[align=center]يحّول يا اللي ما سكن في بريدة[/align]
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المدلهمـة والهـمـوم وحنيـنـي = والوجد الاشهب والضلوع الهميـدة
كـل المناظـر لا طريتـي تجينـي = يـا دار عـزي يا ضواحـي بريـدة
والحاقديـن الحـسـد والعاذليـنـي = وديار نقصـى والرجـال البليـدة
كـل عجـز يحتـال بينـك وبينـي = عتقتي الحيـلات وانتـي جديـدة
طرت عليـّه فـي ديـار الخمينـي = والنفس شفقى والمسـاري بعيـدة
ضاقت علي وهلـت الدمـع عينـي = وعرفت وش معنى الضروف العنيدة
تسبـل دموعـي ويتبيـح كنيـنـي = كنـي وحيـدٍ فاقـدٍ لـه وحيـدة
حنـا وراء كاشـان نفـرق يمينـي = وانتي بنجد ودون حايـل وضيـدة
نفحت هـواك اللـي تمـر البطينـي = هبت وتلت مـن خفوقـي وريـده
يا دار يا اللي كـل مـا قلـت وينـي = جتنـي مثـل أم تباكـت ولـيـده
فيك الرجـال اللـي تبـرك سمينـي = أهل الفعول اللي خطاهـم سديـدة
يوم انهـا مبطـي وهـي بالثنينـي = بالسيف والعقل الحكيـم ورصيـده
وهـم رجالـك كـل حـزه وحينـي = فوق الأصايـل والبكـار الفريـدة
الله يرحـم ماضـيـات السنيـنـي = من قبل لا تنشـف مـوارد زبيـدة
وانتـي رجالـك بالمواقـف تبينـي = مـع الإمـام يثبـتـون العقـيـدة
أنـا بَقـول الـحـق والله يعيـنـي = وليا احتمت ناري بَـدق الحديـدة
إليا سجدت وحـب رملـك جبينـي = ذكرت قول اللـي أسمـى حفيـده
يومه يقول اسمع وانا ابـوك زينـي = وعينه شرار ويمسك الرمـل بيـده
يقـول لا تغفـل جـزاء الوالدينـي = وربك خلقك وصر من احسن عبيده
وأن خيروك تعيـش بـس سنتينـي = عش بالقصيـم ولا تعـدى بريـدة
كلـه طرالـي وقـت ذاك الحنينـي = ويا ليتهـا رحلـة عديـم وسنيـده
أن كان انا ما جيـت عنـد اللعينـي = راع البقالـة واشتريـت الجريـدة
وقعـدت ادور صـورة معزبيـنـي = فيصل ولد بندر وصورة عضيـده
وازريت ادور صـورة الياسمينـي = اللي تفرعن في شعيـب السويـدة
واثري بعيد ووين انا عنـك وينـي = والنودلـي مـا يصلـون لبريـده
وكل الجرايـد والصـور للخمينـي = ولخامنيـه اللـي يلقـب طريـده
وضاقت على ديـار فـارس بحينـي = وسبـوق طيـري كنهـن بوريـده
ولديت في ربعـي وهـم مستحينـي = وحاولت اجمّع بس جملـة مفيـدة
قلت انتم اصلاً مـا عرفتـوا حنينـي = ويحول يا اللي ما سكن فـي بريـدة[/poem]
رد مع اقتباس
المفضلات