الشيبآن طق طق شو حلويين طق طق
السلام عليكم ورحمة الله وبركاته ...
عمتم مساءا وصباحا..
عسى الله يغفر لنا ولكم بهالعشر المبااركه
أحيييييييييييه يالبرد..
غش والله ياجو حايل غشااش ..
مره برد ومره حر ..
عاد من زود الحظ لا صار الجو حاار تدرفلت لبس ولا صاار الجو بارد خففت لبس
هذا وهي ماجت المربعانيه سنوني تكصمن ..
الله يعين بس ..
توقعون يطلع فقع الحين ..
الله يعيننا على العجز تسيف ان الوحده مستعده تدفع بااقي عمره بس تشري فقع ..
هو بس لو يلتهن بالفقع ويفكننا من شرهن ..
تسان حنا بخيييير...
يااخيويني مهي حاله هالحضانه اللي عندنا
جدتي نمشيه ام ابووي منا حليله طويبه.. بس ام جدتي حسرة بي..
تسيف انه تشوف الجني ولا تشوفن
تسيف انه تمدح الحوثيين ولا تمدحن..
مااتدانـــــينن ..
تفتري علي هالعجيز حسرة بي ..
يامن جى اخر الليل امن قعدت تبتسي ..
اليزابث :واويلي .. يااعل الله لا يبيحتس يااعل يتوطاااتس دب يقطع نفستس ..
وعلى هالحاله ..
لا افطرنا ..
اليزا بث : ياوليدي فكن من شر بنتك نوف
ابوي: وشي نوف ..
وهي تشر علي ..وتقعد تبستي : ياوليدي كل يومن احسبه يومي لامن جن الليل وهجدو العرب جت وقعدت له توطي برجوولي ..
وانا اصييح ياانووف حرآآآآم عليتس ..
قال ابوي : وش يدريتس انه ريتاج اللي توطااتس مجليتس عميا ..
اليزا بث: كشك مني عميا بس عندي ضعفن بالبصر.. انا ادري ان نوف مااتدانينن وتبينن اطلع من بيتكم لكن معصي على هالشارب ان طلعت
والله ما اطلع منه ياما امووت .. هين ياانويف .. الله لا يبيحتس لا دنيا ولا اخره.
قلت: ماار عمرتس ما ابحتينن ..مار شكلي ابدخ الجنه منتس.. الله معي تفترين علي .. منك لله يا اليزا بث ..
اليزا بث : ياوليدي ان مااقمت عليه وتوطيته الحين قداامي والله لا ازعل عليك لا يوم الدين ..
ابووي تسنه يمسطن ياقليلة الادب توطين جدتي هذي جدتي طررخ طرررخ .. وانا :: ااح يووجع يببه اتووب مرره ثاانيه ما اتوطااه
ولنا ساعه وحنا نمثل ..
قاالت : تحسبونن وغد تلعبوون علي .. الله ابو ابو من جمعكم وجلس معكم ..
وزعلة له يومين ..
وكل يوم يسأله ابوي : هااه ياجدتي مااتوطتتس اليوم ريتاج ..<< ينكت ابو الشباب
يماار هكاليووم متجمعاات عجز الحااره ومعااهن خواات اليزا بث ..<< انا ما ادري وش يااكلن هاللي مخليهن حيااة الى هاليوم
تف ما شالله تباارك الله
ومن قراادة حظتس ياارتيج انتي الي تقهوين ..
يماار دخلت عليهن ..
عجز يالله يشفن..وانا اصب لهن قهووه ..
يماار شهقت اليزا بث .... واويله وش هالرمثة اللي فووقتس ..
<< وانا المس شوشتي ..واناظر العجز يماار مني جايزتن لهن ابد..
العجز .. ياويلي الله لا يبلانى
ياويلي استغفر الله الله يثبتنا على دينه
يااحيي وش به شنووح شوشته هاتس
ياحيي والله طرة لي شوشت ولدي دعيج لاجا من البر
<< وانا لاتعليق
وانا ووجهي كااشختن لهن بالجالبية الدهما ..
بس والله شوشتي معصي استشووره لعيوونهن جعدته هههههههههههههههههههه بس والله اني قاضبته مااخليت بنسه مااحطيته بووه
يماار خوات اليزا بث : يااوليدي وش هالشغل حراام هاللي تعملينه بشعرتس
كملت الثانيه : يااوليدي تريه بدعه هاللي تسووينه بشووشتتس
وكملت الثالثه : وكل بدعتن ظلاله وكل ظلالتن بالنار
وكملت الاولى ماار توولمي تريتس من اهل النار
<< بغيت اجدع دلتي وارووح احلق على الصفر
قاالت اليزابث : ماار هذي من اهل الناار على عملن تعمله بي توالي هاليول قطع يقطع هالفره
قلت : وش عملت بتس استغفر الله هالمخرفه...<< قلته بصوت واطي من مدااهمتهن تكتن العبره
اليزابث: تسمعوووووووووون تقوولي مخررفه انا مخرفه ...
<<كش شلوون سمعة هذا مجلي صمخى..
قلت : من يقووله مااقلت مخرفه بس انتي مخبطه اسلاكتس يا اليزا قصدي جدتي
اليزا بث:والله يااخيوااتي .. اني شووف عيني اللي مااكلاه الدوود ... انه لا جى اخر الليل امن رجفت رجوولي بله عجره وتوطي ..هشمتهن
مااتشفني يووم جيتكن اطقطق بالطريق ..<< هلا والله
قالت اخته : واويلي كل هااه تعمله بتس رتااج
قالت: وشي ريتاج نووف اللي هشمة رجيلوااتي ..
وانا ولله قلت اشطف.. تحتسي يااما تشبع اذن من طين واذن من عجين ..
وهالربااعي المنعكف.. سب بي وعجز الحااره يطاالعن لي بأسى<< حسيت روحي من اطفال الحجاره
قلت انا وجهي ..هذا اللي ابيه يووم اتبرع اقهويهن لييه وشنووح ووشووله
وانا اجي يمه ابي تبلع قهووه عسااه تهجد ..
واخذ فنجااله
قمت صبيت له طبعا هذا مع المسكاات : عدلي الفنجال لا يطيح مهو هاتس تنمسك الدله ما تنمسك هااتس
وانا امد الفنجال : اقول اشربي بس والعني بليس
يماار صرخت : يالمروحه وش هالشعره اللي طاايحتن بفنجالي من رمثتتس ..
انا انخرعة وانا اخمش فنجاله واويتس به يماار ماابوه شين وانا ادخل صبعي واخظ الفنجال ابي اشووف به شعره ..
يماار صرخة : ليييييه هاللون وووووووع وااتسبدي انا اشرب الفنجال عقب صبعتس
انا وصلت معي .. اليييييييييييه وبعدين مع داار هالمسنين واخرته معااهن ..
وانا اروح اجيب له فنجال ثاني واصب له ..
يوم راحن عجز الحاره بقى الرباعي المنعكف ..
يماار يتفنسقن علي ...
اليزابث تمد الفنجال وانا جاالستن عندهن : قالت يااويلي حفيدي من ضااحكن عليه وطاالعن له هالمسخ البشري << لاحظو انه تعنينن
قالت اخته : تخبرينه اول ابووه ماخلى احد مااضحك بووه تخبرين نهييه ..نهيه الخبله مابه من ريتاج
قالت لثانيه لا تخبرن حسن ابو ضرووس مجاالي به لمحتن من زقاامه ..
والله وانا اقوم وانثر الدله برجلي ..
قلت خلن احد يقهويكن الشرهه مهو عليكن على اللي مقاابلتكن ..
اليزابث : اذلفي الله ابو ابو هالفرة الغبرا ...
قلت هين يالعجوز الرعناء غاايلتس غاايلتتس ..الله لا يعووق بشر ..
شرانييييييييه ياانااس من قلب ..
والله ما اعمله شيين << وحولالات من توطااه صتس
ما اقوول الا يالله حسن الخاتمه بس ..
بعض الشيبان لا جلس عندهم الواحد مااوده يقووم ..
وبعضهم ... الله يكفينا شرههم
عاد لامنكم غديتو شيبانن متعكفيين لاتصيروون هاتس ..
تروونن بقالي نقطه وانهبل من عملن تعمله بي << تبتسي
وين بنته الثانيه تضفه عننا..
ما اقول الا الله يعين هديبا بس ..
<< اصبروا ابتسي وارجع ..
مااطولش عليكم خل اروح ابتسي برااحتي ...
شييييييييييييع
رد مع اقتباس
المشاركة الأصلية كتبت بواسطة عبدالله الجعيثن
المفضلات