اموه مصلحتن هكا الفطور الزين بيض عيون وطحينيه ودهنه ولبنه وثلاث رغفان خبز تنور وبريق شاهي


    هههههههههههه


    متقشف الاخ ولا وش السالفه ههههههههههههه

    الظاهر قمة الطموح هالفطور خخخخخخخخ





    ننتظر باقي الاجزاء يالذيب



    وتقلد تحيتي



    game over

  7. #7
    من فرسان شبكة شمر الصورة الرمزية ســـعود


    تاريخ التسجيل
    05 2009
    الدولة
    الرياض
    المشاركات
    3,926
    المشاركات
    3,926


    ابو غازي + دلع الاتي + ابو نوره + قوت + ابو ماجد

    لاهنتوا على ها الطلة

    والف شكر لكم


    تحياتي




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. حــــــت و تــــــه ( الجزء الأول )
    بواسطة ســـعود في المنتدى مضيف فلّة الحجاج
    مشاركات: 16
    آخر مشاركة: 06-08-2011, 23:53
  2. مزمــــزهـ [ الجزء الثاني ]
    بواسطة يـــوسف في المنتدى مضيف فلّة الحجاج
    مشاركات: 51
    آخر مشاركة: 05-01-2009, 09:24
  3. إرهــــابـــيــــات الجزء الثاني
    بواسطة قيصر العرب في المنتدى المضيف العام
    مشاركات: 10
    آخر مشاركة: 17-09-2005, 04:41
  4. قرادة عضو (((الجزء الثاني)))
    بواسطة الحنشل في المنتدى مضيف فلّة الحجاج
    مشاركات: 30
    آخر مشاركة: 19-08-2005, 19:53
  5. يوم كل شي يحتسي الجزء الثاني
    بواسطة أبو طنب في المنتدى مضيف فلّة الحجاج
    مشاركات: 6
    آخر مشاركة: 25-11-2002, 03:18

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته