صفحة 1 من 4 1 2 3 4 الأخيرةالأخيرة
النتائج 1 إلى 10 من 35

الموضوع: ,, هجينيــات ,,

  1. #1
    مستشار مضيف قصه وقصيده وتاريخ شمر الصورة الرمزية مشــــعل


    تاريخ التسجيل
    05 2004
    المشاركات
    3,140
    المشاركات
    3,140

    ,, هجينيــات ,,



    بسم الله الرحمن الرحيم

    الهجيني : بحر من بحور الشعر يتصف بالقصر ويسمى ( غناء العامه)
    او ( غناء الركبان)

    وطبعا سمي بالهجيني نسبة الى (الهجن) لانه غالبا ماينشد فوق ظهور الابل

    اشتهرت فيه المنطقه الشماليه وشمر بالخصوص

    ولابناء شمر طريقتهم الخاصه في اداءه ..

    موضوعي هذا سيكون مرجع لاشهر هجينيات الشمال او شمر خاصه

    اتمنى قدر الامكان ذكر الهجينيه كامله بالاضافه مع توضيح بعض المفردات
    والمناسبه
    وذكر اسم الشاعر اذا امكن

    ولو انه اغلبية شعر الهجيني مجهول الهويه يعني لايعرف قائله..
    وهناك من يقول ان اغلبية شعر الهجيني نسائي لذلك لم يعرفو القائل في اغلب الاوقات

    لانه قديما موضوع ( الغزل ) هو الدارج او خل نقول هو المسيطر قديما
    لذلك خصوصية المرأه تجعلها غالبا ماتمتنع عن ذكر اسمها

    فتشتهر الهجينيه دون شاعرها

    انا محضّر العديد من الهجينيات سأضيفها ان شاء الله
    وكذلك الباب مفتوح للاخوان

    لكن اتمنى التقيد في النقاط اللي ذكرته حتى يكون الموضوع مرتب

    تحياتي




  2. #2
    [ موقوف ]


    تاريخ التسجيل
    12 2007
    الدولة
    الخفجي
    المشاركات
    725
    المشاركات
    725


    وحنا بأنتظااااارك يامشعل ...

    لاهنت يااخ العرب ..




  3. #3
    مراقب المضايف الاسلامية الصورة الرمزية ابو ضاري


    تاريخ التسجيل
    03 2007
    الدولة
    الجبي
    العمر
    45
    المشاركات
    15,733
    المشاركات
    15,733
    Blog Entries
    1


    لاهنت ياخي مشعل على بذل مجهودك

    ننتظرك ابداعك










  4. #4
    مستشار مضيف قصه وقصيده وتاريخ شمر الصورة الرمزية مشــــعل


    تاريخ التسجيل
    05 2004
    المشاركات
    3,140
    المشاركات
    3,140


    منيف + الضاري

    الله يعافيكم على التواجد

    ...........

    ( 1 )
    احد الفرسان من ( عنزه ) كان اعور
    فيخاطب احد النساء:
    [poem=font=",5,indigo,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    لواحلولات ياعيونك=وانطيك عينٍ خلاويه
    عينٍ توريك مضنونك=ولانتي على الرجم منخيه
    ماقهقهر الجيش يتنونك=مقيلك الظهر بالفيه
    [/poem]

    ( يقول عطيني عيونك واعطيك عيني .. انتي ماتريدين الا ان ترين محبوبك والعين الوحده تكفيك.. لكن انا فارس وينخوني الرجال واحتاجهن اكثر منك )

    .............

    ( 2 )
    احد الشعراء يتغنى بالشيخ الفارس درويش المايق في احد مغازيه
    ويقال انه عندما اخذ الحويطات :
    [poem=font=",5,indigo,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    ياطير ياموميٍ بالريش=سلم على داعج عيونه
    قولو ترى صلهن درويش=على الدبش والجنب دونه
    من رجم عليّه حرفنا الجيش=وتفيحت كل مجنونه
    [/poem]


    .............

    ( 3 )
    هجينيه للشاعر طراد بن حطيحط الجساري
    عندما عشق فتاة ( عوراء ) :
    [poem=font=",5,indigo,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    ياراكب اللي تكب الكور=ساجت حباله مع الغزوي
    الله بلاني بحب العور=من جوف لباسة المزوي
    [/poem]

    ...........

