صفحة 1 من 3 1 2 3 الأخيرةالأخيرة
النتائج 1 إلى 10 من 21

الموضوع: % مسلسل المضايف % ( الجزء الاخير )

  1. #1
    مراقب إداري الصورة الرمزية الشبث


    تاريخ التسجيل
    05 2004
    المشاركات
    21,609
    المشاركات
    21,609

    % مسلسل المضايف % ( الجزء الاخير )



    [align=center]
    اجتموا الجيوش


    والشيخ ابو عارف جامعن ربعوووه



    والشيخه عجايب جامعتن ربعاته

    ومعه شنقل وشلتوه



    واسبوع زمان كان فيه انواع الاستعدادات




    وتواجه الجيشاااان






    وابو عارف راتسبن على فرسوه

    ومتقدمن ربعوه اللي كل واحد راتسبن فرسوه









    والشيخه عجايب راتسبتن فرسه

    ومتقدمتن على ربعاته اللي كل وحده راتسبتن فرسه بعد

    ووراهم شنقل وشلتوه متكومين على حميرهم














    فاصل اعلاني




















    تايد للشعر الدهني





















    طلع الشيخ ابو عارف وقال انا الشيخ ابو عااااارف مهجد الذيابه


    واطلب منتس يا الشيخه عجايب تعطيني الشله المارقه







    وهي تتقدم الشيخه عجايب


    قالت انا الشيخه عجايب بنت الشايب مقصعت الرجال

    وهذولا دخلا بوجهي ولا يقرب لهم احد







    وهو يتقدم شنقل وشلتوه على حميرهم


    قال شنقل انا شنقل ابو هيلاهب اصفر

    واحلى تحيه للشيخه عجايب ودقي يا مزيكه



    قال الشبث انا الشبث وادرس برابع ( أ )

    وودي اصير بالمنتخب

    اذا مافيه مانع








    وهو يتقدم يوسف

    قال انا يوسف ولد الشيخ ابو عارف مطررررح البل

    واقول للاخ الشبث ليه شايف الوالد ناصر الجوهر على غفله





    الوكاد


    وهو يتقدم ابو عارف


    قال يا شيخه عجايب يعني ماتبين تعطيني هالشله


    قالت الشيخه ابد ماتقرب لهم وانا بي نفس







    وهي تنقز حمراء موت بنت الشيخ ابو عارف قالت يبه خلن اضغط وجهه بقدر الضغط هذا



    قال ابوه لا يا بنيتي هالحين يجيهم العلم






    وهم يطلعون مهاديدهم



    اللي جايبن معوه قناة ( عجرا )

    واللي معوه يد النجر واللي معوه


    واللي معوه رضم



    وبنت الشيخ حمراء موت معه قدور تبي تعجنهن على روس الزقرت








    والشيخه عجايب وقبيلته اطلعن عدتهن


    اللي معه ملعقه


    واللي معه مسواطه


    واللي مفتاح كفر ( الله يذكرك بالخير يامفتاح 14 )




    قال ريال فسحه

    وناسه شكله تبي تقبس بينهم





    قال شنقل اقول تولموا


    قال الشبث وشرايكم نهرب




    وهو يصفقوه المطنوخ قال ياخي هالقبسه هذي كله علشاننا شلون نهرب







    وقبل يتقابسون





    مر واحدن عابر سبيل يبي يقطع من بينهم ومعوه عايله



    وهو ياقف بينهم




    قال معكم مصيول




    قال ابو عارف انحش يا مصيول عن طريقي


    قال مصيول شكلك ماتعرفن انت




    انا قهوتسي الشيخ ابو سلطان

    وهذي عايلتوه نتمشى بهم بهالبران






    وتسان عندكم هوشه ولا مشكله امشوا للشيخ ابو سلطان يقضي بينكم




    قال ابو عارف انا موافق


    قالت الشيخه عجايب وانا موافق بعد








    الوكاد اتفقوا يروحون للشيخ ابو سلطان










    فاصل اعلاني





















































    ريد











    لازالت رائحة العرق





































    وصلوا لقبيلة الشيخ ابو سلطان





    ودخلوا عند الشيخ ابو سلطان





    والشبث قبل يدخل قال لشنقل يا شنقل انا ماني داخل معكم


    قال شنقل ليه ؟




    قال الشبث ماعلي نعول


    قال شنقل ليه وينهن نعولك


    قال تخبر يوم امردغ العنز بنعولي واهرب



    تركتهن هنااك





    قال شنقل


    اقول الفقه ولا يكثر وادخل مع الرجال


    ياخي ابيك لو مره تحسسني انك خاش جو معنا وتحس فينا



    وهو يتلوه بعلباوه ويدخلوه بالمجلس







    وعقب ماغداهم الشيخ ابو سلطان وضيفهم





    وهو يتقدم ابو عارف


    قال ياقاضي يا قاضينا


    ياللي بالحق ترضينا


    جيتك هدي قدي



    وافلح من صلى على النبي ( اللهم صلي عليه )




    ياشيخ ابو سلطان



    هذولا الاربعه شنقل وشلتوه اغاروا على قبيلتي وعثوا فيها فسادا


    وهربوا لقبيلة الشيخه عجايب



    ويوم جينا نبي ناخذهم من الشيخه عيت علينا وقالت هذولا لاجئين سياسيين


    ( وينهم وين السياسه وجيه العطايا )






    قال الشيخ ابو سلطان



    تقدمي يا شيخه عجايب وقدمي لائحة ادعائك



    وهي تتقدم الشيخه عجايب


    وسردة المقدمه اللي قاله ابو عارف ( ياقاضي يا قاضينا .... الخ )


    ياشيخ ابو سلطان



    هذولا دخلوا بوجهي ومافيه امل اعطيهم للشيخ ابو عارف لو ينقز













    وهي تفتر الكاميرا للشله المتهمه



    ريال فسحه يقص اظافروه


    شنقل متنقح يدخن

    المطنوخ يسوي بحث بلوتوث


    الشبث منجضع على ركبة شنقل ويقول افلن







    قال الشيخ ابو سلطان

    توقف الجلسه للتشاور هيئة القضاء




    وهو ينقز شنقل

    قال ياخي تحسبنا فاضين انت



    اخلص علينا



    وهو يستقعد الشبث قال انا ابقول شي




    قال ابو سلطان


    تعال تقدم هنا




    وهو يتقدم الشبث


    قال يا قاضي يا اخ العرب منين الله جابك لنا وافلح من صلى على النبي





    حنا نبي نعيش بس يا شيخ




    ذابحنا الهلتس


    والله اني اطرق ومزيون بس ماخلاني اصفر هاللون الا البسكوت المالح



    ولا خلا خشتي متقشره الا عوامل التعريه اللي لعنة شكلي انا وربعي



    قال منصور الغايب وشهم ربعك ربع الفلس


    قال شنقل كبتن لا تدف


    اعقل لا اطرف عينك الحين




    وهم يتواقفون بالمجلس



    وهو يطق ابو سلطان بيد النجر


    قال هدووووووء







    والله وهم يسكتون








    وينتظرون اجتماع المحلفين والقضاة













    وعقب نصف ساعه





    جاء القاضي ومعوه القضاة





    وعقبل ينطق بالحكم



    قال سناعيس ياشيخ ابو سلطان

    انا عندي شينن اقولوه






    قال ابو سلطان


    وليه من اليوم ساكت




    قال سناعيس والله خذيتلي غطه وانتم تحسون





    قال ابو سلطان قل اللي تبي






    قال سناعيس



    ياشيخ ابو سلطان ولا هانوا الحاضرين ماعدا شنقل وخوياوه


    انا ما املك من الدنيا الا عنزن لي


    ويوم اغاروا هالفاسدين علينا



    تكوم هالخبيل ( وهو يغط على الشبث ) على عنيزتي وقام يمردغه


    ليما لفظت انفاسها الاخيره




    وهالحين دجيت يا شيخ لا حلال ولا مال ولا هذي ولا هذيتس







    قال الشيخ ابو سلطان


    تؤجل الجلسه نصف ساعه اخرى للمستجدات




    وهو ينقز شنقل


    قال الله ينكبك انت وعنزك


    هالحين يوم بغينا نخلص طلعت لنا










    الوكاااد












    فاصل اعلاني































































    شرابات العايله
























    خوش شرابات
































































    وجاء ابو سلطان والمحلفين اللي معوه





    قال ابو سلطان




    اسمعوني يالربع







    حكمنا بما هو اتي






    يتم تعويض الشيخ ابو عارف عن جميع خسايرهم الماديه والمعنويه


    ويؤخذ تعهد على شنقل وخوياوه بعدم الاقترابمن هالقبيلة



    قال شنقل من زينه مانبي قربهم






    وغيره مالك يابو عارف اي شين عند هالشله



    وهم يتزحلقون الشله على بطونهم بنص المجلس





    تقل مسجلين هدف ذهبي









    قال ابو سلطان انتم اصبروا للحين ماخلص الحكم







    وبعد حكمنا على المدعوا الشبث بالشنق حتى الموت لقتله العنز



    ( ليمار الشبث على انبطاحتوه من الانزلاقه )


    وهو ينصفر الشبث يوم سمع الحكم




    وهم يعلقونوه مع رجلوه بعمود البيت ( بوه فقر دم يبونوه يصحي )



    وشنقل يطبطب على ظهروه يقول ( هاردلك ونشوفك على خير )








    وتفرقوا الربوع من بيت الشيخ ابو سلطان متراضين



    والشبث للحين معلقينوه برجلينوه






















    وجيتك منهم مدري عنهم





















    وتقلدوا تحيتي
    [/align]



    game over

  2. #2
    من المعازيب الصورة الرمزية مصيول


    تاريخ التسجيل
    02 2006
    المشاركات
    945
    المشاركات
    945
    Blog Entries
    1


    [align=center]

    ريد

    لازالت رائحة العرق

    الله يرجك يالخبل ــــــــــــــــ اشوفك مريت علي هكاليوم وعجزت اسلم عليك

    اثاريك عاثين به

    ههههههههههههههههههههه


    وياماشاءالله علي اثريني حلال مشاكل وحكيم



    اما تقل مسجلين هدف ذهبي ههههههههههههههه


    عزالله خوش سالفه

    الله يونسك بالعافيه


    بس انا استنتجت استنتاج ـــــــــــــــــ كم كمبيوتر عندكم بالاستراحه

    اشوف شنقل يستلمه من الساعه 12 للفجر ــــــــــــــــ وشبيثان من العصر للعشاء



    ههههههههههههههههههه الله لايخليني من هالسوالف
    [/align]




  3. #3
    شبكة شمّر الصورة الرمزية غالب


    تاريخ التسجيل
    02 2008
    الدولة
    الرياض
    المشاركات
    5,331
    المشاركات
    5,331

    إبتسامة



    يعيش القاضي يعيش القاضي يعيش أبوسلطان


    شكريا ياشبيثان على هاهاهالموضوع هذا





  4. #4
    مراقب إداري الصورة الرمزية الشبث


    تاريخ التسجيل
    05 2004
    المشاركات
    21,609
    المشاركات
    21,609


    [align=center]
    هلا باخوي مصيول





    يالله حيوه







    انت تشوف هاللي جرالي ياخي



    خخخخخخ





    نهايتي وخيمه







    تسلم يالغالي على مرورك الطيب












    سناعيس



    ياوجه النكبه



    الله ينكب عدوك



    انت وعنزك



    ظلمتوني





    تسلم يالغالي على هالمرور الطيب








    وتقلدوا تحيتي
    [/align]



    game over

  5. #5
    شبكة شمّر الصورة الرمزية غالب


    تاريخ التسجيل
    02 2008
    الدولة
    الرياض
    المشاركات
    5,331
    المشاركات
    5,331

    تعجب




    (تقلد تحيتي) على هالسولافات هادي




  6. #6
    مضايف شمّر الصورة الرمزية قمر اللــيل


    تاريخ التسجيل
    05 2008
    الدولة
    بقلبه
    المشاركات
    3,302
    المشاركات
    3,302


    سلمت ياخوي الشبث من كل شر



    اما شنقل سالفته سالفه


    تقبل مروري

    لكــ الود والاحتـــــــــــــــرام





  7. #7
    مراقب إداري الصورة الرمزية الشبث


    تاريخ التسجيل
    05 2004
    المشاركات
    21,609
    المشاركات
    21,609


    [align=center]
    هلا باخونا سناعيس




    ولا تقوم تلابطن هنا عاد



    الظاهر بالسالفه وبرا السالفه ناشبن لي ههههههه






    شاكر مرورك







    اختي قمر


    تسلمين اختي


    ويسلم غاليك



    وشاكر لتس مرورتس الطيب







    وتقلدوا تحيتي
    [/align]



    game over

  8. #8
    مشرف مضيف فلة حجاج الصورة الرمزية ريال الفسحه


    تاريخ التسجيل
    10 2006
    الدولة
    ALFLH CITY
    العمر
    38
    المشاركات
    12,516
    المشاركات
    12,516


    هههههههههههههههههههههههه


    مجرم والله مجرم ياني ضحكت ياما بغيت انبزخ



    المسلسل كله للميزه وشنقل نبي نحطه بالارشيف بعد
    مانبخ عليه مزيل العرق ريد




    لاهنت يالغالي



    ـــــــ ملييييت..

  9. #9
    مراقب إداري الصورة الرمزية الشبث


    تاريخ التسجيل
    05 2004
    المشاركات
    21,609
    المشاركات
    21,609


    [align=center]
    تسلم يالغالي


    يا مشرفنا المميز






    يابو اظافر






    هههههههههه






    الله لا يهينك






    وشاكر مرورك الطيب






    وتقلد تحيتي
    [/align]



    game over

  10. #10
    خاطر توّه واصل الصورة الرمزية الكاسح@


    تاريخ التسجيل
    07 2005
    الدولة
    حائل
    العمر
    46
    المشاركات
    93
    المشاركات
    93


    يالزين السالفه زيناه تقفى ابغى تقول وش صار ( خلف الكواليس )

    وأبغى واحد ( ريد ) واحد ( تايد خاص بالقمل )

    وعظم الله أجركم في ( عنز الرجاااال )




صفحة 1 من 3 1 2 3 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. سالفتي انا وبرغش الجزء الاخير
    بواسطة ســـعود في المنتدى مضيف فلّة الحجاج
    مشاركات: 23
    آخر مشاركة: 20-05-2009, 19:09
  2. ان كيدهن لعظيـــــــــم الجزء الاخير
    بواسطة ندووو في المنتدى مضيف المشاركات المنقولة
    مشاركات: 3
    آخر مشاركة: 25-02-2009, 12:51
  3. الطريق الى مكه ((الجزء الاخير))
    بواسطة كلي حلا في المنتدى مضيف فلّة الحجاج
    مشاركات: 20
    آخر مشاركة: 23-02-2009, 12:14
  4. % مسلسل المضايف % ( الجزء الاخير )
    بواسطة الشبث في المنتدى مضيف فلّة الحجاج
    مشاركات: 21
    آخر مشاركة: 14-06-2008, 05:28
  5. لا أعرف الحب....الجزء الاخير...
    بواسطة الضيغمي في المنتدى مضيف فيض المشاعر
    مشاركات: 12
    آخر مشاركة: 26-10-2002, 03:27

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته