للحين داخلي (شباب) مراهق , وبنفس الوقت اتمني لو اللي بداخلي يتحول مثل مظهري الخارجي ويعترف .. لكن مو قادر

داخلي شباب يرفض (العنوسه ) وخارجي شايب (يائس)

عندي ميزه مدري موجوده في غيري والا لا ..
اعترف اني شاب مو وسيم واني شياب ومظهري مقزز جداااا , لاني بعيد عن تكلنوجيا المظاهر التجميليه .. وهالشي يخليني اتجنب نظره الفتاة الجميله ..
بمعني اخر استحي تشوفني ..

مليت من الوقوف بصاله مطار , وظليت اتلفت يمين ويسار ادور كرسي ..
ما لقيت كرسي ...
لمحت مكان يجلسن عليه بنات الله يستر عليهن .لمحتهن وبداخلي تمنيت يعجبن فيني ...نظره رجوليه (مريضة) وهذا ادق وصف اسميه مرض ..

المفاجأه ,, بعد دقيقه من امنيتي ,,
قامت وحده منهن تقول : (عمو) تعال اجلس بمكاني ..

ثبت لي بالديل اني اعاني من مرضين وهم (الشباب) ووهم (البهاء)
لكني ايقنت صرت شايب امام عيون الناس..

هالبنت اللي قامت مدري ادعي عليها والا ادعي لها


















*
مافي شك ادعي لها باستر لان فعلا مفاصل ركبي تحسسني كأن الارض ترتج تحتي