ش الذي من جاء يبيه

[الاعصار]

السلام عليكم

[poem=font=",6,limegreen,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
وش الذي من جــاء يبيـه=من عدة ابــــــوابٍ يجيـه
وياللعجب لوصـــار فيـــه=ماغير يرى بــــــاب وحيـد
.=.
كم واحـدٍ جالـــه عـــــجـل=لو يــــــــــامره لبى الفعل
كم مكلفٍ يصبـــح ســهـل=وفر عليه جهـــــــدٍ جهيـد
.=.
اسمه من الكل مــعـروف=من دون نقط اربع حروف
نصفه وفمك لــه يحـوف=والحِسْبِه بالـــــباقـي أكيـد[/poem]

[ريم الصمان]

الاعصار لي ساعه وانا افكر

ماتركت مكان بالبيت

الا لفيته من كثر التفكير

يلالالا قول الحل بسرعة

كلنا مو عارفين

[غلا شمٌر]

ممكن يكووون

الهواء ؟

[الاعصار]

ريم الصمان...غلا شمر
مرحبا فيكم
ورمعة الهواء مالك لوى ياغلا شمر
تحيتي للجميع

[راعي الوقيد]

الاعصار



وين هالغيبات يخي عسى ماشر

على العموم

صح لسانك على هاللغز الجزل

وجاري التفكير

[الاعصار]

اخوي راعي الوقيد
مرحبا بك يالغلا
الله يسلمك وانا والله اسير على المنتدى باستمرار ولكن لااجد مشاركات جديده
شرفني مرورك وانتظر مرماعك

[ثامر]

مرحبا اخوي الاعصار ياهلا يا

من طولا الغيبات جاب الغنااااااايم

خوش لغز ملايان الله يعافيك ولا نبيك توقف نبي الغازك مستمره يالعزوه

تحياتي

[الاعصار]

اخوي ثامر
مرحبا بمشرفنا الغالي والله يسلمك عن الشر
ابشر يالغلا غالي والطلب رخيص والله يعطينا اللي يبيض الوجه معكم
تحيتي لك وتقديري

[خالد السعدون]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
في بداية مشاركتي اود ان اشكر القائمين على هذا الموقع الممتاز وجزاهم الله خير واحترامي لجميع الاعضاء فية وانا من والمعجبين بهذا الموقع رغم بعد المدة بين زيارة واخرى
واحببت ان تكون اول مشاركة لي هي حل اللغز الذي طرحة الاخ الاعصار وارجوا ان اكون موفق في الحل وارى ان الحل هو [mark=#33FF66] ا ل م ص ع د[/mark] الكهربائي

[الاعصار]

اخوي خالد السعدون
صح لسانك وبيض الله وجهك
نعم
المصعد
واي استفسار انا مستعد