.
إسمع عقارب ساعتك ..
قبل الوداع تقول : تك !!
وإسمع عقارب ساعتي
مو ساعة الحايط !!
الساعه اللي في يدي ..
تصرخ مهي زي ساعتك !!
عليك / أو يمكن علي !!
تصرخ قهر ..
رغم أنها مو قادره تقول : تك !!
وداعتك ..
كل ماتناظر ساعتك :
تذكّر الفرقا .. واللحظه ذي بالذات ..
وأحلامي اللي باعتك
لو قلتلك أبقى !!
وأنّي رفضت أودّعك !!
خايف بعد أشقى !!
مشيت في لحظة سكون ..
بدون أي كلمه !
شف قلبك شظلمه ؟!!
ماكننا نعرف بعض ..
كأننا أغراب ..
رغم أني أدري منهو أنت ,
لكني مدري من أكون ؟!!
.
لا يستطيع أن يكون وطنياً من كان ذا معدةً خاوية !!
وليم بران
.
إذا تبغاني أنسى شوف :
من عيوني / وبس بشرط !!
أبيك تصير نفسي بالشعور
وكل شي بالضبط !!
إذا مو عادي تنساني ..
أمانه كيف تبغاني ,
أنسى / وأنت مو قادر
تعيد الفكره من ثاني ؟!!
.
لا يستطيع أن يكون وطنياً من كان ذا معدةً خاوية !!
وليم بران
.
ردّيت حقّ الكويت بكل مافيني
مشتاق والشوق ماله داخلي آخر !!
أسابق الوقت كل ذكرى تناديني
ماعاد فيني صبر حتى يجي باكر !!
فيها عرفت السعاده وأجمل سنيني
مايكفي عنها ثلاث شهور أنا صابر ؟!!
تسري بدمي وتسكن في شراييني
هالديره حاجه ولا مرت على الخاطر !!
شي عادي تكون في قلبي وفي عيني
مادام حتى ثراها داخلي حاضر !!
رغم أنّها وين ماسافر عناويني
إلا أني عنها دقيقة بُعد مو قادر !!
صافحتها .. صرت أحس برعشة يديني
وقت اللقا والفراق بذمّتي كافر !!
ضمّيتها .. يوم قالت : ( لا تحاجيني )
حاولت أكابر ولكن مقدر آكابر !!
غرّقتها دمع قالت : منت ناسيني ؟
لحظتها ليت أنخلق في داخلي شاعر !!
ومن يوم قالت : أمانه لاتخليني
قلت أوعدك هذي آخر مرّه آسافر !!
.
لا يستطيع أن يكون وطنياً من كان ذا معدةً خاوية !!
وليم بران
,
البرد هذا يسكن بوسط روحي
شوفيني لين الحين بردان / بدفا !!
شوفيني لين الحين تنزف جروحي
لقيتلي في داخل الجرح منفى !!
حزين وحروفي بها من وضوحي
غامض وحزني ليته بيوم يجفا !!
حاولت أدوّر شي يشبه طموحي
ولا لقيت إلا المواويل مرفا !!
غبتي ومثلك غبت لو أن بوحي
حاضر وقال لدربك بصمت : تكفى !!
الدرب مثل البرد وشلون يوحي ؟
عليك هالأشياء ماظن تخفى !!
قلتي تعال .. وزاد همّي ونوحي
كسرت قلبك قبل الأيام تصفى !!
وشلون أجي ؟ مادمت ماني بروحي
لو ملّني حلمي من العام وأقفى !!
خفتي علي , ولا منعتي جروحي
حافي قدم | في ذمّتك كيف يحفى ؟!!
.
لا يستطيع أن يكون وطنياً من كان ذا معدةً خاوية !!
وليم بران
,
لايهمّك حبيبي .. أنعمت عينهم
لايهمكّ , وشخصٍ مادرى مادرى !!
لعن أبو حيّ حيّك وينك ووينهم ؟
فرق بين الهلال ومن يطالع ورى !!
ليه أنا أصلاً أقارن بينك وبينهم ؟
أنت فوق الثريا وش نبي بالثرى ؟!!
قم تدلّع مادامك ماخذٍ زينهم
قم تثنّى ياغصنٍ بالليان أنبرى !!
قم تفيخر حبيبي في ميادينهم
شاعرك كم كتبّك | شاعرك كم قرا ؟!!
ربي اللي عطاك وربي يعينهم
بعذر منهو تغيضه كان قام وسرى !!
مدري تزيد وإلا تنقص سنينهم ؟
كل شخصٍ شغلته عن لذيذ الكرى !!
أختلط كل حرفٍ جيمهم سينهم
أنشدوا عنْك يانجمٍ سطع بالعرا !!
قلت هذا حبيبي , طاحت يدينهم
مابقى غير حنّا بالغرام خشرا !!
.
لا يستطيع أن يكون وطنياً من كان ذا معدةً خاوية !!
وليم بران
,
يا حديث السما للأرض يا
يامطر | أغسل هموم البشر !!
كل قلبٍ يبي بعض الضيا
وكل روحٍ تبي رشّة مطر !!
.
لا يستطيع أن يكون وطنياً من كان ذا معدةً خاوية !!
وليم بران
,
يتضايقون , الا يموتون غيره
وأخاف بسبابك بعد يكرهوني !!
قدّامهم ماجبتلك أي سيره
لكنهم شافوك بس بعيوني !!
مالومهم والورد ياخذ عبيره ,
منّك | ومنّك يبتسم كل كوني !!
أنتي رغم أنف السوالف كبيره
أكبر من همومٍ معاي وشجوني !!
بزيدهم همٍ وغمٍ وحيره
لو فكّروا عنّك بعد يسألوني !!
هذا وأنا ماجبتلك أي سيره
هذا وهُم شافوك بس بعيوني !!
.
لا يستطيع أن يكون وطنياً من كان ذا معدةً خاوية !!
وليم بران
,
خل نتفارق لكن بشكل ودّي
عشان مانخسر بعض بالنهايه !!
مابي أشوفك مثل الأيام ضدّي
والحمد لله توّنا فالبدايه !!
لاتفتكرها عناد وإلا تحدّي
أفهم بالأول كل فصول الروايه !!
تجاهك أحساسي ترى كان جدّي
معْك أستحاله للمحبّه كفايه !!
للآخر أسمعني حبيبي وهدّي
أحبّك وحبّك له ألفين رايه !!
وعشان تدري وشهو أسباب صدّي
أبيك تفهم ويش سر الحكايه !!
أمانه خل يدّك حبيبي فيدّي
حتى الموادع ياحبيبي غوايه !!
إلا إذا طاح المطر فوق خدّي
وأسرفت في دمعي وطوّل بكايه !!
أمسح دموعي | خل حزني يعدّي
والقلب خلّه غارق بصوت نايه !!
المستحيل أن كان خصمي وندّي
أبقى معاه أنسان ضايع وتايه !!
يمكن حلاة الحلم لا صار قدّي
يالمستحيل اللي وصولك دعايه !!
خلاص معْك اليوم وصّلت حدّي
حتى ولو مالي على البعد غايه !!
وعشان غيرك ماحب أنسان ودّي :
تدعيلي بعدك صاحبي بالهدايه !!
.
لا يستطيع أن يكون وطنياً من كان ذا معدةً خاوية !!
وليم بران
,
تضحك عيونك تضحك الأرض تحتي
وأرقّص القمرا على مهجة الليل !!
واقف وأغنّي للسما لانزحتي
وأجرّ دمعات الألم والمواويل !!
أبسألك : في ذمّتك وين رحتي ؟
وأنا أتسكّع خطوتي كلّها ويل !!
أبسألك : في ذمّتك وش ربحتي ؟
وأنا شجنيت اليوم غير الغرابيل ؟!!
لا ماكتبت أسمك , هنا كان نحتي
هنا عشقتك ويل , وأنهدّبي حيل !!
وهنا هنا بيدينك أنتي جرحتي
وسالت عروقي مدري كم سال من سيل ؟!!
لا مافضحتيني وبس أنفضحتي
وش أستفدتي يوم دمعك هماليل ؟
.
لا يستطيع أن يكون وطنياً من كان ذا معدةً خاوية !!
وليم بران
,
قريباً أهجر اللي هُم معي وأتنفّس الغربه
قريباً أسجن الليل الطويل ولعنتي جوّاي !!
تعبت أبني معا هذا الزمان المُفتري صُحبه
مدام أن البحر ماله خوي , وأستامنه ميناي !!
تعبت أرسم ملامح وجهي الشاحب على التربه
وألوم الريح وأتجاهل قبل هذا فعل يمناي !!
تعبت أكذب على نفسي وأقول أن السما رحبه
وأنا أشوف المدى ضيّق , وياصبري على بلواي !!
أحسّ أن الحياة بكبرها ماهي سوا لعبه
خسرت بكل جوله وأرتفع صوت الشجن والناي !!
أرسمي وجهي وقولي :
وش تشوفين بصراحه ..
تشبه أحلامي ذبولي ؟!!
كثر هالتُربه جراحه ؟!!
شخص غامض وإلا واضح ؟
أي أكثر شي فاضح :
فيني .. فرحي وإلا حزني ؟!!
ولا يغرّك لو تلاشت
صورتي مع أي نسمه !!
ولا بقتلي أي ملامح !!
وجه ماله أي صاحب !!
غير هذا الضيق | شاحب !!
أكثر أحبابه تخلّوا ..
ليته عمره يوم ما حب !!
فيه تتسلّى يدينك !!
منهو بس يقدر يدينك ؟!!
والزمن قبلك تسلّت
يدينه فيه .. وياما سامح !!
.
لا يستطيع أن يكون وطنياً من كان ذا معدةً خاوية !!
وليم بران
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات