غصب, مابي اعرس ..!!

[ملامح شمري]

اللي يشوف العنوان يقول لبنت و غاصبينه اهله على شايب ..

هههههههه

ايه صح نسيت ..

يوسف اقضب الباب
داري انك بتجي من تسمع طاري العرس

الشبث لا ترد <- اكرهه , دفش , بس يجرح مشاعري

خالتي الاقحوان , كم عمر بنتك حصة ..؟

^
ترى ذي مقدمة
,,,

هالحين بسال عن شي , مدري هو عند كل الناس يصير ولا عند بعضهم بس ..

الصباحية وش قصتها .. ؟
المبلغ اللي لازم تعطيه للعروس بعد الدخلة من بكرى الصباح و يبدا
من الف ريال و طالع ...
وش سنعه و ليه و من خلاه عادة لازم تسويها ..؟!

هالحين دافع لها مهر و من دم قلبك و تعطيها زيادة صباحية < طب يمكن البنت ماتستاهل ريال , ليه الخساير ..!!
بعد . ليه الواحد اذا توفرت له المادة و كان بعمر يأهله للزواج وما تزوج , تبدا الضغوطات
عليه عشان يعرس و احيانًا من اقارب او جيران لهم بنات معنسات
و يبون الفكة منهن < يا كثرهم والله
ويمكن تاصل للقدح بالرجولة , ليه ما يخلونه على راحته ومتى ما بغى اعرس ..؟

و سؤال للشباب ..
( و الشيبان ان بغوا الله مير يحييهم بعد ) و ابي اجابته و بجد ..

بنت , مرة , عجوز اللي يجي و تشتغل بسلك التمريض , ترضى تاخذها
ولا تصرف النظر عنها ..؟
او وحدة تشتغل ببنك بادارة او مكان مختلط ..

سؤال ثاني ترضى تخلي اختك تشتغل بمستشفيات او مستوصفات قطاع خاص ..؟

^
وش علاقته بالموضوع , مدري ولاحد يسأل

وللجنس اللي يقولون انه ناعم ..
اذا حصلت لك وظيفة بمستشفى او مستوصف قطاع خاص او بنك تقبلينها و لو كانت تأثر
على فرص زواجك ..؟

عن نفسي بحتفظ باجابتي و بقولها بعد ما استمع لاجاباتكم ..

هالموضوع اجابة لطلب خالتي الاقحوان و ما عاش من يردك
خالتي ام حصة < زين وجهي عاد لو طلعت حصة صغيرة
و لاهيب عمر زواج وتعبي عند امها راح فشوش

برايفت لريم شمر : ان تخانقنا بهالموضوع وافحمتك كالعادة انسي انك
تدقين على امي و تورطيني معاها , ترى غيرت رقمها ..

تشااوو ..

[ريال الفسحه]

هههههههههههههه


قسم بالله انك حفله



ع العموم


انا من شروطي ان شريكت حياتي تكون ربت منزل
ولا تكون موظفه <--- انت فكر تعرس بس خخخخخخ

بنات الربع الجيده بهن معاه متوسط خخخخخ


يعني لو ابي موظفه مافيه



ملامح


تبي تعرس وتتركن عزوبي لحالي

[يـــوسف]

يوسف اقضب الباب
داري انك بتجي من تسمع طاري العرس

ملامح اقسم بالله انك جني ههههههههههههه





كنك داري ابي اطب






لي رجعه

[روح حايل]

تبي تدفع وانت شاطر




















تبي تنق دراهم وتقول اووووووووووووووه خطبها نصيب

















كلوه منكم انتم اللي دلعتوا الحريم وشرهتوهم عليكم


ولا هن ياحول مايسألن اللي تحطوه ترضى بوه




هالحين صباحة ، وطقم الماص , وشهر عسل بالخارج



تستاهلون

















عبدول خاطبن حصه لا تقرب يمه

[فوووز]

الصباحية وش قصتها .. ؟

فيه عوايل تسوي الصباحية فرض شيء معين .. مثل ماقلت أنت مبلغ مالي..
وبعضهم يخليها طقم ذهب .. ألماس..
بس مهوب شرط ..يعني الهدية البسيطة كافيه..

هالحين دافع لها مهر و من دم قلبك و تعطيها زيادة صباحية < طب يمكن البنت ماتستاهل ريال , ليه الخساير ..!!
بعد . ليه الواحد اذا توفرت له المادة و كان بعمر يأهله للزواج وما تزوج , تبدا الضغوطات
عليه عشان يعرس و احيانًا من اقارب او جيران لهم بنات معنسات
و يبون الفكة منهن < يا كثرهم والله
ويمكن تاصل للقدح بالرجولة , ليه ما يخلونه على راحته ومتى ما بغى اعرس ..؟

في هالحالة .. أنا ما أأويد أن الشاب يزوج.. يعن يبيزوجونه غصب وهو مهوب راضي
بمعنى,,
حد الولد ماقال أنا أبي أتزوج وأكون أسرة ..حتى لو توفر عنده المال
ليه يضيقون عليه ويقولون له تزوج.. وممكن بعد يختارون له على مزاجهم..
ويوافق ويبنتهي الامر بزواجه علشان يسكتهم..
وبالآخير يطلق .... يقول ماكنت مستعد أو فيها وفيها..

الاجابة على السؤال الاخير الخاص بالعمل في مكان مختلط

أي مكان ممكن يكون فيه احتكاك بالرجال باي شكل .. العمل فيه صعب جداً
أفضل مجال للعمل براحة هو مجال التعليم..

..

[روح حايل]

ليه الواحد اذا توفرت له المادة و كان بعمر يأهله للزواج وما تزوج , تبدا الضغوطات
عليه عشان يعرس و احيانًا من اقارب او جيران لهم بنات معنسات
و يبون الفكة منهن < يا كثرهم والله
ويمكن تاصل للقدح بالرجولة , ليه ما يخلونه على راحته ومتى ما بغى اعرس ..؟

قدح الله دماغ بواما



انتم لو مانحن عليكم بالعرس تسان الواحد مايعرس الا بالاربعين



الا يوسف هذا حالة شاذة جيناتوه شغاله على العرس منذ لحظة ولادته





























زوجوا ملامح ياجماعه

[أغاريد الرحيل]

الصباحيه
مدري متى بدت هالعاده بس الوكاد انه مي من زمان
يعني من عشر او اثنعش سنه
وش الهدف منه بعد مدري بس الوكاد انه من صالحنا ههههههههههه
بس شف دايم ام العروس اللي حولها لهن شرهه >> مي شرهه اللي بالمنتدى
لالالا يعني يتشرهن عليها وعلى العروس بانه تعطيهن قرنقش
فايمكن عشان كذا سنو هالسنه

وبالنسبه للممرضه او اللي تشتغل بمكان مختلط لو اخوي قال يبيه معصي ماخليه يعرس عليه
ياخي ماهو عيبن فيهن بس مهما كان تلقى الحياء عنده اقل درجتين من اللي غيره
يعني هالاماكن تخليه جريئه شوي
وعني انا والله لو يعرض علي ماقبلت اصلن جتني وظيفه ببنك ومو مختلط ورفضت ياخي خفت اخطي بالعد واضيع فلوس العالم
همن من يفكن منهم هههههههه
<< تقول يازين وظايف التربيه والتعليم (معلمه ولا اداريه) احسن شي

صح وبالنسبه لأخواني ماظنتي الا اكيد ماراح يخلوني اتوظف بمكان مختلط لو بغيت

ملامح شمري
موضوع رايق صراحه منين نخشت هالفكره

<--- تنتظر الفايروس متى ياصل
اهم شي هديه حتى لو فايروس
تحياتي

[ابو ضاري]

الحمد لله اعرست ولا دفعت صباحيه


الصباحيه هذه مالها اساس عندنا لكن دخلت علينا مع باب الله يسده ان شاء الله

اعطيها مخطر ابو غازي تبي صباحيه بعد

[ملامح شمري]

هههههههههههههه

قسم بالله انك حفله




ع العموم


انا من شروطي ان شريكت حياتي تكون ربت منزل
ولا تكون موظفه <--- انت فكر تعرس بس خخخخخخ

بنات الربع الجيده بهن معاه متوسط خخخخخ


يعني لو ابي موفه مافيه



ملامح


تبي تعرس وتتركن عزوبي لحالي

والله يا ريال اني اكافح و اقاوم بس وش اقول كلن و له حد
امي الله يهداها نشبت لي من كم اسبوع بسالفة ممرضة و قبيلية , مهيب شمرية بعد
و يوم قلت معصي ..
سحبت كرسيها و جلست بالحوش تحت المطر , وقالت الا تاخذها ولا مانيب قايمة ابد ..

^
تقلد منى واصف بمسلسل حمد و جواهر ..!!

قلت بسلامتك اجل , و قمت و خليتها
شفت وش كثر اعاني و عشان ما تركك لحالك عزوبي
قدر ظروفي يا اخي

[أهداااب]

<< سمعت طاري العرس جت عاضه شليلها ..

هالحين بسال عن شي , مدري هو عند كل الناس يصير ولا عند بعضهم بس ..

الصباحية وش قصتها .. ؟
المبلغ اللي لازم تعطيه للعروس بعد الدخلة من بكرى الصباح و يبدا
من الف ريال و طالع ...
وش سنعه و ليه و من خلاه عادة لازم تسويها ..؟!

الحمد لله مو عندنا ..



بس اعتقد انه تعويض نفسي بعد الخرعه ..






تقليد أعمى ..



ما أنزل الله به من سلطان ..!!

طب يمكن البنت ماتستاهل

افاااااااا من أولها

ما تستاهل ..

بعد . ليه الواحد اذا توفرت له المادة و كان بعمر يأهله للزواج وما تزوج , تبدا الضغوطات
عليه عشان يعرس و احيانًا من اقارب او جيران لهم بنات معنسات
و يبون الفكة منهن < يا كثرهم والله

اخوي الكبير هو اللي انخطب ..



و الثاني شاوره واحد من الجماعة لبنت اخوه و اعتذر لأرتباطه بالدراسة خارج المملكة

و زعل عليه زعله شينه ..





و على فكرة ..


مو بس أنتم يا الشباب اللي تُمارس عليكم ضغوط من هالنوع ..


حنا بعد يا البنات إذا كانت البنت في سن الزواج و مخلصه دراسة و سنعه


تبدأ تنهل عليها الأسئلة ..


يعني أنا مثلاً - و أعوذ بالله من كلمة أنا -


دائماً لما اكلم واحده من صديقاتي واكون لي مدة عنها أول سؤال تطرحه :


هاه هدوبه بشرينا عنك ما في أخبار حلوه << تقصد زواج أو خطبة



و نفس الشيء صديقات اختي أول سؤال يطرحوه لما يتذكروني هاه ما تزوجت هدبا ..؟!


مدري وش عليهم مني هو أنا جالسه على قلوبهم ..؟!

و تشتغل بسلك التمريض , ترضى تاخذها
ولا تصرف النظر عنها ..؟
او وحدة تشتغل ببنك بادارة او مكان مختلط ..

كثير من الرجال يدور الموظفة و ين ما كانت تشتغل


بنت خالتي ممرضه و هي اللي تصرف على البيت و زوجها راص اذنه << على قولة الماما ..

وللجنس اللي يقولون انه ناعم ..
اذا حصلت لك وظيفة بمستشفى او مستوصف قطاع خاص او بنك تقبلينها و لو كانت تأثر
على فرص زواجك ..؟

ياليت ..


لو في حانة ..


حلمي منذ الطفولة اكون مضيفة على الخطوط الدولية و كل بلد أمرح فيه ليلة



بس عندي اخوان راضعين شطة ..





و الرجال اللي ما يبيني لمضموني و لا عنده ثقه بي ما ابيه ..<< يا واثق انت ..








ملامح ..



عقبال ما نزفك و نشوف عيالك يلعبون مطارده في مضيف الكمبيوتر ..



الزواج استقرار و راحة بال



بالتوفيق لك و لجميع الشباب ..