( أوراد ../ و أوراق ) .. متساقطه ..!

**سلطان الشمري** · 04-04-2006 19:13

عذرا أخ سلطان على إقحام فلسفتي في نصك ولكني أعشق النصوص

التي تحمل عبق مناجاة الله وبث الشكوى إليه سبحانه

والسلام

لاتعتذري اخيتي .. فعلى العكس حضورك مميز وجميل

وكم هو شرف لي ولغيري .. تواجد أمثالك من الراقين والراقيات

وفلسفة جميله .. حتى الى حين قرأتي لها لم أكن أعلم بها في ذاتي او مخيلتي

.
.

شكرا ً الف .. اختي الفاضله / ويسعدني حقاً حضورك

دمتي بخير ونور ..

.
.

قراءه فعلاً جميله .. شكراً ..شكراً شكراً

**سلطان الشمري** · 04-04-2006 19:15

أختي

بنت الحرمين .. كم أسعدني حضورك ..

وإضفائك .. النور هنا

.
.

شكرا ..شكرا ..شكرا ..

اخوك

**سلطان الشمري** · 04-04-2006 19:23

.
.

ورده .. ذابله

.
.
[poem=font="Simplified Arabic,4,skyblue,normal,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
لا تحسب إني وسط حزني تحطمت..!= الحزن بيتٍ وسط صدري هدمته
أنا كذا طبعي أحب الزم الصمت = وأعيش شي ٍ وسط صدري كتمته
من أكثر ما أعيش الأمل ماتندمت = عشان أحقق حلم عمرٍ حلمته..!
ياليتني ساكت ! ولا لك تكلمت = ولا حكيت بعش حلمٍ رسمته
ما انكرت بُعده بس ماذكر تألمت = وما انكرت صده بس مايوم لمته
شف لحظه / إسمعني ( أنا ما تأقلمت ) = لكن اخاف إني بعشقي ظلمته
البارحه مريت قلبه و سلمت = مارد / ما سلم / وأنا اعتدت صمته ..
صحيح (كايد ) بس منّه تعلمت ..= (الكايد أحلى ) واجمل الحلم رمته ..![/poem]

/

\

قد تكتمل ذات يوم..!

**سلطان الشمري** · 05-04-2006 17:20

/

\

[poem=font="Simplified Arabic,4,#CCCCFF,normal,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]

البارحه كانت سواليفهم بين..! = بين الموادع والعتب والمشاريه
ولزمت صمتي يافهد / يافهد لين = في حكيهم شي ٍ ولا عدت قاويه..!!
حتى اندمجت ورحت مدري على وين! = جالس وقلبي راح يتبع خطاويه
لا عاد تسأل كيف؟ / او ليش؟ او مين ؟ = ولا تحسب إني كنت في يوم ناسيه
الدمع يرسم بالخفا له عناوين = لكن اكفه غصب عني وأداريه
لي قلب عاشوا فيه كل المساكين = واشوف كل أنسان مُتعب هنا فيه !!
له توبةٍ .. تكفي ذنوب المسيئين = وعلى ضفافه .. حي ..يشبه لغاليه
ياكثر مابه ناس ../ بالحيل غالين = شفه امتلت فيهم مرافي موانيه
و هذاك له حب و غرام و مكانين = في صدري وعيني أماكن منافيه
القلب قلبه / وان بغى العين بالعين = لا تلومني لا جابوا الناس طاريه
اشوفه اطيب من قلوب الفقيرين = واطهر من حروف القصيد ومعانيه ..
هذاك ../ له ورد .. و مساء و بساتين = مابين ضلعين الصدر مع محانيه
و إنشودة .. تشبه .. لدمع المحبين = لا صار ليل وداع .. عشق ومشاريه[/poem]

.
.
.

**سلطان الشمري** · 05-04-2006 17:33

.
.

(عفواً .. ليست للقراءه ) ..!

/

\

[poem=font="Simplified Arabic,4,skyblue,normal,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
يابعد من صدْ عني تعال وشب نار = لين يلمح ساري الليل أول نيرته ..!
وهات لك دله من هناك من درج الكمار = و آه لا يا وجد راسي على تبهيرته
هيلها هندي معه عود وزوّد فالبهار =خلها تحرق خفوقٍ تعب من حيرته
يا وجودي وجد رجلٍ تقبله الدمار = مسلم عراقي مع الحرب جاي لديرته
مايفكر غير بأمه وبإخوان صغار = وبإخته اللي قبل تمشي تبي تأخيرته
قبل يمشي مايفكر ولا حط إعتبار = غير كيف إنه يختّم على تأشيرته
ويوم عوّد مالقى شيء ياكود الف عار = ذابحين أمه وإخته غدت تعييرته ..!
حاملٍ من له أمريكي وزنجيٍ (****) =وإخوته ماتوا من القصف و ماتت سيرته ..
ولا بيّده غير ذله وتركه للديار = ودعوته للي يعينه معا تكبيرته
أو وجود اللي توفت معا رمي الجمار = زوجته قدام عينه وصاحت غيرته
إن دخل طاح وتبعها وماتوا بالحصار = تحت رجليهم وماتوا / سوى في جيرته
وإن تركها طال عيبه وغبنه والشرار = أوله جمره صغيره على تشريرته
أو وجود اللي توفوا هله وسط البحار = والدينه مع خواته وضاعت خيرته
من ضبا كان الموادع على أولة النهار = وأثره موادع عن الكون مع تسويرته
راكب اللي جمركوه أمس ماهو فكس آر = جيب شاص اليا نخيته عوت تحضيرته
وارد السته والألفين كنه بالعفار = ذيبٍ أشهب حده الجوع من تصديرته
راكبه وصل لي الخط لدواس الخطار = أجودي من رجال تنومس سيرته
وجد حالي يابو خالد يانسل الحرار = وجد من حده زمانه على تعبيرته
وانت ذيب ٍ تفهم العلم كله بإختصار =فاهمٍ كل المعاني بلا تكريرته
[/poem]
.
.

وما تبقى منها .. للإعدام

**سلطان الشمري** · 05-04-2006 17:47

.
.
.

[poem=font="Simplified Arabic,4,white,normal,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]

يلج الذنب في صدري غريب ويطلب التوبه = وفرايصنا تراجف والقلوب يعيث فيها الخوف
يايمه و الذنوب ذنوب و كلٍ يعرف ذنوبه = مشينا والزمان اقشر تعبنا والنفس مخطوف
يايمه كل ما اخطينا يضيق بهالجسد ثوبه = نضيق ونخبن الضحكه وتطعن بالخفوق سيوف
رجالٍ ماتعودنا نقول : أرجوك : مطلوبه ..!=تعبنا ما ترجينا زمان المعضلات يروف[/poem]

**مجد** · 05-04-2006 20:00

[all1=003300]

المشاركة الأصلية كتبت بواسطة سلطان الحجّاج

.
.
.

[poem=font="Simplified Arabic,4,white,normal,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]

يلج الذنب في صدري غريب ويطلب التوبه = وفرايصنا تراجف والقلوب يعيث فيها الخوف
يايمه و الذنوب ذنوب و كلٍ يعرف ذنوبه = مشينا والزمان اقشر تعبنا والنفس مخطوف
يايمه كل ما اخطينا يضيق بهالجسد ثوبه = نضيق ونخبن الضحكه وتطعن بالخفوق سيوف
رجالٍ ماتعودنا نقول : أرجوك : مطلوبه ..!=تعبنا ما ترجينا زمان المعضلات يروف[/poem]

صح لسانك .. ما شاء الله ابداع
واوراق نديّة و عذبة .. ونقية ..

يعطيك العافية اخي نبرااس .."سلطان الحجاج"

اعجبتني احدى قصائدك .. انتظر تصميمها قريباً

دمت متألقاً كما عهدناك

المجد

[/all1]

**سلطان الشمري** · 06-04-2006 17:11

تأمل معي :

" اذهبا إلى فرعون إنه طغى فقولا له قولاً لينا "

عندما قرأ قتادة هذه الآية قال :

سبحانك ربي ما أحلمك ما أعظمك إذا كان هذا حلمك بفرعون الذي قال : أنا ربكم الأعلى ..!!
فكيف هو حلمك بعبد قال مراراً :

(سبحان ربي الأعلى ) ....!؟

**سلطان الشمري** · 06-04-2006 22:12

[poem=font="Simplified Arabic,4,white,normal,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]

يابخت حظي وحظ الشعر / يايمه = ويابخت حظ القصيد.. وحظ من قاله ..!
لا قمت أقوله وأشوفك فيه مهتمه = وترددين آخر الأبيات .../ مهتاله ..
ماهمني : لو بدا به غيرك يذمه = .. ماهمني لو كثير الناس .. تحتاله ..
اللي مهم / يافديتك .. و العهد ذمه = إن اجيب القصايد فيك مختاله.. [/poem]

**سلطان الشمري** · 06-04-2006 22:29

بإعتبار .. إن أجمل الشعر أكذبه/ رغم عدم إيمان بذلك
.
.
.

سولَفْ ..و أنا أدري لا حكى يسكت الكل ..!
حتى بكلامه .. شي .. يشبه سكوته ..

:
إشلون ؟ مدري .. بس ماظني تمل ..
انغام .. صوته .. تقهر انغام صوته ..

:
هو يدري إنه ( غير ) بس يتدلل
تحس ورده .. يشهق أنفاس توته ..

:
و إن دل هذا شي ../ ياصاحبي دل
إنك تشوف الموت لحظة سكوته
:

عشان هيك اليا حكى يسكت الكل ..
لأن صعبه ../ حي يحتاج موته..!!؟