    ( 4 )
    هجينيه لابن مديفر بخضير المعكلي في احد المغازي :
    [poem=font=",5,indigo,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    الهجن هجن بنا بعصير= متنحراتن ديرتهن
    الهجن كتن شعيب ضمير=بعصير من عقب سروتهن
    هات الركايب وناد خضير=ناد المعكلي دليلتهن
    [/poem]

    ............

    ( 5 )
    هجينيه لعبدالله بن جحفل بزوجته كنّه :
    [poem=font=",5,indigo,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    فات الشتا مع خبيث القيض=وحنا ماوقنا على كنّه
    من فوق حيلٍ لهن تجويض=ذود المعادي يشلنّه
    [/poem]


    .............

    ( 6 )
    وكذلك هجينيه كنّه الرماليه بزوجها عبدالله :
    [poem=font=",5,indigo,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    باق الملا موتهم تخفيف =مار البلا موت عبدالله
    مرحوم يامهلي بالضيف=يامكثر الهيل بالدله
    ياما صفقهن وراحن عيف=وياما حمى كل منتله
    واليامسك زينة التوصيف=الدم من مضربه شلّه
    [/poem]


    ...........

    ( 7 )
    [poem=font=",5,indigo,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    نشيت انا نشت الدغلوب=ينش يانشت الخبرا
    يابو نهودٍ يشلن الثوب=عيت مكاويك لاتبرا
    [/poem]


    ...........

    اي استفسار او سؤال او تعديل مرحب به

    ( يتبــــــــــع )



    التعديل الأخير تم بواسطة مشــــعل ; 08-03-2009 الساعة 14:13

  5. #5


    مشعل بس لو تكمل طيبك وتعطينا صوتيات بعد


    بيّض الله وجهك



    لاطاح من عينك عزيزٍ وغالي ... ودك عمى عينك ولا طاح منها

  6. #6
    مجوّدٍ المعاميل الصورة الرمزية أبو روز


    تاريخ التسجيل
    08 2006
    الدولة
    الشرقية
    المشاركات
    1,403
    المشاركات
    1,403


    بيض الله وجهك يا مشعل


    موضوع أكثر من رائع


    متابع بقوة






    ]زعــبيل في قلوبنـــا[

  7. #7
    شبكة شمّر الصورة الرمزية الحيمري


    تاريخ التسجيل
    12 2007
    المشاركات
    4,788
    المشاركات
    4,788


    ياركبن فوق مايدلي * لو يسهج العشب مايذوقه

    له مركبن كنه الزلي * يشره على الطير بالحوقه

    اسلم وسلم على خلي * ترني بحضه عن البوقه

    يتبع


    يشوق فرع وقض الراس * خل الازارير دلاعه

    كل شرب بالهوى له كاس * وانا معك حيلتي ضاعه

    يتبع


    يصبر قلبي على ماجاه * اصبر من القاع للواطي

    اصبر من اللي تجر رشاه * قبيطها بالحلم ساطي

    يتبع

    يابنت وبي معك بالثوب * ماطول ماحولنا والي

    رد
    اجلي منت حاج يالمذهوب * لاتخرب الحج من شاني
    رد

    يابنت قبلك على ذنوب * وبلحق الاول التالي
    رد

    طق الزميم وذب الثوب والعب على النهد يالغالي


    ((تروها هجينيات بريه))





    اشكرك اخي مشعل



    التعديل الأخير تم بواسطة الحيمري ; 06-03-2009 الساعة 00:47

  8. #8
    مستشار مضيف قصه وقصيده وتاريخ شمر الصورة الرمزية مشــــعل


    تاريخ التسجيل
    05 2004
    المشاركات
    3,140
    المشاركات
    3,140


    هلا ابو طواله انت تامر امر

    ابو روز هلابك وهلا بمتابعتك

    الحيمري الف شكر لك انت على هالاضافه

    .................


