[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
جار الزمن ثم صك من دوني البـاب = زولي شباب وداخلي جـوف شايـب
وكنت الغريب الي نشا وسط الأغراب = طفل ٍ جميع النـاس عنـده حبايـب
وربانـي الـي للطويـلات كـسـاب = الشايب الي مارمـى غيـر صايـب
عند الدلال ومبخـرة زيـن الأطيـاب = وعند الصحون الي عليهـا النوايـب
ودل الرجال الي على الطيب وأصحاب = وسوالف الفرسـان وقـت الحرايـب
وغيري يربيه الخدم وسـط الألعـاب = لين إختلف عقلـه يبـاري الهبايـب
لا هرجة ٍ سنعة ولا مكـرم أجنـاب = وسوالفه لاجـات جـات المصايـب
إخته تقول وخالتـه وجههـا عـاب = وأمـه تـزاور كـل يـوم ٍ قرايـب
مير أشهد إن الطيب من طيب الأنساب = والعرق طيب ٍ نصفه ونـص خايـب
بس البلا من علـة ٍ مالهـا أسبـاب = خلت جروح ٍ في ضميـري عطايـب
القلب منها شاب والـراس ماشـاب = وأعيش في وقت ٍ عن الناس غايـب
وهذا الزمن قد جار ثم صكر البـاب = وأنا على بابـه مـن العـام شايـب[/poem]
[align=center]ميلاف[/align]
رد مع اقتباس
المفضلات