بسم الله الرحمن الرحيم
اولا اشكر كل من سئل عني وكل من اهتم بي وبقصائدي وكل من طالبني بالعدول عن قراري
واشكر الشاعر عبدالله الجعيثن على قصيدته
وهذا ردي على القصيده
اخوكم ... فيصل اللويش
[poem=font="MS Sans Serif,5,burlywood,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يافريح ماتنفع سواليف الاعذار = وماينفع اللي ناذخٍ بااعتذاره
هات القلم واكتب جزيلات الاشعار= فوق الورق واكتب جزيل العباره
سيل الفرايد فاض من بحر الافكار = هداج تيماء ليا انتثر من دياره
خلفات خلفات ٍ والابكار الابكار = والصمت يكفينا... وسدل الستاره
قند لنا الدله بهيل ٍ ومسمار = خل القوافي تبترم في شقاره
الذيب والشاعر على النار سمار = فنجال شعر... ونجمتين وزقاره
دام الشعر قرم ٍ على الغبن صبار = له فره ٍ ... له كرتينٍ وغاره
ياحي مرسول ٍ لفى وقت الاسحار = ياحي مرسول الوفا والبشاره
اهلاً هلابه عد ماطارش ٍ سار = واعداد ماهل المطر في غزاره
واعداد مايركب على الموج بحار = واعداد ماليلٍ تعاقب نهاره
يافريح ياريف الضعيفين والجار = ياكاسبٍ صيتك بطيب وشطاره
اركب على اللي ماشكى بعد مشوار = هو منوة اللي مبعداتٍ دياره
مصنوع في برلين يجذب للانظار = ((بي أم سبعميه )) وحدد مساره
اسود جديدٍ كل طبلونه ازرار = تله ولايهمك بقطع الاشاره
من الخفجي لبقيقٍ ولو صار ماصار = تله وخل العين تلمح سماره
وأوصل ((لعبدالله)) ولد نسل الاحرار = الشاعر اللي في بيوته جساره
عز الله ان شعره مثل قطف الازهار = جواهرٍ ياقوت ... واصل النداره
وصل سلامي ..له.. وبلغه الاخبار = والحر والله يكتفى بالاشاره
السرج مايصلح على غير الامهار = وش ينفع المطرب مع الجمع طاره
والسيل مارده طويلات الاسوار = ومايربح اللي ...ماحسب للخساره
واحلامنا طارت ... وعمر الفتى طار = والخيل قفت مابقى ألا... غباره
يافريح لاتكتم عن الحر الاسرار = قله ترى في كبد فيصل مراره
بشره ثم بشر حليمين الاشوار = فيصل رجع والنجم عاد لمداره[/poem]
رد مع اقتباس
المفضلات