    ( 8 )
    من الهجينيات المشهورات عند شمر بالخصوص ( موجوده بمقطع فيديو)
    [poem=font=",5,darkblue,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    يابكرتي وان جفاك منيف=تردين عذفا على ليله
    وجهك على مكرمين الضيف=شمر الياقلّت الحيله
    عند الجبيلي يطيب الكيف=وانتي تريحين ياشعيله
    [/poem]





  9. #9
    مستشار مضيف قصه وقصيده وتاريخ شمر الصورة الرمزية مشــــعل


    تاريخ التسجيل
    05 2004
    المشاركات
    3,140
    المشاركات
    3,140


    ( 9 )
    هجينيه للامير عبيد الرشيد:
    [poem=font=",5,black,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    ياحمود انا عارضي شابي=طرد الهوى جزت انا منّه
    ياكود وضّاح الانيابي=هذاك مني وانا منّه
    ياماحلا جدع الاسلابي =واركات سني على سنّه
    [/poem]


    ................


    ( 10 )
    يقول ذايد الدحيلاني رحمه الله
    ايام ماكان يعمل بالفوج في نجران .. ويهني من يحصل على رخصه من عمله
    لزيارة الاهل في الشمال
    [poem=font=",5,black,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    ونيت انا ونة المقروص=بين الاصابيع وابهامه
    هنيت من بالعمل مرخوص=ريح الهوى الزين قدامه
    وجدي على متعبين العوص=هل المراحيل والقامه
    [/poem]


    ............


    ( 11 )
    يقول احدهم :

    [poem=font=",5,black,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    ياشوق لاتلبس الجبّه=كان انت للناس عراضي
    صرتي علينا ضمى لبّه=بالقيض والبرق ماناضي
    [/poem]



    ............


    ( 12 )

    يقول حرّان المختاري بالشيخ الهاب المعكلي
    [poem=font=",5,black,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    المستوي والدليل الهاب=يقدى الركايب عن العيله
    ابوه قبله دليل ركاب=من غالطه وغرابيله
    [/poem]


    ..............


    ( 13 )

    يقول التبيناوي وكانو شمر اكاالسنه على زبالا
    [poem=font=",5,black,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    واويلكم يالمواليفي=كان زبالا قضى ماها
    اللي نحر يمة السيفي=واللي يبي نجد ينصاها
    [/poem]


    ..........


    ( 14)

    يقول احد الشعراء بالشيخين عبكلي الشلاقي وابن عايش من التومان

    [poem=font=",5,black,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    الهجن خذن بنا طاروق=يتلن عبكلي وابن عايش
    كم خفرة فدعت بالطوق=قالوا عشيره ماهو هايش
    [/poem]



    ...........


    ( 15 )
    من طرائف الهجينيات
    احد الشعراء وجه قصيده للمفوض البريطاني قلوب باشا ( ابو حنيك)
    يقول:
    [poem=font=",5,black,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    ياقلوب هذا دورٍ لك=وحنا ترى دورنا فاتي
    كل النشاما عبيدٍ لك=حطو على العقل نجماتي
    [/poem]

    يقولون بعده ارسل قلوب باشا بطلبه .. ( فجحد الابيات )
    فقال:
    [poem=font=",5,black,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    ياقلوب ماقلتها ياقلوب=وحياة خلاّق الانفاسي
    لاالبس زبونك واجر الثوب=واحط تاجك على الراسي
    [/poem]



    ..........



    ( 16 )
    كذلك يقول احدهم من الهجينيات المعاصره بطريق الجوف بعد مازفلتوه :
    [poem=font=",5,black,normal,normal" bkcolor="white" bkimage="" border="none,4," type=1 line=0 align=center use=ex num="0,black""]
    توك تجي ياطريق الجوف=من عقب ماصرت انا شايب
    مالك جماله ولا معروف=اقفيت من حبهم تايب
    [/poem]


    اي سؤال او استفسار او تعديل حاضرين


    ( يتبــــــــــع )




  10. #10
    [ موقوف ]


    تاريخ التسجيل
    12 2007
    الدولة
    الخفجي
    المشاركات
    725
    المشاركات
    725


    الله لايهينك يامشعل ,,,


    والله انهن يونسن هالهجينيات ...




صفحة 1 من 4 1 2 3 4 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته