[ALIGN=CENTER]أبا شفلوت المفلوت
يحيكم ويقولكم سلام علايكم يالربع
اخباركم طيبين؟؟
حدتني الاقدار وفللت الددسن جح وجيت الرياض أبي ابيع
أبيع!!
أبيع جح لا يروح بالكم بعيد والا كان قلبت الددسن لقزس
دجت الشوارع والخطوط السريعه ابيلي مكان رايق ومزدحم ابيع فيه بمنتهى الرومنسية لكن ماش كل كورنر الا وفيه جمس وثلاث دداسن والفورد سبق الددسن كلها تبيع خضره .. ومدري اش في اهلكم يا بتوع الرياض مطافيق وطايرين في الخطوط اقل واحد يمشي الفين قايمتن قيامتكم ما تدرون ان القيادة فن وذوق
المهم ويقع الاختيار على تقاطع قريب من الخطوط السعودية والبق الددسن الساعه الواحده ظهرا في عز لهيب الحر وسطوع الشمس حتى البعير يطلب Time Out في هالقايلة ، الا انا.. وش اسوي لازم ابيع وراي عيال اكد عليهم
والله ويوم بدا البيع يدهر والزباين تهلي، الحبة مكلفتني ريال وانا جالس ابيعها بعشر والله يالمكسب الطيب
وما هي الا لحظات
واذا بطعش (الطعش يعني رهط) من اللومينات بدون اي ستيكر (مش دوريات يعني) يطوقون المكان تطويقا محترما ، ويترجل من تلك السيارات أشخاص بثياب مدنية عيونهم تقدح شرا، انا قلت بس خلاص رحت وطي يا ابا شفلوت شكلهم من الربع اللي بالي بالكم
قلبت في الماضي حقي ما اخبر اني تاجرت في سلاح ولا بعت حشيش ولا سويت ارعاب مدري ارهاب وش يسمونه
جاني الاخ وقال معك الامانة ( البلدية بس شكله مستحي) قلت الحمدللللللللللللللللللللللللللللللللللل لللله
كل هالارهاب وبلدية .. اجل وشلون كبسة الربع اللي انتم خابرين
المهم
صادروا السياره باللي فيها
يا خسارة الجح الطيب
ودفعوني كذا غرامة ورجعت للديرة بسابتكو بعد كم يوم توقيف وشكلي يمكن بآكل عيالي واحد واحد منها اشبع ومنها ما اشوفهم جياع
وكل هذا
فقط لان البيع بالشكل هذا ممنوع !!
___________________________________________
قطع الاعناق ولا قطع الارزاق ..ام قطع الارزاق ولا قطع الاعناق
والخطا هل هو من البلدية وتعسفها .. ام من ابا شفلوت وشفاحته؟؟
مفردات:
جح = حبحب = رقي = بطيخ بس طويل
دجت = فريت
كورنر = ضربة زاوية
Time Out = من جمبها
شفلوت = مدري يمكن سريع
مفلوت = مهستر
مطفوق = مستهتر
الامانه = ادارة المجاري والبيارات
لومينا = سيكل بثلاث كفرات
كفرات = امريكيات علجات
[/ALIGN]
المفضلات