.
هذا الحزن .. يا صاحبي .. مو ضدّي ..!
ــــــــ وشلون هو ضدّي .. و هو يشبهني .؟
إذا حضر .. أفتح .. سنابل .. يدّي ...!
ــــــــ و إن غاب عنّي .. أبكي و يولهني .!
هو السنين اللي مضت .. و يعدّي ...!
ــــــــ هو الحياة المقبلة ... هو رهني ...!
تدري .. وش اللي .. يُعتبر من ودّي ؟
ــــــــ ودّي .. يحبنْي .. كثْر ما يكرهني .!
[align=center]ـ[/align]
آآآه .. و جروح .. سكنت فيني غصب ..
ــــــــ مانفع تسكيرها كل الخيوط ...!
و الدموع .. اللي من عيوني .. تصب ..
ــــــــ تنهزم في شوط و تعوّض بشوط
لا يغرّك .. شكلي اللي منتصب ..!
ــــــــ صح واقف .. بس آيل للسقوط ...!
ـ
[align=center]تصدّقين ..؟؟[/align]
إن قلت لك ..
إنّي حزين ..؟
؟
[frame="13 98"]
أفا ..!
تعترف بالبرد ..!
تحرمني الدفا ..!
.
.
ماحسبتك بالخفا تخفي عليّ ..!
إنّك البردان .. و ماني لك دفا ..!
.
.
يااا .. أفا ..!
ليه .. ماجاني الوفا ..؟
ليه .. رمشك .. ألتفت يمّي .. يطالع بي .. و غفى ..!
كنّي اللي ماله بقلبك وجود ..!
و أنت تدري .. أنك بقلبي دفا ..!
و كنت أحسبك .. عِلم ..
ماحسبتك حلم ..
ماتخيّلت أني أنطق فيك .. أي كلمة " أفا " ..!
بس أفاااا ..!!
كنت أحسبنك بدايات النهاية ..!
.......... ماحسبتك .. بالنهاية تبتدي ..!
طار كل اللي جمعته من وراية ..!
......... ماتركت إلا المواجع .. في يدي ..!
كان عيدي .. بيت و أحزاني ولاية .!
......... والحزن ... بادي معي من مولدي ..!
كنت أكتب للحزن .. أجمل رواية ..!
........ كان عنوان الحزن .. " جرحٍ ندي " .!
كنت تايه .. لين أعلنت البداية .!
........ للفرح .. لكن حسافة .... سيّدي ...!
أيه أحبّك .. لكنّي أنّي كنت تايه ..!
........ تايهٍ .. بالحزن .. تااايه بسعدي ..!
أيه أحبك .. أيه داري .. يا غلايه .!
........ إن حظّي .. دايمٍ .. حظٍ ... ردي ...!
كنت خايف .. ترحل .. و أبقى معايه
........ و كيف أصارع نفسي ... و آنا وحدي .!
أيه رافع للحزن 2000 رايه ...!
........ و أيه تارك للفرح .... كل جهدي ..!
أيه باقي لي معك .. آخر حكايه .!
........ ودّي أثبت .. أن موتي ... مولدي ..!
روح .. ماباقي معك إلا النهاية ...!
......... دام حزني صار .. حزنٍ .. سرمدي ..!
ما أنافق ..!
و أنت تدري بـ وعدي ..!
أيه أحبّك ..!
و أنت عارف مقصدي ..!
قصدي أنّي .. ما أخونك كان قلت..!
......... إن " قلبي لك " و الماضي طفا ..!
و الله أنّي .. من عرفتك .. ما سألت
......... لأنّي أدري .. أنك أكبر .. من جفا.!
و صرت أدري ..
أنّك أكبر .. من وفا
و صرت مثل الشمع ..
لكنّه طفى ..!
ولو سألني الناس عن أسمك ..
أجاوبهم " أفا " ..!!
...............................
" ملاحظة هامّة جداً "
هذا النصّ .. كيبوردي .. كُتبَ .. بلا شعور ..!
الأربعاء .. ( 19 / 11 / 2008 )
الـ 4 و الـ 34 دقيقة .. فجراً ..!
الخُبر
قبل نافذة شقّة عزوبي .. تطل على الشارع ..
.
[/frame]
[frame="15 98"]
الليل .. و الهمّ .. و العبرات .. و شموعك
....... في طاولة حزن .. أجمع باقي شتاتي .!
أيّام .. مرّن .. و أنا في طاري رجوعك ..!
....... أمنّي النفس " يمكن .. يرجع و ياتي "
كنت أحسبك .. ماتخلّي يوم .. موجوعك ..!
....... لكن حسافه .. رحلت .. و متّ بسكاتي
نُفيت .. و الناس .. تحطب داخل ضلوعك ..!
....... ( و حطّموا كُل أشيائي العزيزاتي )
[/frame]
[align=center].[/align]
تدري بأن القلب .. ذا يعني لك ..؟
ـــــ و قلبي ولا يعني .. ولاني همّك ..!
إن كنت ناوي تبيعني .. بعني لك
ـــــ على الأقل أروح منّك ... يمّك ...!
.
قصيدة لـ شاعر ميّت
البارحه و الليـل .. هـزّ أمنياتـي ..!
ــ كنّه يوديني علـى الحـزن و أنتـي :
طفلة .. تحطين التعب في شتاتـي ...!
ــ لنّك على هذا التعـب حيـل " منتـي "
كنتي تغنين الحزن .. في سكاتـي ...!
ــ و تدرين أنك في سكوتـي ... مكنتـي
قلتي : تخيّل مـتّ ؟ قلـت : بحياتـي
ــ و الله لا أسمّّي لأجـل عينيـك بنتـي
قلتي : أبعطيك الفـرح قلـت : هاتـي
ــ و أنتي على هالضحك .. صنتي و عنتي
كنتـي إذا غبتـي ثوانـي .. أحـاتـي
ــ و كنتي إذا غبتي دقايق ... رهنتـي :
أحزان في صدري .. تنـادي لـذاتـي
ــ و الذات في صـدري ينـادي ( لـ.. )
و قبل أمس متّ .. و باقيـة ذكرياتـي
ــ مابي تدفنينه .. مع اللـي دفنتـي ..!
و من قبل لا آفارق .. تنادي " شفاتي "
ــ أنا أحبببببك .. يا ذرى الحال يـا أنتـي
و أذكر قبل لا أموت قلـت بوصاتـي :
ــ ما أبي أحد يحزن .... كثـر ماحزنتـي
و أنتي على هذا العهـد .. يـا مُناتـي
ــ يكفيك .. أنك لين هالحيـن .. صنتـي
أنتهى هُنا ...!
بعد يومين ..!
فاقمن الغيبوبه و قال :
البارحه شفتك معه .. في وفاتـي
ــ و أنتي معي كنتي .. و كنتي و كنتي
كنتي معي مثل الصخر .. يا غانتي
ــ و البارحه .. شفتك معه حيل لنتـي
و الدفتر اللي محتضن ذكرياتي ...!
ــ ليه يتقطّع .. و أنتي اللي حضنتي ؟
هذي خيانه عشتها .. فـي حياتـي
ــ الله (***) ( خيّرك ) ليه خنتـي ؟
بعدها ماااااااات
..........................................................................
قال ولّ ..!
وشوف لك بالقلب .. حلّ ..!!!
قلت : قلّي ..؟؟
وين أولّي ..؟
دام ما أحدٍٍ بي يهلّي ..!
أنت قلّي وين أولّي ..؟؟
الطريق اللي يمرّه إنعطاف ..!
ـــ عطّل اللي ناوي يسيّر عليك ..!
جيت .. لكن شفتك بـ ثوب الزفاف
ـــ و خاتمٍ يشنق حياتي بأصبعيك
جيت يمّك جيت بس الوقت .. طاف
ـــ ماتوقعتك تركتي .. من يبيك ..!
ليه ؟ يا أثقل حزن و أجمل خفاف
ـــ و أنتي أوّل حاسبتني لك شريك .!
هو صحيح أنّي على وصلك .. أخاف
ـــ بسّ أنا .. من دمّ قلبي مشتريك .!
آآهـ ..!
قلبي وصّل لـ حدّ الجفاف ....!
ـــ يشتكي منّك .. و يمّك يشتكيك ..!
الحكاية .. وصّلت لـ آخر مطاف
ـــ أرحلي .. لكن أمانه .. في يديك
أذكريني ..!
ليا كسى وجهك .. لحاف ...!
و أذكريني ..!
ليا فركتي ... راحتيك ...!
و أذكريني ..!
ليا قسى وجهك .. و شاف :
ـــ كل هدايا صاحبٍ .. كانت تجيك ..!
النصيب .. أختارك لـ غيري .. عفاف ..!
ـــ ولا أنا ..؟؟ ضاعت حروفي .. ترتجيك ..!
عذّبيني ..!
و ألبسي ثوب الزفاف ..!
ثوبك لـ غيري .. مهو لايق عليك ..!
[align=center]
آخر نصّين هُنا ..!
هم آخر ما أكتب من شِعر ..!
لأن .. لا يوجد هُناك ما يستحق الكتابة ..!!
لأنّي فقدت كل الشعور ..
و لأنّي .. فقدت كُل شيء ..
و لأنّي أملك .. كل هذا الحزن ..
لا أودّ أن أتسبب لـ نفسي أزمة قلبيّه ..
لـ علّي أرحل .. و أجد نفسي يوماً ما ..
و أبحث عن ذاتي ..
و أمنياتي ..
و لـ علّي أستطيع أن أمسح كُل ذكرياتي ..
لم يعد لي شيء معكم ..
أنا هُنا .. أسلّمكم هذه الصفحة ..
و أعلم أنها ملطّخه بالحزن ..
فـ إعلموا .. أن كُل ماكٌتِب فيها هو شعوري الحقيقي ..
أعتذر لكل من قرأني ..!
و أعتذر لـ كل من أسأت لهم ..
و أعتذر " لي " من كل من آساء لي ..!
سـ أعتزل كُل شيء ..
و أبحث عن نفسي التي أعتزلتها منذ خمس سنوات ..
لـ علّّي أجدها مجدداً ..!
شكراً لـ كُل من كان هُنا ..
شكراً لـ كًل من عرفتهم هُنا ..
شكراً لـ كل من لا أعرفهم و هم يعرفوني ..
شكراً لـ هذه الصفحات التي جمعتني بِكم و حلقت بها معكم ..
لن تكون هُناك عودة أبداً .. أبداً ..!
تسجيل خروج نهائي
[/align]
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات