سلام ....
أخوي صدى الشمال ... بكل صراحة وشفافية أحس أنك توهقت أو أنك كتبت الموضوع بلا هدف حقيقي وأنا أوضح لك ليه قلت هالكلام
أشوفك مؤيد للجميع اللي معك واللي ضدك..
أشوفك بالنهاية تقول أن الموضوع موجه إلى ناس دون ناس ( ماني فاهم وش قصدك ممكن توضح؟ )
المهم الجميع ماقصروا بالردود
بس فيه سؤال / ماهو تعريف الرجولة بالنسبة لك؟؟؟ وهل الشرف مربوط مع ماتفعله الانثى بالمجتمع؟؟؟
يعني الرجال شرفه منوط بأفعال غيره ولا كيف؟؟ والا الرجال لو يخطي عادي؟
على العموم الاسلام يعاقب الرجل والمرأة بنفس العقاب ...
والمجتمع يقسو على كليهما عند الخطأ ...
واذا تقول لي لا مايقسو على الرجل مثل مايقسو على المرأه أقول لك هذا مجتمع فيه بعض الانحلال
لأنه طرت على بالي سالفه ماهي بعيده من كم سنة هذا طول الله أعماركم فيه واحد أتهم بالزنا ( الله لايبلانا ) وتقريباً تمت أدانته من قبل المجتمع اللي هو يتبع له طبعاً لاحكومه ولاغيره بالسالفه كانت الاحكام عرفيه بين كبار القبيلة وشيبانها المهم البنت مدري وش صار لها بس يقولون أنجنت والرجال تدرون وش سووا فيه هذا طال عمركم حكموا عليه لايقلط مع الرجال ولا يزوجونه ولا يناسبونه ولا يكرمونه وعاش أحقر من دابة ....
في أعتقادي أمور النت هذي الحين عادية لأنه تفيد العاقل والعاقله والمهبول والسفيه عاد ( ياقلب لاتحزن )
أجل بعد كم سنه لو يطورون البلوتوث ويخلونه عابر للقارات وش بنسوي؟؟؟؟
ياجماعه جاء جوال الكاميرا وقومنا الأرض وقعدناه والحين مع كل بزر تلقى جوال بكميرا يعني هالوغد لو يصور خواته أحد يبي يدري عنه والله محد يدري عنه الا والصور منتشرة ..
حنا المفروض نكبر عقولنا شوي...
شاكرين لك ياصدى الشمال على الموضوع
رد مع اقتباس
المشاركة الأصلية كتبت بواسطة بالمختصر..
.
المفضلات