** سلة بوحي ** عبدالله الجعيثن

[عبدالله الجعيثن]

ماني مصفّق للطفش وانت موجود // تعال سولف لا توقّف دخيلك

اصباعك الاوتار ..همسك نغم عود // وانا لك الجمهور شيلن واشيلك

لبّا فليل الليل .. وعيونك السود // مالي وطن غيرك ولا ابغى بديلك

[عبدالله الجعيثن]

تدري!!

وش اللي ذابحن قلب شاعرك

انك قصيدة شعر ,,, ضايع مشدّه

[عبدالله الجعيثن]

نصحتهم ..وش صار؟ ايه كرهوني // واللي حكى بغيابهم يمدحونه

عزيتهم..واغليتهم .. وتركوني // اثر النصايح في زمنّا مهونه

[عبدالله الجعيثن]

يكفيني اني معك..والباقي يغور//والله خشب.. وانتي ذهب يابعدهم

[عبدالله الجعيثن]

لا تكشفين الزين .. خليه مستور // مادام قلبي قبل ما آرد وردهم

[عبدالله الجعيثن]

مشكلتي اني لاتزاعلت معها // ارجع لها واحبّها واطلب رضاه
















بنتي وعد

[عبدالله الجعيثن]

لبّيه...يابوتها .. لبّيه // لمّـــاع.. واللون فسفوري

بشويش..يا كنّها تغليه // كنّه تحاكيه " me sorry "

تحسّ.. في ثقلها ..موذيه // وشعورها ..ترجم شعوري

[عبدالله الجعيثن]

بعض السكوت احيان ذل ومهانه // ومعوّجّ ذيل الكلللب ماينعدل دوم

نايف .. وطنّا .. في يدينك امانه // واللي يريد الروم .. كزّه على الروم

[عبدالله الجعيثن]

الضرس لامنّه لعب وسطه السوس // ماينفع علاجه..على طول تلّه
زمرة مجوس وحقهم شذرة الموس //لارقابهم يامير..طالبك سلّه
المملكه هامه ولا تقبل الدوس // واللي نوا التخريب..تكفى تذلّه

[عبدالله الجعيثن]

حرااام صوتك من البارح على بالي // لازال في طبلتي يعزف تقاسيمه

بعطيك اعذب قصيدي واجلس قبالي // صوتك أسرني وتذبحني ترانيمه