صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 53

الموضوع: الاخ قهوتسي وأبوطروق شيخ الشيوخ

  1. #1
    من فرسان شبكة شمر الصورة الرمزية أبوطروق


    تاريخ التسجيل
    03 2007
    المشاركات
    3,761
    المشاركات
    3,761

    إبتسامة الاخ قهوتسي وأبوطروق شيخ الشيوخ



    السلام عليكم وشلونكم

    هذا سلمكم الله وسلمن مررة من المرات الكثيرات كنت مصيف في سوريا أنا واخوي ومعنا (الدقرش) اللي هم عوايلنا الكرام .<<<نقطة ومن اول السطر

    تخبرون صجت الوغدان وقرقة الحريم يدبلون التسبد.<<<نقطة ثانية

    قال لي اخوي وش رايك يابوطروق الليلة نبيه ليلتنا ونبي نستانس لحالنا ويكفي اننا نتعب سنة كاملة ويوم تجي الإجازة نبلش بهالدقرش اللي...<<ثلاث نقط و ...إلخ

    قاطعته وقلت:<<نقطتين فوق بعض وبرضه من اول السطر

    تم (وابشر بسعدك وانا اخاك~
    واركب على الباب ذا الحيني~) تبينا نسهر بأي كازينو

    قال:<<.........إلخ
    لأ لأ يا أخي لقد فهمتني غلطا"
    أنا لم أقصد كازينوا" أنا أقصد مطعما" رائقا" من اللواتي على نهر البردى<<< مثل مانتم شايفين نزل على اخوي الدين (مع اني خابره مامن امور)

    المهم وبحكم انه اكبر مني بتسعة شور وافقت وامري لله..

    رحنا مع الشوفير<<(سواق التكسي للي مايعرفون لغة شمر) وقلنا له نبي أحسن وأفخم مطعم على الملوي نهر البردى.<<عاد مصخت

    قال ابووسيم<<السائق ابشروا باوديكن لمطعم كتير زريف

    الوكاد وصلنا المطعم وهم يستقبلونا كل اللي يشتغلون بالمطعم تقل أول مرة يجيهم زبون ويقولون هلا بالشيوخ هلا بالامراء تفضلوا من هون

    وهم يحطوننا على اكاالطاولة اللي تفتح النفس وهو يجينا واحدن له قذيلة متعوب عليه قال: طلباتكن يا أمرا

    قلنا نبي كذا وكذا وهلون وهلون وقبل كل شي هاتولنا مقبلات مشكلة (يعني انا متطورين) عمار يالسعودية ناكل الكبسة على الريق


    وهو يجينا اكا الهامة لابس طربوش احمر وشروال من اللي يتدودلن وماسكن له دله وفناجيل وعليه شوارب لو ياقف جنبك دخلن باذنك من طولهن!

    قال: هلا بشيوخ نجد<< يالربع يازين هالكلمة تخليك تعيش جو مشيخة

    وهو يصبلنا من القهوة قال: منين الشيوخ قلنا من شمر وهو يصيح ياميت اهلين وسهلين باهلي وناسي أنا كمان من بيت شمر<<< التسذوب لو قايلينله ص كان قال وانا من بيت ص

    قلت له انت من اي شمر قال: انا من الجربا!!!

    وانا انزل فنجالي واقوم من الكرسي وآخذ الدلة منه وقلت: والله ان تقعد قال شو مابيصير قلت: لعنبوحيك انت من شيوخ شمر اقعد وانا اقهويك

    قال ولو مابيصير هالحكي بعدين صاحب المطعم يئتلني

    المهم قعدنا نتفنجل انا واخوي وهو واقف بالدلة ويوم جت المقبلات وانا امدله فنجالي وقلت بس

    وهو ياخذ الفنجال ويضرب به على الارض إلا غادين الفين قطعة

    انا انخرعت وقلت خير انشالله وش فيه
    قال ولو هذا فنجالك والله ماحد يشرب فيه بعدك

    وهي تجيني الكبره والغرور وداء العظمة وانا امعد من مخباي ألف ليرة وعطيتهن إياه وهو ياخذ فنجال اخوي ويفدعبه (يبي الف ثاني بس اخوي عطاه اشكل)


    تعشينا وغادرنا المطعم بمثل مااستقبلنا به من حفاوة وتكريم وركبنا مع ابووسيم ورجعنا

    يوم وصلنا اهلنا قالوا جتنا حرمة شمرية تبيع ملابس وشرينا كل بضاعته قلت وش دراكم انه شمرية قالوا سألتنا وقلناله حنا شمامرة قالت: وانا كمان من بيت شمر!!!!!!!!!

    قلت ياخبول هذي تضحك عليكم
    قال اخوي عين خير هم اقل شي اشتروا هدوم اما انت دفعت ألف على فنجال قهوة.!!!
    ________________________________


    تمت والسلام ختام




  2. #2
    من المعازيب


    تاريخ التسجيل
    10 2006
    المشاركات
    786
    المشاركات
    786


    هههههههههه

    والله منت سهل ... اجل الربع كلهم من بيت شمر ...
    ههههههههههه




  3. #3


    الله يونسك بالعافية أبو طروق سالفة ممتازه وإسلوب قصصي ولا أحلا أنت ممتاز أنت فنان أنت من بيت شمر الجرباء بس أبو شوارب لا .

    شكراً لك لاهنت.




  4. #4
    شبكة شمّر الصورة الرمزية حمـود


    تاريخ التسجيل
    07 2007
    المشاركات
    6,102
    المشاركات
    6,102


    ههههههههههه

    عمي اجل شيوخ شمر صارو قهوتسيه

    اثريك مبدع واسلوبك القصصي المضحك

    تميز له كل تقدير واحترام




  5. #5


    قلت له انت من اي شمر قال: انا من الجربا!!!

    وانا انزل فنجالي واقوم من الكرسي وآخذ الدلة منه وقلت: والله ان تقعد قال شو مابيصير قلت: لعنبوحيك انت من شيوخ شمر اقعد وانا اقهويك

    قال ولو مابيصير هالحكي بعدين صاحب المطعم يئتلني
    هو رح يئتلوا مافيها اشكال
    تدري ليه

    لانه كسر الفنجان
    خخخخخخخخخخخخخخخخخخخخ
    حلوه ابو طروووق
    بس ياحليلكم ما وقعتوا الا بايدين نصابين
    ترى يا كثثثثثثثرهم عندنا
    وخصوصا اذا شافوا واحد لابس ثووووب حتى ولو كان سوري ابن سوري
    بس اهم الشي انبسطتوا وانصب عليهم منيح خخخخخخخ



    مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل

  6. #6
    ما ينلحق معروفه


    تاريخ التسجيل
    06 2008
    المشاركات
    1,764
    المشاركات
    1,764


    أفا عليك يابوطروق أنا قلت هالدنيا أمقلبته على لضاه أثريك طيب بزود (يابوخوذه) .

    أنا عمي مرة جاء يمه له رجال وقال أنا ولدعمكم وما أدري كيف .. قاله عمي حنا ما نعرفك منه أنت وبين لنا منهم أهلك ومير الرجال يبلع العافية ... قاله عمي ما يمديك بكرى أنا وأياك عند المحكمة .. مهو هالون تحلتون أرواحكم على خلق الله وتنسبون أنفسكم لهم ... أنت ضيف على العين والرأس أما ولد عم تثبت لي ولا ما بيني وبينك الا المحكمة ... وهو يضيع السالفة وما أدري كيف وإلى يومك أضنه يركض ..

    لا وبعد خويك حاط روحه من الجربا الله يأخذ وجهه .. والله يابوطروق لو أنا بمكانك لأجره بشنبه ومشي ثلاثه كيلو وطلقه (شنبه) لخليه يتقفاه لمين ياصل عقلة الصقور ..

    أبو طروق يالله ضف قشك مشينا يمه (أبلعب به سله) ...

    تدري ابوطروق والله علشانك أبخليه هالنوبة ، والسنه الجايه أن عاد له علمن .. خل أكتب به بجدار (ياسر العضمة) ذكريات ابوطروق وفتى البيداء والأتحاد مهور ..

    تسلم ابوطروق على هالقصة بس ما تقعد لك مدة ما تكتب . عطنا موضوع ثاني .

    تحياتي .




  7. #7
    من فرسان شبكة شمر الصورة الرمزية أبوطروق


    تاريخ التسجيل
    03 2007
    المشاركات
    3,761
    المشاركات
    3,761

    شليويح



    حياك الله يالاصلج

    والله ياخوك انك تبلش باكاالديرة كل شوين طالعن لك واحد يقول اهلين ابن عمي


    مشكور يالاشلح على مرورك ونحنا مشتائين كتير لسوالفك

    :




  8. #8
    من فرسان شبكة شمر الصورة الرمزية أبوطروق


    تاريخ التسجيل
    03 2007
    المشاركات
    3,761
    المشاركات
    3,761

    أبوعارف



    هلا بالعشير المحترم

    يخسا ابوشوارب وشرط انه مايعرف ابوه منهو عشان يعرف اصله

    شاكر لك تعقيبك وتقلد تحياتي مع تحيات الشبث

    :




  9. #9
    من فرسان شبكة شمر الصورة الرمزية أبوطروق


    تاريخ التسجيل
    03 2007
    المشاركات
    3,761
    المشاركات
    3,761

    إبهام فوق حمود الناصر



    يالله حي ابوناصر الثالث

    لاوالله شيوخ شمر يبقون شيوخ وانت منهم بس هالسلق اللي كل ماجاهم احد قالوا حنا من نفس القبيلة


    إلا تعال انت توك تدري إني مبدع واسلوبي القصصي مضحك؟



    شكرا ع مرورك العطر والمميز (وش رايك تنقل موضوعي عندك بالرياضي وتثبته)

    :




  10. #10
    مراقب إداري الصورة الرمزية الشبث


    تاريخ التسجيل
    05 2004
    المشاركات
    21,609
    المشاركات
    21,609


    [align=center]
    اللي يبي يتعلم شلون يكتب بالفله


    يقراء للمدرسه ابو طروق


    مبدع يابو طروق ومنك نتعلم






    مثبت






    وتقلد تحيتي
    [/align]



    game over

صفحة 1 من 6 1 2 3 4 5 6 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. الشيوخ محمد بن هادى وتركي بن حميد
    بواسطة ظفيري القصيم في المنتدى مضيف قصة وقصيدة وتاريخ شمر
    مشاركات: 3
    آخر مشاركة: 03-07-2012, 07:31
  2. شيخ الشيوخ ماينقضه...............؟؟؟؟؟؟؟؟؟؟؟؟؟؟؟؟
    بواسطة الاعصار في المنتدى مضيف الالغاز
    مشاركات: 3
    آخر مشاركة: 31-07-2008, 02:40
  3. قصيده صوتيه جديده للشاعر محمد ابن الذيب بعنوان الشيوخ الخرابيط
    بواسطة رشيد الهديرس في المنتدى الشعر المنقول
    مشاركات: 2
    آخر مشاركة: 08-02-2008, 16:17
  4. نومان ( شيخن من الشيوخ عبده )
    بواسطة مياسه في المنتدى مضيف ا لشّعر الشعبي"النّبطي"
    مشاركات: 24
    آخر مشاركة: 21-05-2002, 21:10
  5. الاخ فواز = الاخ البايح
    بواسطة ابوحلا في المنتدى مضيف الكمبيوتر والانترنت
    مشاركات: 1
    آخر مشاركة: 10-03-2002, 23:06

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته