صفحة 1 من 3 1 2 3 الأخيرةالأخيرة
النتائج 1 إلى 10 من 27

الموضوع: اشهر معارك شمر ومطير

  1. #1
    مستشار مضيف قصه وقصيده


    تاريخ التسجيل
    12 2006
    المشاركات
    2,071
    المشاركات
    2,071

    اشهر معارك شمر ومطير



    بسم الله الرحمن الرحيم

    قبيلة مطير من القبائل المشهوره في الجزيرة العربيه وكان لها صولات وجولات وانجبت عدة اعلام من

    الفرسان الكبار سواء من شيوخهم الدوشان او غيرهم مثل الفارس العقيد صاهود بن لامي الذي ذكره

    فلاح العراك في اثناء ردياته الغزليه اللذيذه مع صحن بن قعيمان المطيري بقوله:

    [poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

    ياصحن صاحبي تل قلبي تل=تل صاهود للهجن في دوره

    تلهن مرذي الهجن وقتن زل=ولو وفقهن صواديف وحروره

    روحن قبل يكسر مريج الظل=كاتفاتن ورى الشيخ وسبوره

    لاركب فوق عوص النظا ما ذل=يقطع السرح من حد مقهوره[/poem]


    وكانت لهم لقاءات مع قبيلة شمر واشهرها وقعة (( كير )) التي انتصرت بها مطير عام 1195 للهجره

    والغلط الذي يقع فيه الكثيرين من الرواة لاسيما من مطير انهم يعتقدون انها حرب بين شمر ومطير وهذا

    غلط والصحيح انها قبائل وفخوذ من هنا وهناك اجتمعت مع الطرفين ويكفي ان يعلم الجميع ان الصف الذي

    فيه بعض قبيلة شمر كان معهم ايضا الشيخ الفارس جديع بن هذال (راع الحصان ) والذي قتل في هذه

    المعركه وكانت الدهامشه من عنزه مع مطير بقيادة مجلاد بن فوزان في اكثر الروايات وكانت الضفير ايضا

    مع جمع عنزه والاصح القول انها كانت بين مطير وعنزه ويكون هذا اقرب للصواب لان الرواة ذكروا ان هذه

    المعركه هي التي ازاحت نفوذ عنزه عن وسط نجد كما ذكره العثيمين في كتابه صفحة 195 :


    (( ومعروف أن قبيلة مطير هي التي أزاحت نفوذ قبيلة عنزة عن أهم مناطق نجد الرعوية فيما بعد ، وأن قبيلة قحطان هي التي حلت محل مطير في بسط النفوذ على تلك المناطق ))


    وهذا يوضح ان الحرب الاساسيه بين مطير وعنزه وان بعض قبيلة شمر شارك بالمعركه مثل مطلق الجربا

    ومصيول التجغيف لكن لايصح ان تذكر ان المعركه مطيريه شمريه بسبب ماذكرنا00

    ومما لاشك فيه ان هذه الموقعه تعتبر فخرا لقبيلة مطير ومن معها ويكفي ان الذي قتل جديع بن هذال

    هو ظاهر الشليخي من الدهامشه الذي قال بعدها:



    [poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

    يالله ياللي ما حذاتك خيــــــــــارا= ياللي غني وكل عين اتراعيــــــه
    يارب تفرج للعيون السهــــــــــارا = يا واحد ٍ كلن يخافه ويرجيـــــــه
    وتجعل لنا في جنة الخلـــــــد دارا= قصر حصين نلتجي في مذاريـــه
    وخلاف ذا شديت نابي الفقـــــــارا= كن الضواري تنهشه مع مقافيــه
    الي مشيت الليل هو والنهـــــــــارا= تلفي لبيت عاليات مبانيــــــــــــه
    عبدالعزيز الشيخ مغني الفقـــــارا= زيزومنا كل السعد في نواصيــــه
    أقره سلام وخبره كيف صــــــــار= مادبر المولى لحكمه يسويـــــــــه
    قله فزعنا سربتين تبــــــــــــــــارا= والكل ينصب عند الأخر يماريـــــه
    وصاح الصياح وفرعن العــــــــذارا= والمال هج وكثر الأزوال حاديـــه
    وركبوا عليهم غوش علوى السكارا = معاري والمنع ما عاد توحيــــــــه
    وركبنا عليهم فوق قب تجـــــــــارا= تنفض حلاق الدرع والراس تعطيـه
    وجدعنا لهم حامي عقاب المهــــارا= جديع اللي دكلات الاسلاف تتليـــه
    ومصيول التجغيف مثل الحـــــــوارا= سيــوف علوى شرعن في علابيــه
    واقفن بالجربان مثل العفــــــــــارا= والشيخ صابه مطرق شق لاحيـــــه
    وهيلا عليكم يا ليهود النصــــــــار= هذي دروب البوق بانت مواريـــــه
    اللي يضيع بالليل يتيه المســــــــارا= واللي يضيع القايله من يقديـــــــــه[/poem]



    والبعض ينسب القصيدة لمويضي البرازيه وهذا غلط واضح لان وقتها متأخر كثيرا عن هذه المعركه 0 وسب

    الخلط ان زوجة جديع بن هذال الشاعره مويضي الدهلويه العجميه وكانت لها اشعار في وقعة ( المربع)

    قبل كير تشمت بجديع زوجها السابق بعد ان تزوجها ابن مجلاد ولذلك ظن البعض انها صاحبت القصيده

    ثم تحولت الى البرازيه وهو خلط من الرواة000

    واشهر المعارك بين شمر ومطير وجها لوجه هي معركة ( ثبير ) على وقت الامير محمد العبدالله الرشيد

    والتي قال بعدها عبدالله بن سبيل الباهلي ( راعي نفي ) قصيدته المشهوره:



    [poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

    بديت بذكر الله على كـل ماطـرا=مجيب الدعا معطي العطايا الجزايل
    وتركت الهوى ماعاد بي طاري الهوى=ولا قايل بخيـار قـوم مثايـل
    ولا عاد لي في باقي الاشيا حسايـف=أكود مشاهد راس شيخ بحايل
    محمد سلطان العرب موهب الذهـب=هو خير من تافد إليـه القبايـل
    تشد النضا من كل فـج تجـي لـه=كما تاتي البيت الشريف الرحايل
    من جاه يلقـى رغبـة فـي جنابـه=ومن راح مغلول يزيده غلايـل
    سهل على الدانين صعب على العدى=لكن عيونه صلو جمر الشعايـل
    فهيم عديم يرهـب القلـب عارفـه=لكنه يقرا الغيب وافي الخصايل
    ولاشي غير الخمس ماهـوب عالمـه=مضى من سياساته وبخصه دلايل
    يشوف عيان ما بـدا إلا صدورهـا=ويشوف من المقفي نحور الاوايل
    كن الامانـي كلهـن وسـط كفـه=ولا على مضمون تيل بسايـل
    الـى فتـل بالاسبـاب ناقـضـه=على كل حال ولا لفتله محايـل
    ولا كيل له قيل قصـر دون قيمتـه=وتزيد مكاييله على كل كايـل
    جضور من العليا جزوع مـن الخنـا=جزوع رثوع الى اوجس الشد مايل
    من ريعتـه يـوم 00000 تمايلـوا=واهل القصيم وبان هرج الصمايل
    ذبح روسهم والحي منهـم بحبسـه=خذيل ذليل بالردا والفشايـل
    وملك دارهم ومدارهم يوم دارهـم=واللي شرد منهم رمى له حبايل
    يصيدن حذرات الوحـوش حبايلـه=ومصايده ما تدرك الا الجلايـل
    ومثل رثعته بمطيـر ماهـي خفيـه=نهار تشيب أطفال سمر الجدايل
    على ثرب يوم الله نـوى بذهابهـم=تمارح العزبات بيـن النزايـل
    عقب مبانيهـم وغـاوى حلالهـم=وباقي الشرايد يطلبونه زمايـل
    هذا جزاهم يـوم يدخـل عقولهـم=على مثل عمل ابليس ماهوب ضايل
    أطاعوا من لاسرهم يـوم ضرهـم=غشوم يشوم عن القريب الموايل
    كثيـرات رثعاتـه قليـل سليمهـا=إلى طنا ما يستمـع للعذايـل
    والى بغى امر مـا يـداري عواقبـه=يجي له دجران من الغيظ شايل
    إلى شال غيظه يرذي الخيل والنضـا=تطول بواريده بعيـد المخايـل
    فيما يغيظ الغيظ إلا علـى العـدى=بيوم يغط الشمس قبو الدبايـل
    تضع منه ذات الحمل والمرضع اذهلت=لكن فوق اكبودهـن الملايـل
    على شفايـا فـرق البيـن شملهـم=على راي من لا هوب عنهم مسايل
    إلى خـرب الله شملهـم ثـم خربـه=يصبح وسيع البال والغيظ زايل
    أخذ مال ما حساب يضبط حسابـه=وجوز عزبان وطلـق حلايـل
    مثل ما مضى ماهيـب غـر فعايلـه=ولا خير باللي مامضى له فعايل
    يهاوي ليال الشبط مع كثحة الشتـا=ومن كثحة الجوزا يهاوي القوايل
    إلى عثا بالشرق والغـرب واليمـن=وطاعوا وراعوا عقب ذبح وسحايل
    تجاحرت حضـره وبـدوه تخامـروا=كل يحسب ويش له من خمايـل
    ومرهم وحذرهم وهـادوا وهيـدوا=وصغوا له وزكوا له بليا فضايل
    تعدى هقاويهم وضيََـع هجوسهـم=يبي عادته على اخباث الدغايل
    لكن يوحـى لـه مـن الله إلىعـدا=يعرف مصارعهم وماهوب نايل
    نـاس ينفعهـم ونـاس يضـرهـم=حليم بحال وحال عبث وعايل
    إلى عال مثل المـوت مامنـه فـرَه=والى عطى يعطي المهار الاصايل
    صخي منالـه كلمتـه مـن لسانـه=مردَه على الكتَاب يغني قبايـل
    عساي من ألي مـا يقصـر بحقهـم=عنيت لفضله والمشاحي قلايـل
    شفاتي إلـى جيـت اتحـدث بمدتـه=قدَام أجاويد العرب والرذايـل
    ولا رايح مـن عنـده الا بواجبـه=وعاني لفضله مثل راعي العدايل
    نفـاد لمالـه مثـل ماقـال والـده=عسانا ما نعتاض غيره بدايـل
    ولا فرد يـوم قلـط الـزاد قافـر=عليها ظهور الخور والسمن سايل
    وضواين جوف المتـوع متقاضبـه=كنَه مع الشاوي عطين الثمايل
    على ابيار عوهات وسـاع مجاذبـه=ولايشربون إلا بشط ومحايـل
    أعدد خصال الجود وازريت أعدهـا=إثر ما يحسب جوده إلا الهبايـل
    شجاع تـورخ بالأماكـن فعايلـه=كما ورخوا للسلف الأول فعايل
    وهو خاتم الشيخان لا شيـخ بعـده=إشارة سميَه نزِِلـت بالرسايـل[/poem]


    وكذلك قصيدة حمود العبيد الرشيد على وقت عبد العزيز المتعب الرشيد ( الجنازه )


    في عام 1316هـ عندما هجم الشيخ هزاع بن شعير الدويش من قبيلة مطير ومعه سعود الفغم وصاهود بن

    لامي وهاجموا بعض احلاف شمر واخذوا اباعرهم وثور عليهم عبدالعزيز بن متعب سلطان : الدويش فعجز

    الدويش يدي منهم فغزاهم الأمير عبدالعزيز بن رشيد واخذهم وجت اباعر غنيم وسعود عرائف وذلك في

    السنه المذكروة فقال في ذلك الامير حمود العبيد الرشيد : -




    [poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

    يـا مـال هجـن ٍ مـن منـاه الغديـدي=اقفـى بهـن هـزاع وغنيـم وسعـود
    يفقـى ويقبـل مثـل خيـل البـريـدي=لما غـدا المجحـود عظمـان واجلـود
    حمولـه مـا يرخـصـون الزهـيـدي=ما يرخصـون إلا المحاليـف واعهـود
    رجالهـم يضـرب علـى مـا يريـدي=ما سال هـزاع عـن النقـص والـزود
    وراه عـن ذبــاح نـايـف يحـيـدي=وعلـى غنيـم كنـه الحـر مـجـرود
    يامـن يخبـره صـار سيـر ٍ عقيـدي=الا علينـا هـو وجـاسـر وصـاهـود
    لعـل مـن يقضـب حديهـم بـالايـدي=او عاد يقضب هايـف الفغـم وسعـود
    ويقفي منـه حـي عسـى مـا يفيـدي=قـل آميـن ياللـي للمخاليـق معـبـود
    والله ماهـم كفـو حكـي او قصـيـدي=مير (( الطنا )) يصطي على الكبد بحدود
    وعرضتـهـم لمـدوريـن الحمـيـدي=اللي عوايدهـم نصـف كـل مضهـود
    يـوم ً خطـو الشيـخ مثـل المعيـدي=أسمـه كبيـر وشوفتـه مثـل فرهـود
    لـولا عيالـه مرشديـن وعبـيـدي=وحظـه وحـظ اللـي تنصـاه منكـود
    عشريـن خيـالا ً عـيـال الحمـيـدي=عجزوا مـن القشعـان يـدون مفـرود
    ياطيـر ياللـي مـا تـعـود تصـيـدي=متـى غزيناهـم ونظمـن لـك الفـود
    الحـق بساقـه مذهبـيـن الضـديـدي=اللـي مشاكلهـم علـى كـل مــردود
    الحمـى علينـا كـل عـام ٍ جـديـدي=لا جاء الشتاء ولا على ابراضه العـود
    نجـدع بـه الغبطـان هـن والوهيـدي=ونكسـى روابهـا عـجـاج وبــارود
    عـام ٍ خذينـا بـه زبــون البلـيـدي=ماتـوا بغيـظ غبـه العـود والـعـود
    ومات القصيد اللـي بصـاع المجيـدي=اكتـال ركـان وليـل خــذ الــزود
    ديـار ٍ خذيناهـا بحـفـر الحـديـدي=غصب ً على الزعلان والخـد ممـدود
    مـن فـوق شـوص ٍ كنهـن الفهـودي=ملبوسنـا مـن فوقهـن صـنـع داؤود
    والا الحـداو والمنـى مــا تفـيـدي=والحكي ببلاش ً علـى الرجـل منقـود
    تفرقـت شـاشـات عـمـر وزيــدي=اللي وخـذ واللـي سلـم تقـل مالـود
    خلق فيـاض العشـب هـو والزبيـدي=ومبايـع ً تلقـا بهـا الـزود مـاجـود
    يـا مفـرق الأنسـاب جعلـك سعيـدي=ولعـل حظـك دب الايــام بسـعـود
    وبدشـوه بالخكـر هـم والصمـيـدي=وجره على بشر ً سبـب كـل مقـرود
    وخليـق السفـار يمـشـي قهيـيـدي=لو عدو لهـم سمـر وبعارينهـم سـود [/poem]


    ومن اشهر القصايد عند الناس قصيدة ضيدان العارضي المطيري يذكر فعله الطيب هو وخوياه وعددهم

    عشرة اشخاص على وقت عبدالعزيز المتعب واسمها ( مشذوبه ) نسبة الى ظلع مترفع وسببها ان

    المطران العشره واجهوا سربه من جيش الجنازه ولكون عددهم قليل فقد صعدوا راس الظلع مشذوبه

    واخذوا يرمون كل من يقترب وكانت خطتهم ان يبعدون الناس عنهم حتى حلول الليل والظلام لكي يتمكنوا

    من التسلل تحت جنح الظلام وهذا هو الحل الوحيد امامهم نظرة لكثرة السربه التي امامهم ولايلامون هم

    ابدا لان هذا الحل الوحيد وفعلا فعلوا ذلك وتم لهم ماارادوا ويعتبر فعلهم شجاعه وعقل واقدام بلا شك

    واما ان المبالغه بأن الجنازه نفسه هو اللي كان امامهم وهو الذي كان يسير ومعه ( اثناعشر الف جندي)

    فمن الصعب ان يقال ذلك وان عشرة اشخاص كسروا هذا العدد00

    واما اعتماد من قال ذلك ببيت للشاعر يقول (يوم لحق الامير ) فهذا يحتمل انه امير السربه او شاف لبس

    شخص وظنه الامير او هو من مبالغة الشعراء0 وهذا هو الذي اغضب الجنازه لانه ذكره مع السربه وقد دفعه

    غضبه لمهاجمتهم وقتل الشاعر بعدها بعام واحد00

    والاكيد الذي يجب الانتباه له هو ان معارك مطير كانت تسعين بالمائه مع ( الاسلم ) من شمر الذين حدث

    لهم صولات وجولات مع مطير شهيره وليست شمر بكاملها ( البيرق ) العام0 وكذلك اعتقد ان ثقلها كانت

    على ( الجحيش ) من الاسلم0

    والاخ ( راع اللقيه ) اعرف مني بهذه المواجهات واشعارها وارجوا منه التعليق مع الاخوه القراء على اي

    غلط في سطوري وذكر مايعرفه من اشهر اللقاءات التي حدثت مع الاسلم وذكر اشعارها ان كانت موجوده

    لديه لكونها ليست في متناول يدي الان00 واليكم قصيدة العارضي:




    [poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

    يوم عدا الرقيبه راس مشذوبه=قال هجوا او جانا الجيش زرفالي
    قال انا شفت شوف لا بليتوا به= زشوف ريبه اومنه العقل يهتالي
    لحقت الخيل بالتومان مركوبه=وانتووا جيشنا مرخين الأحمالي
    انتووا جيشنا والغوش عيوا به=احتموا جيشهم ماضين الأفعالي
    كلما قلت عنا هودوا نوبه=الحقوا سربة تسعين خيالي
    وحولوا لابتي في كل مسلوبه=واقفت الخيل معها الدم شلالي
    من صلاة الضحى يا قابل التوبه= لين غابت او حنا هوش واقتالي
    يوم لحق الامير او لحقت الشوبه=لا قرايا ولا مزبن ولا جالي
    خليت سابقه بالحزم مصيوبه=راح مرجل وعوضناه الاحبالي
    يحسب انا نعود عند مندوبه=يوم يرسل علينا خيله ارسالي
    ما درى انا هرجنا اللي هرجتوا به=مــارثة جـــــــدنا فكاكة التالي
    هجننا ماركبها كل زاروبه=كود من هو عريب الجد والخالي
    ملٍ عينٍ بكت ماهيب مصيوبه= من نهار رخص ما كان به غالي
    من عمار ابسوق الموت مجلوبه = ما حسبنا على الدنيا لنا تالي
    الكرم ساعة لا حل ماجوبه=والمعاسر لها حزات وارجالي[/poem]



    هذا الذي يحضرني الان في هذا الموضوع وقد حاولت قدر الامكان ان اكون منصفا للطرفين000

    ((( اللهم اغفر لاخينا الرطاب رحمه الله )))



    تحياتي العطره (( الراوي))



    التعديل الأخير تم بواسطة فواز الغسلان ; 06-04-2008 الساعة 06:01
    [poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""]
    عـفـى الله عن عين جـفـى النوم موقها=من الـعــام هـجـعـات الـمـلا ماتذوقـها
    [/poem]

  2. #2
    مستشار مضيف قصه وقصيده


    تاريخ التسجيل
    12 2006
    المشاركات
    2,071
    المشاركات
    2,071


    ((( ملاحظــــــــــــــــــــــــــــه )))


    انا ذكرت موقع المعركه التي بين محمد العبدالله ومطير وقلت ( ثبير ) والصحيح (( ثـــرب))


    وهو مورد ماء مشهور لمطير فالمعذره000


    (( الراوي))



    [poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""]
    عـفـى الله عن عين جـفـى النوم موقها=من الـعــام هـجـعـات الـمـلا ماتذوقـها
    [/poem]

  3. #3
    مشرف مضيف فلة حجاج الصورة الرمزية ريال الفسحه


    تاريخ التسجيل
    10 2006
    الدولة
    ALFLH CITY
    العمر
    38
    المشاركات
    12,516
    المشاركات
    12,516


    لاهنت يابوفهد واتشرف بحضوري اولا


    والله يسلمك يالغالي وتسلم على هالايراد
    وكلك طيب..


    لاهنت يالعزوة



    ـــــــ ملييييت..

  4. #4
    راعي محل


    تاريخ التسجيل
    07 2005
    المشاركات
    140
    المشاركات
    140


    كفيت لا هفيت يابوفهد

    علومك كلها طيبه ووافيه

    ريال الفسحة أعجبن اسم فريقك واعتبر انكان به تصويت صوتي للفريقك(بتوفيق)

    لا خلا ولا عدم




  5. #5


    لا هنت يابو فهد ويسلم راسك




  6. #6


    استاذنا وراوينا فواز بن غسلان الله يعطيك ألف عافية

    على الموضوع هذا ومشكور على التوضيح

    ومطير قبيلة لها تاريخ حافل ونعم بحمران النواظر لاكن

    بعض شبابها الله يسلمهم عليهم شغلات وتأليفات وأكاذيب

    مالها داعي مطير غنية عنها من المواضيع اللي لقيتها بأحد منتدياتهم

    موضوع يتكلم فيه عن زكاة قبايل نجد لأمارة حايل والرشيد كل ردودهم

    تنفي أنهم يعطون ابن رشيد زكاة الله يالدنيا والمشكلة أنه اللي يردون بهم

    ناس كبار ومؤرخين على ماقيل


    على العموم مجهود تشكر عليه يابن غسلان وحنا

    محتاجين مثل المواضيع هذي لاهنت




  7. #7
    مستشار مضيف قصه وقصيده


    تاريخ التسجيل
    12 2006
    المشاركات
    2,071
    المشاركات
    2,071



    اشكر جميع الاخوه على حروفهم النبيله والغاليه000



    الاخ ذيب سلمى000


    مهما كثر اهل الكذب يبقى ناس تهتم بالصدق وتوضحه وتفرق الغث من السمين000


    ((( الناس تدري بالجدايد والاسمال )))




    [poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

    ماهي دواويـن مـن يمنـاه غشاشـه=اللي قلمهـا ظهـر للنـاس قاروصـه
    قامت تفاخر طـروز البشـت بخياشـه=والطيب ماهو بياض اللبس وشخوصـه
    بالكذب تلقـط فخـر ربعـه بمنقاشـه=وعند الحقايق يصيب الراس خابوصـه
    وراس الظباء مايسد الجـوع بعراشـه=والمدح محدن شرب صافيه بشنوصـه
    ماينفع الميت طـب النـاس وانعاشـه=وعروق قلبه بحب المـال ممصوصـه [/poem]



    [poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""]
    عـفـى الله عن عين جـفـى النوم موقها=من الـعــام هـجـعـات الـمـلا ماتذوقـها
    [/poem]

  8. #8


    سلمت لاهنت يالعزوه

    ماهي دواوين من يمناه غشاشه
    ........................................................اللي قلمها ظهر للناس قاروصه
    قامت تفاخر طروز البشت بخياشه
    ........................................................والطيب ماهو بياض اللبس وشخوصه
    بالكذب تلقط فخر ربعه بمنقاشه
    .........................................................وعند الحقايق يصيب الراس خابوصه
    وراس الظباء مايسد الجوع بعراشه
    .........................................................والمدح محدن شرب صافيه بشنوصه
    ماينفع الميت طب الناس وانعاشه
    .........................................................وعروق قلبه بحب المال ممصوصه

    تسلم يالذيب على ايراد هالابيات



    مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل

  9. #9
    مستشار مضيف قصه وقصيده


    تاريخ التسجيل
    12 2006
    المشاركات
    2,071
    المشاركات
    2,071


    اقتباس المشاركة الأصلية كتبت بواسطة الكنبيوتر مشاهدة المشاركة
    سلمت لاهنت يالعزوه

    ماهي دواوين من يمناه غشاشه
    ........................................................اللي قلمها ظهر للناس قاروصه
    قامت تفاخر طروز البشت بخياشه
    ........................................................والطيب ماهو بياض اللبس وشخوصه
    بالكذب تلقط فخر ربعه بمنقاشه
    .........................................................وعند الحقايق يصيب الراس خابوصه
    وراس الظباء مايسد الجوع بعراشه
    .........................................................والمدح محدن شرب صافيه بشنوصه
    ماينفع الميت طب الناس وانعاشه
    .........................................................وعروق قلبه بحب المال ممصوصه

    تسلم يالذيب على ايراد هالابيات



    اشكرك بعنف يالغالي 0000


    دائما حرفك نبيل وكلمتك طيبه يالطيب00


    الراوي00



    [poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""]
    عـفـى الله عن عين جـفـى النوم موقها=من الـعــام هـجـعـات الـمـلا ماتذوقـها
    [/poem]

  10. #10
    مستشار مضيف قصة وقصيدة


    تاريخ التسجيل
    02 2005
    المشاركات
    4,220
    المشاركات
    4,220


    واجد يابو فهد ماينعدد اللي حصل بين القبيلتين ومشكور على هالنبذه اللي تحكي ماجرى بين قبيلتنا وبين قبيله مطير الكريمه... والشي كثير اللي حصل بينهم ومن ضمن اواخر المعارك ((المسعري)) وانذبح به عزيّز بن فيصل الدويش رحمة الله عليه على يد ابن عمار او ابن عمير (الخطا مني بالاسم )من الغيثه من عبده من شمر
    اشكرك على ايضاح مشذوبه حيث كثر الكلام وقيلت الخرافات ونسج الخيال حوله معتمدين على روايه ابن خميس المضحكه...

    ___________________

    **ابو فهد عندك خبر ذبحه نايف ابن هذال ابن بصّيص من شيوخ مطير على يد شمر يوم يغزونهم شمر بوقت الامير طلال العبدالله ومعه عمه الامير عبيد الرشيد واللي يقول به عبيد :
    عيّا يرد مطير زود على القيق **تقول وخذت باشتك بالضماني

    ماعندي منه الا خمسة ابيات فقط... اذا عندك سالفته والقصيده كامله


    ________
    تسلم بارك الله فيك ورحم الله والدينا ووالديك



    مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل

صفحة 1 من 3 1 2 3 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. من اشهر معارك شمر وعتيبه
    بواسطة فواز الغسلان في المنتدى مضيف قصة وقصيدة وتاريخ شمر
    مشاركات: 55
    آخر مشاركة: 30-06-2009, 15:43
  2. كون بين شمر ومطير
    بواسطة الحفيد في المنتدى مضيف قصة وقصيدة وتاريخ شمر
    مشاركات: 9
    آخر مشاركة: 12-11-2007, 04:17
  3. كون بين شمر ومطير
    بواسطة الحفيد في المنتدى المواضيع المميزة
    مشاركات: 0
    آخر مشاركة: 30-10-2007, 17:15
  4. باب الواد ..اشهر معارك فلسطين
    بواسطة نمر ابوغوش في المنتدى المضيف العام
    مشاركات: 5
    آخر مشاركة: 08-05-2006, 17:04
  5. اشهر شعراء الجن "هاذر".....ينظم قصيدة اشهر شعراء العرب؟؟؟؟؟
    بواسطة ابو يزيد في المنتدى مضيف ا لشّعر الشعبي"النّبطي"
    مشاركات: 20
    آخر مشاركة: 22-04-2004, 16:33

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته