تضيق وبعدها تفرج
[frame="1 80"][align=center]
قديمة احببت ان اتواصل معكم بها
علها تحوز على بعض اعجابكم
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أحس بونةٍ بالجوف تاسرني وتعصرني = وونة في وسط صدري تدوّج مالها مخرج
ليا من خيّم الليل بسكونه طيفك يمرني=يزيد الهم هم ويبتدي موالي المزعج!
وأفضفض له عن اوجاعي.. عن اللي منك يقهرني=واجي له وآتساءل ليه حظي معك انت أعوج؟
وطيفك للأسف مثلك يناظر ما يعبرني= وأشوف بنظرة عيونه جحود لطيبتي يحرج
غريب أطوار تتلذذ بأي حاجة تمرمرني = ابد مالك هدف واضح.. ولا لك بالقسا منهج
عسى ربٍ خلق قلبك.. يهنيك ويصبرني= ويحط بقلبك القاسي حنينٍ بالوفا يمزج
الا ياكيف تنساني.. ووتتركني وتنكرني=وانا اللي كنت لك في يوم حلم لخاطرك يبهج
اشوفك تبتعد عني.. واقول اكيد يذكرني.. = اشوفك مقفيٍ واقول.. درب الحب متعرج!
تضيّقها علي.. وتبتعد عني وتهجرني = وخليت الذي مايشتري (ياصاح) يتفرج!
تصد وتبتعد عني.. تعمد ماتخاشرني = ولامن ثارت العزة.. تلاقيني لك اتحجج!
واقول اكيد مشغول.. واكيد انه يقدّرني = وقلبي كنّه موصى.. لوصلك بالدعا يلهج
وحتى طيفك اللي يعقد حجاجه ويسهرني= ويكسي وجهي دموعٍ كثيرة بالالم تنسج
وطبعك حتى لو تقسى عليه.. ما تغيّرني=اردد بالخفا قولة .. ((تضيق وبعدها تفرج))[/poem]
وسلامتكم [/align][/frame]
رد مع اقتباس
المشاركة الأصلية كتبت بواسطة السنافية
مشرف مضيف الترحيب والتعارف
المفضلات