صفحة 1 من 2 1 2 الأخيرةالأخيرة
النتائج 1 إلى 10 من 20

الموضوع: % حادث مروري مروع للشبث %

  1. #1
    مراقب إداري الصورة الرمزية الشبث


    تاريخ التسجيل
    05 2004
    المشاركات
    21,609
    المشاركات
    21,609

    % حادث مروري مروع للشبث %



    [align=center]
    اول شين ابشركم مابي خلاف



    والحمد لله على لطه وكرمه




    وبس تذكرت سوالفن تضحك بالحادث وقلت ابعلمكم به





    يالربع




    والربعات ( ذليت يزعلن علي وينتفن شوشتي )






    هكا اليوم طالعن من الدوام الساعه اربع العصر



    وداعس للبيت ابي اقضب الارض بس




    وهي تدق علي ام ماجد



    قالت وينك



    قلت توني بالدوام والظاهر ابتأخر عليكم

    ( انا قلته من باب الاستهبال ابسوي به مقلب ماحسبه تبي تصير صحيح )



    الوكاد يوم دخلت الرياض وقربت شوين




    وانا اجيلي تقاطع خطير



    واوقف بجنب قلابي


    المشكله اني ما اشوف اللي جايين من هالبليه


    ومن كثر ذهانتي وحنكتي بالحياة ( وراثه اب عن جد )


    قلت ليامنوه طلع القلابي ابي اطلع معوه اتذرابوه



    والله وهو يمشي القلابي وانا امشي معوه

    وقبل يخلص الطريق وانا انقرد ( وراثه اب عن جد )


    قلت اكيد مافيه احد خلن ادعس













    وانا ادعس











































    دقيقة صمت بالله وكلكم قيام احتراما للذكي اللي خانوه ذكاوه









































    واول ماتعديتوه ليمار جاين ابو لمز ( ليموزين )



    وانا اديلوه على الباب




    وحنا نقوم نفتر كلن بجهه


    وغبار ماتشوف يدك


    عاد انا من شفت هالغبره والدعثه كلت مابدهاش ميت ميت ياشبيثان



    الله يجيركم وهن يمرن ذنوبي كلهن دزدامي


    واتذكر مره تكلمت على شنقل


    قلت اويلي ياهني اللي يشوف خشتوه بس ابي اتعذر منوه

    ( عاد هو ملعون رقبه ما يسامح بالهينه ولا يعرف حاجه اسمه تسامح )


    وتذكرت بلاوي سوداء الله يكفينا الشر تودي بداهيه




    المهم يوم فهت وركد الوضع وانا اقوم اتحرا هالشفايين يجون


    بس تأخرو



    غريبه مالهم بالعاده الله يستر عليهم تسان مابهم شين


    وانا اقوم احاتيهم





    المهم سميت بالرحمن ونزلت وشكرت رب العزه والجلال على فضلوه



    وانا اراعي لبو لمز ليما ليهالحين مانزل


    قلت وليييييه لايكون صار فيه شي


    وانا اروح لوه


    يوم جيتوه ليمار باكستاني


    ومعوه راكب سوداني ( التم المتعوس على خايب الرجا )


    قلت الحمد لله على السلامه


    قال السوداني الله يسلم يازول غزااااااء وغدررررر


    قلت خويك ليه مايرد


    قال ممكن يكون مصدوم




    قلت ياخي الحمد لله على السلامه يا صديق


    قال كويس


    قلت يا زول هذا مصدوم صحيح مهو يمكن






    الوكاد قمنا نتحرا المرور انا والباكستاني والزول



    ويوم خذيت شوين وانا اراعي للسوداني


    قلت يا اخ العرب انا والباكستاني ننتظر المرور علشان سياراتنا


    انت وش تبي


    تحسب الباكستاني يبي يوصلك


    رح دور لك ليموزين ثاني الله يجزاك خير



    قال والله صدغتا


    وهو يقوم من عندنا ينزي






    المهم

    جانا المرور





    وخذا اوراقنا



    قالي وين التأمين حقك


    قلت والله ماني مأمن


    قال انت يالباكستاني روح الله معك


    وانت دق على اي احد من خوياك موظف يجي يكفلك عند المرور وتمشي


    قلت متى اخليه يجي



    قال الحين حنا رايحين دق عليه الحين خلوه يروح هناك


    وادق على واحد من جماعة ربعنا قلت رح للمرور




    الوكاد قال اركب




    وانا اجي ابركب بجنبوه




    قال ارتسب وراء يالحبيب



    والله وانا ارتسب ورا على قولتوه





    وهي تبداء الحفله




    وهو يقوم يمتر بي الرياض



    وهذا حادث بجنوب الرياض يروح يموه


    وهذا اخر شمال الرياض يطلع لوه



    وهذا اخر شرق يدوس يموه






    وهالحتسي من الساعه اربع ونص العصر



    ويوم جت الساعه ست المغرب وحنا على هالفر

    قلت ياخوي انت شايفن ضحية حاطن ورا وتمتربي الرياض


    قال لايكثر


    قلت لا يكثر لا يكثر حكومه



    وانا انسحد ورا وانام



    وهو يقعدن المغرب عند محطه


    قال انزل


    وانا انزل


    قال غسل وجهك


    وانا اغسل فيسي



    قال فيك شي


    ( بهاللحظه عرفت ان الرجال يحسبن تعبان )



    قلت وش مافيني كل بلاوي هالدنيا فيني


    والظاهر بي نزيف



    قال طيب رح لاهلك


    قلت شلون اروح لاهلي


    انا الحين وين


    قال حنا الحين بمنفوحه


    قلت ياحبيبي وانا وش يوصلن لاهلي




    الا قل وش يطلعن من منفوحه هذي



    قال الظاهر منت كفو طيب ( الظاهر اكتشف اني تسذوب )


    يالله ارتسب مكانك


    قلت انت الحين تحسب انك متجملن بي


    ارتسب ارتسب







    وهو يقوم يلاهدني



    من رصيف ليا رصيف





    وانا لي صياح ورا




    الله لا يوفقك


    الله يقطع بذرك



    الله يوريني فيك يووووم









    وعلى هالحاله ليما جت الساعه تسع ونص




    يعني خمس ساعات وانا بجيب المرور ( بالله هذي حاله )






    الوكاد وصلنا للقسم حوالي الساعه عشر الا ربع



    والمصيبه ان جوالي كل هالمده هذي قفل من البطاريه



    واهلي مايدرون وين انا


    وكفيلي مايدري وين وليت






    الوكاد وصلنا القسم واشوى لقيت الكفيل


    ويالله نفتك منهم







    وقبل اطلع مريت على العسكري اللي بهذلني




    وللحين كراعيني وظهري يوجعني





    وضاربن ابو وجه



    افمي برقبتي










    وتقلدوا تحيتي
    [/align]



    game over

  2. #2
    من فرسان شبكة شمر الصورة الرمزية أبوطروق


    تاريخ التسجيل
    03 2007
    المشاركات
    3,761
    المشاركات
    3,761


    الف سلامة يالشبث وماتشوف شر

    احسن شي انك نبهت السوداني يروح لاهله ولا كان ملابطك لليل


    مشكور ياشبيثان على سوالفك الحلوة والله يخليك للفلة العظيمة

    :




  3. #3
    مراقب إداري الصورة الرمزية الشبث


    تاريخ التسجيل
    05 2004
    المشاركات
    21,609
    المشاركات
    21,609


    [align=center]
    هلا اخوي الغالي او طروق


    والله يسلمك ويخليك




    وتسلم على مرورك الطيب






    وتقلد تحيتي
    [/align]



    game over

  4. #4


    الحمد لله على سلامتك يالشبث ,, بالحديد ولا فيك ..

    روعتن مع اني مالي بهالقسم لكن شدن خبرك,, وانت غالي علينا..


    تحياتي



    [poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    أشهد أن الرب واحد ..// ومعبود=وأشهد أنك بين هالعالم ..// سواك
    ((عبدالله بن غيث))
    [/poem]
    .
    .

  5. #5
    شبكة شمّر الصورة الرمزية غالب


    تاريخ التسجيل
    02 2008
    الدولة
    الرياض
    المشاركات
    5,331
    المشاركات
    5,331

    إبتسامة



    الحمد لله على الصلامه ياشبيثان
    شكراً على هاهاالسولافه هاذي




  6. #6
    كبار الشخصيات الصورة الرمزية عبدالله المهيني


    تاريخ التسجيل
    08 2002
    الدولة
    نجد
    العمر
    43
    المشاركات
    11,786
    المشاركات
    11,786
    Blog Entries
    1


    ابو ماجد


    الحمد لله على السلامه
    الحمد لله الذي لا يحمد على مكروه سواه

    هذا أولاً


    ثانياً يا طويل العمر

    نظام المرور لا يقر ماقام به هالعسكري
    اللي تركك راكب وراء بالجيب لمدة خمس ساعات مثل ما تقول

    إذاً العسكري غلطان


    السالفة سهله طال عمرك
    معروض صغير ولمكتب حقوق الإنسان
    وإن كنت متعاجر أرسله لهم بالفاكس وطالب العسكري بتعويض مادي ومعنوي ونفسي
    عن ما قام به من مخالفة صريحة


    إنت جايب الموضوع من باب المزح والضحك
    والموضوع بصراحه أكبر من كذا




    إن جاز لك كلامي وإلا أعتبر نفسك ماقريته

    والحمد لله على السلامه من جديد




  7. #7


    الحمد لله على سلامتك يابو ماجد, أشواء الي مالف عليك القلاب الذي تمشي بذراه.

    سلامة يوم تسلم دوم مقطوع الشر إن شاء الله.




  8. #8


    هههههههههههههههههههههههههههههههههههههههه ههههههههههههههههههههههههه







    اويلي بس يالربع حنا وش والله جمعنا بالفله كلن يتحدى الاخر بالقراده


    ابو ماجد السوداني يومنه موقف وش يبي اللهابو غارب ابو عدوه تهقى يتشمت بك ولا مايفتهم دايح




    على طاري الكفيل منهو كفيلك





    يالربع ابقولكم شين اخوي بنفس وقت حادث الشبث مسوي حادث ولكهم نفس الحاله بس اخوي توسده ماهو زي ابو ماجد



    ياملا العافيه يابو ماجد على هالسالفه ولا هنت .




  9. #9
    مراقب إداري الصورة الرمزية الشبث


    تاريخ التسجيل
    05 2004
    المشاركات
    21,609
    المشاركات
    21,609


    [align=center]
    الله يعز مقدارك اخوي كحل المحاجر


    وتسلم على هالمرور الغالي














    هلا باخوي سناعيس


    يالله حيوه


    ادري بك جاين تتشمت هههههه




    شاكر لك مرورك













    الله لا يهينك اخوي عبدالله


    وانا يوم انزل هالموضوع ابي ناس مثلك تنورنا


    وتعلمنا وش نسوي




    اصلا حقوق الانسان احسبه حقت رعاية الايتام هههههه



    من قل الفهم




    فهمت قصدي



    هههههههههههههههههه


    ادري انك فاهمن زين



    وشاكر مرورك الطيب












    هلا بعمنا وكبيرنا ابو عارف


    الله يسلمك ويخليك اخوي ابو عارف


    وتسلم على مرورك الطيب













    يوسف

    والله من القراده بين عيونك ههههههههه



    فكن منك يا شين هههههه










    وتقلدوا تحيتي
    [/align]



    game over

  10. #10


    هههههههههههههههههههههههههههههههههههههههه

    يا عالم نضحك ولا نبتسي للشبث ككككككككككككككككككككككك

    الحمد الله على السلامه يا شبيثان هذي عين ما صلت على النبي ككككككككككك

    عنبوا ابليسكم وشنوحكم انتم و هالقراده الي ماسكتكم عاد انا ام القراده وابوه واخوه

    الله ستر علي ما اسوق كان تحت الارض الحين كككككككك

    ما تشوف شر يا ابو ماجد زهب اوراقك الحقوق الانسان




صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. حادث مروري بس المشكله مع مين ؟؟؟
    بواسطة فاهم غلط في المنتدى مضيف فلّة الحجاج
    مشاركات: 18
    آخر مشاركة: 23-07-2008, 09:35
  2. % حادث مروري مروع للشبث %
    بواسطة الشبث في المنتدى مضيف فلّة الحجاج
    مشاركات: 19
    آخر مشاركة: 10-06-2008, 16:39
  3. حادث مروري لمعلماات في حايل(منذ يومين)
    بواسطة سيف الدولة في المنتدى المضيف الإعلامي
    مشاركات: 13
    آخر مشاركة: 04-02-2008, 22:45
  4. مشاركات: 6
    آخر مشاركة: 03-02-2006, 18:38
  5. نجاة شاعرنا فيصل اللويش من حادث مروع
    بواسطة بتول آل علي في المنتدى المضيف العام
    مشاركات: 33
    آخر مشاركة: 17-07-2004, 22:02

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته