صفحة 1 من 4 1 2 3 4 الأخيرةالأخيرة
النتائج 1 إلى 10 من 31

الموضوع: رحلة

  1. #1
    نجيبة متولي الخولي
    مشرفة مضيف الفلة
    الصورة الرمزية شرهه


    تاريخ التسجيل
    04 2009
    الدولة
    هناك
    المشاركات
    8,119
    المشاركات
    8,119

    رحلة



    في يومن من الايام الماضيه

    عقدت مجلس شورى بيني وبيني وبين من لي سلطتن عليهم و لهم سلطتن علي
    وبين معارضين وموئيدين قررناالاتي:



    1-ناخد عمره
    2- نمر جدتي
    3- نرجع للديره

    و اللي رجحت العمرة الجميع تقريبا ايدوها و خذينا عمره ودعيت عليكم>>>ما تجيبين الفود


    الوكاد

    انني عفت العمرات من عقبه و قررت لو ايش ما سووا
    قسم بالله لو يقضبوني مفتاح المملكة بكبره اني ما اعتمر مع اهلي غير ما اعتمرت

    تخيلوا يا جماعة الخير
    من مشينا لياما وصلنا مكه وحنا خنقات
    وكل عشرة كيلو يطفش السواق همن يوقف ويقول انزلو مافيه عمره
    انتم وجيه عمرتن انتم
    وانواع السب والاهانات

    ويترضونه ويالله يرضة ونمشي وعلى هالحال



    وحنا نمشي شفت لي عائلتن بينن من مواريهم انهم عائلة سعيده وراضين الله عليهم
    على له جمس احمر

    ياخي من تلمحهم تحس بالحب والحنان والعطف والاخوه قسم بالله تشختر منهم و موقفين يصلون

    وحنا صافطينن جمبهم نتخانق


    والله يالربع اني بغيت احول معهم بس قلت اقضبي ارضتس يابنت و ما انتي الا على اجر ان شاء الله


    المهم وصلنا مكه واعتمرنا وهي تبدا مهمتي وانا انسبد وادور وادور وادور الظاهر اني فوق عشر مرات وانا ادور على الكعبه
    علمي باهلي هكالساعه وضاعو عني واناادغف مخباي ادور الجوال يمار مهو معي وهي تتكن العبره اتشوف اهلي ولاش
    يمار خابرتهم يقولون اللي يضيع نلقاه عند بوابه الملك فهد

    وانا انطلق لبوابه الملك فهد وانا اقف عنده والوح بيدي ابيهم يشوفوني
    والناس يراعون لي ويمشون حسيت اني فيد الحررررية بس لابسن عباي

    المهم وهو يجي من جنبي باكستاني مـــــــــزيون>>عاد باكستان غلوتي يلعن شكله بغيت ابتسي يوم شفته

    قلت جت من الله هالضيعه و عمركم مالقيتوني وانا احط رجلي ووراو>

    تفكيري في تلك اللحظه>اغديه يرحمن وياخذن شغالتن عندهم واقوم اتدعى على اهلي تسيف يشغلوني عندهم والاطخم ماعنده احد
    وانا وراه امشي اتخيله يقول انتي شرهه اللي بالمضايف واهز راسي بلطف وحطو على لطف عشرين خط
    و يقول لي انا من اشد المعجبين بك وابتسم له بخجل وابخقه وادنق

    ويمسك يدي و يقول انا ما انام الليل من كثر الهواجيس وانا في صراعات داخليه بيني وبيني
    واقول يابنت معه معه
    واجيني اقول لا حنا رايحينن عمره شبلاي انسفهت
    وارجع اقول ياحماره هذي فرصتك الوحيده
    واجيني مرة ثانية و اقول استهدي بالله واذا بصوت عليل يشفي الغليل يترنح بارجاء اذني
    يلعن هالوجه وينك اخرتينا امشي خذا الله هالسوده
    واذا باخي يقطع حبل افكاري بلكمتن على محياي>>طاح وجهي كل الناس قامت تناظر لنا وانا ابتسم تسن الوضع عادي

    تذكرت اني متغطيه وانا اقوم ارجف ظهر اخوي وهو يطلع صدى الردحه وانا اقول بطول حسي هههههههههه الله يغربل شيطانك

    وهو يلتفت علي ياوالله متغيرتن ملامحوه

    وهو ينفضخ قلبي وانا اتهياء للهجه وهو يمعطن مع شوشتي
    وهي تطير العباي
    و تصير خنقه

    و يالله يفكوننا الناس

    وانا راقيتن على ظهر شيعيه معي نعله ابرجفه

    ومن الحماس ليخت اللي ماسكاتن

    وهو ماسكينه 3 مصاريه ويقول خلوني خلوني

    وهم مجودينه صلي ع النبي صلي عالنبي


    و اشووووى راضونا الناس ومشينا نكمل العمرة

    وسعينا وقصرت قروني


    وانا للحين افكررر


    وشلووووون عرفن اخوي من بين مليون وحده
    ههههههههههههه


    لعنبو حيي اثري زولي ما مثلوه احد



    المهم وحنا نرجع ادراجنا

    و نشلع لرفحا


    ونففففففففففففسسسس الحالة


    خنقات ولعنة جدف



    يا عل ما عادت



    وهي هذه الاثناء

    وهو يطري علي زول الغضي

    ايييه يالباكستاني وينك ووين ديارك


    .
    .
    اييييييه اييييييييه




    بالله اللي يشووووفه يسلم لي عليه ..



    اغضب فإن الأرض تُحني رأسها للغاضبين

  2. #2
    نجيبة متولي الخولي
    مشرفة مضيف الفلة
    الصورة الرمزية شرهه


    تاريخ التسجيل
    04 2009
    الدولة
    هناك
    المشاركات
    8,119
    المشاركات
    8,119


    شرهه



    لقد نلتي على اعجابي



    صراحه موضوعتس ما يلاحن




    احسدتس على هالاسلوب




    اصصصصم ربي عليتس






    سجليني من معجبينتس



    >>>>>واحد يرفع بروحه فيها شي



    اغضب فإن الأرض تُحني رأسها للغاضبين

  3. #3


    ^
    ^

    مافيها شيء ابدن







    الحين هذي عمرتكم

    حنا عمرتنا بالروحه سهود ومهود
    وبالرجعه بس نتخانق مع السواق كلنا نايمين
    وهو زعلان يبي احد يسولف معه


    .
    .




    متفائله بـ آلخير يالله عسى خير
    .......... فآلي وفآل آهل الوجيه آلفليحه

  4. #4
    من فرسان شبكة شمر الصورة الرمزية ســـعود


    تاريخ التسجيل
    05 2009
    الدولة
    الرياض
    المشاركات
    3,926
    المشاركات
    3,926


    كتبتي فا ابدعتي يالكي من كاتبة لا يشق لها غبار ولا عج




  5. #5
    عضو شرف الصورة الرمزية ملامح شمري


    تاريخ التسجيل
    09 2002
    الدولة
    الريـاض
    العمر
    91
    المشاركات
    2,231
    المشاركات
    2,231


    اقتباس المشاركة الأصلية كتبت بواسطة شرهه مشاهدة المشاركة
    وابتسم له بخجل وابخقه وادنق

    ترجمه اف يو دونت مايند
    ,,,
    و فاتت عليكم ولا كنتو شغلتو هالشريط و وتحمستو معاه عشان
    ينسيكم الخناق مع بعض




    تشااو




  6. #6
    عضو شرف الصورة الرمزية ملامح شمري


    تاريخ التسجيل
    09 2002
    الدولة
    الريـاض
    العمر
    91
    المشاركات
    2,231
    المشاركات
    2,231


    على فكرة ترى شكرتك
    و مهوب من زين موضوعك و الاسلوب
    بس عشان تعلميني وش معناه الكلمة ذيك
    واذا علمتيني و خلصتي , بحذف الشكر
    تشااو




  7. #7
    فارس شبكة شمر الصورة الرمزية حيل حليل


    تاريخ التسجيل
    11 2008
    الدولة
    وين مابغيت
    المشاركات
    4,051
    المشاركات
    4,051


    هههههههههههههههههههه

    لو انتس قايله تركي او ليبي على الاقل
    كان اقول ممكن
    بس باكستاني
    ماتنبلع انتي وراستس

    اعنبوا بليستس حتى ذوقتس رايح فيها مثلتس


    شرهه
    شكلتس ماجربتي عقال يمشي ريوس <<< حركات ابوي بسوبرنا



    اغيب عنّك ثلاث ايام ... وارجع لك
    والقاك قاعد .. على الهقوه .. تحراني.......
    عبدالله الجعيثن

  8. #8
    حبك طعجني الصورة الرمزية شنقل


    تاريخ التسجيل
    05 2003
    الدولة
    تنجيقيا
    المشاركات
    6,698
    المشاركات
    6,698


    واعتمرتوا



    .... جاكم احد امس ....

  9. #9


    هههههههههههههههههههههههههههههههههههههههه ههههههههههههههههههاي

    شرهه

    بالله وين هالسوالف الزينة عن الجوال

    مغير محومتن تسبدي بسوالف بنت اخوتس خخخخخخخخخخ <<<< ماتحب الفضايح

    بعد قلبي والله

    حلالات من يروح لمكة الحين يدور لتس أطخمتس

    ياحبي لتس ياشيخة



    يانسمـــة الــــوادي ,, ياوردة بــــلادي
    حايل ربى الشادي ,, يانرجس وكادي

  10. #10
    ما ينلحق معروفه الصورة الرمزية قـــوت


    تاريخ التسجيل
    12 2005
    الدولة
    بلا وطـن
    المشاركات
    1,699
    المشاركات
    1,699


    عمره مهي خاليه من تفاكير منحرفه ههههههههههههههههه


    لعنبو حيك هذا وانتي بالحرم نويتي الهجه ههههههه



    يقولون انك تعركشين الساعه تبين تلعبين بالعقارب خخخخ




صفحة 1 من 4 1 2 3 4 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. رحلة علميّة ..!!
    بواسطة راعي الوقيد في المنتدى المضيف الإعلامي
    مشاركات: 6
    آخر مشاركة: 29-03-2011, 20:18
  2. رحلة عمل
    بواسطة الشاهري العبيدي في المنتدى المضيف العام
    مشاركات: 17
    آخر مشاركة: 26-08-2008, 13:21
  3. رحلة عمر
    بواسطة ولد معشي الذيب في المنتدى مضيف فيض المشاعر
    مشاركات: 4
    آخر مشاركة: 27-07-2005, 16:17
  4. رحلة إلى دار القرار
    بواسطة (حبيب) في المنتدى منتدى الشباب
    مشاركات: 2
    آخر مشاركة: 10-12-2004, 16:41
  5. رحلة عنى النسيان
    بواسطة أحمد المشتاق في المنتدى مضيف فيض المشاعر
    مشاركات: 2
    آخر مشاركة: 05-05-2004, 00:19

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته