ورد عليه الشاعر مناور بن دغيم مشوح الرمالي الشمري يقول
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
بديت ذكر الله على كـل مـا كـان=المعتلي منشي صـدوق المخايـل
الواحد اللي خالق(ن) جن وانسـان=الرازق اللـي يطلبـه كـل سايـل
ابديت ما كنيت يـوم الخفـي بـان=باح الكنين وجبـت زيـن المثايـل
صغت المثايل صوغ لولو ومرجان=مثايلـن مـا قالهـن كـل قايـل
وزنـت منظـوم المثايـل بميـزان=طرايفن ياحمـود ماهـن هزايـل
مثايلـن تهـدا لمثلـك بالامكـان=ياحمـود ياكسـاب كـل النفـايـل
تمدح وكلن يمدحك سـر واعـلان=ماتنمـدح ياحمـود لـولا الفعايـل
يفداك ياريـف المهاجيـف كوبـان=ياهديب ياللي لثقل الحمـل شايـل
الطيب يدرابـه والافعـال برهـان=الطيـب كايـد والفعايـل دلايــل
والناس من دور الصحابة اليا ذلان=تذكـر فعـول الطيبيـن الاوايــل
يالله ياللي فارض(ن) خمس الاركان=انـك تعـز مجربيـن الفضـايـل
ياحمود سلم لي على طير حـوران=الليث بن صنهـات واف الخصايـل
محمد(ن) واف الخصايـل كحيـلان=راع الفـا مـن طيبيـن الحمايـل
نعم(ن) الياقالوا هل المجد عتبـان=ذباحة الحايـل سطـام(ن) لعايـل
عتيبـة الهيـلا قبايـل وعربـان=فكاكة المضعـون ستـر الحلايـل
ياقطبة سـرد السبايـا بالاكـوان=هل الفعايـل يـوم صايـل وجايـل
نزالة الخرم المطـرف بالاضعـان=مدهال عربان(ن) من الوسم سايل
ياقيل وين افـلان وفـلان وفـلان=ركبو عتيبه فوق سـرد الاصايـل
نطاحة الكايـد بخفقـات الاذهـان=بافعال يامحمد صحيح(ن) صمايـل
مزبان مضهود(ن) عليه الدهر شان=زبن الدخيل اللي به الوقـت مايـل
ريف الخوي والجار ذباحة الضـان=زمل التخوت اللي تشيـل الثقايـل
عتيبه وشمر يافتى الجـود خـلان=ياطير شلوى بيننـا الشـك زايـل
افداك يامحمد ونـا فيـك كسبـان=مكسب وفا ماهوب مكسب حبايـل
يالنادر الهيلـع الياضـم جنحـان=ذباح اليامن طالـع الجـول جايـل
فيك المزوه والحميـه والاحسـان=يارعي النخوه لـك البـاع طايـل
اطول من الضلع الطويل ام سلمان=ضلع(ن) تعرفه كل سمـو القبايـل
يالشهم يالمسطور يالسيف شامان=يالطيّب اللـي مثـل طيبـك قلايـل
انا على شوفتك شفق(ن) ولهـان=وصلك هوى بالي بكـل الوسايـل
واقبل سلامـي عـد ماهـل ودان=واعداد ما واد(ن) من الوبل سايـل
واعداد ما توم الهبايب بالاغصـان=واعداد ما سـارت لمكـة رحايـل
اهدي سلامي لك وربعك والاخـوان=وعلى عتيبـه مدركيـن الجمايـل
ياجار ابو ماجد على النعم جيـران=جيرة وفا ماهـي بجيـرة فسايـل
لايبعـد قربـة خنيفـس وخـنّـان=المفسديـن مخربـيـن العمـايـل
كلن شكى جاره على غير وجـدان=اللي على فرقـا قصيـره يحايـل
ياللي لكم بالمجد مركـز وعنـوان=هـل الفعـول الطيبـات الجزايـل
حمود من شمر هل المجد والشـان=نطاحة الكايد حمـا سـور حايـل
شجعان ياركبوا على الخيل فرسان=حريبهـم ذاق الكـدر والغـلايـل
هل الثنا والجود حضر(ن) وبـدوان=اهل هلا ماهـم هـل(ن) للحبايـل
ومحمد(ن) من ساس طلقين الايمان=عتيبـة الهيـلا حمـات الدبـايـل
يوم المدارك والمعـارك بالاوطـان=مرويـن حـد مصقـلات السلايـل
لهم بميدان الوفـا سـاس واتقـان=ساس الوفا ماهو عن الحق عايـل
محمد(ن) وحمود للمجـد عنـوان=ومجدديـن(ن) مجدهـم بالرسايـل
جيران بالمنزل وبالفعـل صدقـان=اوي صدقـان(ن) تعـز النـزايـل
نفخر بكم فخرن تصـوه الاذهـان=حب الفـا ماهـو محبـة هوايـل
لولا التعارف والتقـارب والايمـان=ما صار بين الخلق حـب وصايـل
قريت يامحمـد لكـم قيـل قيفـان=مشكور يامن جاب زيـن المثايـل
صوغات مهديهن بتقديـر واذعـان=ما بيت عن بيت(ن) من القيل عايل
انت الاديب ان صار للقيـل ميـدان=يعـل مـا نعتـاظ غيـرك بدايـل
يامحمد اللي صار للمجـد عنـوان =الله يفكـك مـن شـرور امتحايـل
واقبل مرد القيل لو فيـه نقصـان= الكامـل الله وافـي(ن) بالكمايـل
وصلاة ربي عد مـا يسمـع آذان=على النبي اعـداد مـا زال زايـل
[/poem]
رد مع اقتباس
المفضلات