شيء من ذكريات المراهقة

[الجازي]

وأنا أتنقل بين مقاطع اليوتيوب

طحت على أنشودة ذكرتني بأيام المراهقة

الله المستعان

يوم كنت متقلبة المزاج <<< مدري ركدت الحين والا لأ
كنت أسمعها وأنا أغسل المواعين <<<< الله من زين التوقيت بعد

وكانت دميعاتي تبطبط على خديداتي ومن خديداتي للمواعين يعني دموعي مشاركة معي في تغسيل المواعين

قصيدة أبو العتاهية مع قصتها في المقطع التالي أهديها لكم لأنها وعظية مؤثرة

[الاصمعي]

الله من استواء المزاج هالحين مقطع يقطع نياط القلوب ومقدمة باسمة ضريفة

شكراً جزيلاً لك أختي الفاضلة الجازي فعلاً موعظة مؤثرة نحتاجها جميعاً

تحياتي

[الجازي]

^
^
يعني هذي شهادة منك إن مزاجي مابعد ركد !!

أنا مراعية مشاعركم مابيكم تخشعون زيادة عن اللزوم ثم ماتعرفون تطلعون من متصفحي وأبلش بكم

عشان كذا حطيت مقدمة باسمة تخفف من وقع الموعظة عليكم

حياك الله يابو خالد شرفتني بتواجدك

[عبدالرحمن]

مقاطع المقاطع ولم يسبق لي ان دخلت مقطع!
فدائما ما اقرا محتوى المقطع من حروف واضع المقطع!
ولان درب الماء خضر ! اقول لك الف شكر على الاهداء.

[سالم الظفيري]

شكرا اختي الجازي على الموضوع

اجل شاك في مزاجك الحين

بيني وبينك الحين مزاجك لك علية شوي

بس كنتي داخلة جو مع المواعين ههههههههههههههه

وكيد الغسيل لك علية بعد

وصحن داخل المغسلة وصحن على البلاط

ودي اعرف كم عدد الصحون اللي بالقين

سلمتي ودمتي
لك تحياتي

[الجازي]

هلا بك أخوي عبدالرحمن <<< ماحطيت يا

المقطع قصيدة وعظية لأبي العتاهية كان تأثيرها قوي على هارون الرشيد رحمه الله

يكفيني شرف مرورك المتصفح حتى مع مقاطعتك للمقاطع

شكراً لك

[الجازي]

هلا بك أخوي سالم

دامك شاك

معناها لازلت أعيش طور المراهقة <<< مراهقة الخمسين

أبشرك ماكان يطيح مني ولا صحن عالبلاط لأني مع الخشوع أغسلها بإخلاص

شرفتني أخوي سالم

[ام الرغفان]

يا تسبدي تسبدك

انا لاوم اراجع تاريخ العايله يختي مدري ليه اللغه الفصحى ماافهمه

بس ماحبيت اني اقرا موضوعتس وماارد عليتس<<ياروحي ياانا


بما ان توي بالمراهقه عندتس دموع سلف المطبخ علي ومانظفته



وشكرا

[شموخ شمالية]

.
.
.

كلك ذوقك ومراهقتك قمّة الذوق ياعزوتي

ذكرتينا بأيام الطفولة والمراهقة



موضوعك حلو وياليت كل واحد يجيب وش كان يسمع قبل ..



هالانشودة أحبها بقوووة لان أبوي الله يغفرله يرددها وكان يشري لنا أشرطة أناشيد
لفرقة فلسطينيّة وحفظت هالانشودة وكنت أنشدها أيام حفلات المدرسة

دوّرت عليها بصوت الفرقة القديمة بس لقيتها بصوت
المنشد هاني مقبل





حطين ياأملي وآمالي

http://www.youtube.com/watch?v=BM8t-...eature=related

[جمران]

هالعجز قامن يتذكرن ايام الطفوله

ههههههههههه



الله العالم انهن بدن يخرّفن


تشكرات الجازي