[poem=font="Simplified Arabic,5,black,bold,normal" bkcolor="transparent" bkimage="backgrounds/8.gif" border="groove,4,gray" type=2 line=0 align=center use=ex num="0,black"]
انا قصيدي في صدور الرجاجيل=اهل الكرم واهل الوفا والمهمات
ماني من اللي ينطّح القال والقيل=شعرٍ مشقق في ورق بالمجلات
شعري حفظته عن علوم الاقاويل=احسن من اللي ماخذ الشعر غايات
يكتب يغني في جميع المواويل=بالكذب والتزييف والغش بالذات
تارك علوم البدو والبن والهيل=اهل الاصاله والقيّم والمروات
تارك علوم الصدق والطيب والخيل=والواقع المر الدنئ والعلاقات
تارك علومٍ تهدم الوضع والجيل=وعلوم اه علوم..من وين ماجات
تارك علوم كثار تجري كما السيل=وعلمٍ دفينٍ بالثرى حي ما مات
عايش بوسط قلوب نبض الرجاجيل=اخذ العلوم النافعه بالنقاشات
ماتنفعك صوره ولا الوان تعديل=بكرى تموت ولاتفيدك مجلات
وليد العمودي
[/poem]
رد مع اقتباس
المفضلات