قصائد أمراء آل رشيد(9): شهودي بجلدي والعدو به بداله....للأمير عبدالله بن رشيد

[سلايل عبيد]

قصائد أمراء آل رشيد(9): شهودي بجلدي والعدو به بداله....للأمير عبدالله بن رشيد


هذه القصيدة هي من أشهر قصائد الأمير عبدالله العلي الرشيد-رحمه الله- وهي ولاشك قصيدة رائعة طويلة، بدأها الأمير عبدالله بن رشيد بقوله:
[poet font="Simplified Arabic,16,black,bold ,normal" bkcolor="" bkimage="http://www.shammar.org/vb//backgrounds/28.gif" border="double,4,gray" type=0 line=200% align=center use=sp char="" num="0,black"]
الحمد للباري فزع من شكا له = والحمد له ثانيٍ على كل الأحوال
والحمد له ثالثٍ بقدرة افعاله = حمدٍ كثيرٍ عد ما قيل قد قال

[/poet]

[poet font="Simplified Arabic,16,black,bold ,normal" bkcolor="" bkimage="http://www.shammar.org/vb//backgrounds/28.gif" border="double,4,gray" type=0 line=200% align=center use=sp char="" num="0,black"]
إلى أن قال:

يبي يردّ اللي مضى من هباله = واللي مضى عوجٍ سراميد وطوال
زادوا وبادوا من هبايب شماله = كل له الله يوم تحسيب الأعمال
ويمناي ماترضى بزايد شماله = وأعطي الحقوق أهل المعالي والأنذال
والله لولا يوم كربة حباله = خوفك وغيضك إن نزيده بالأعشال
ومن عقب شيمتنا تبدل فساله = ياشيخ يا تالي كريمين الأسلال
ونشوف حرب اللي يباهي بماله = حتى نشوف اللي على الحرب صمال
شكيت دقه قبل يلحق جلاله = هذا كلامي لك ولاني منه ذال
ومن خاف أمرك لو صديقٍ فناله = من أول طاعون واليوم سلاّل
السيف للتايه ستاده حنى له = وأندل به من هو عن الدرب ميال
ولا كبا حده مشحنا صقاله = ولاهو من الشطات والضرب كلال
فإن كان ما شافوا توالي فعاله = وصاروا بقاياهم فذولاك جهال
و عبيدٍ اللي لا عدمنا خياله = حطه لهم مولاي نجمٍ وزلزال
هذي علوم ديار من لاصفا له = مشروب مي إلا بتقصيف الآجال
صفيتها بالسيف ما هي جماله = وثنيت للثرثاع بالقيد وعقال
ولا نفوز إلا ونروي سلاله = من دم هامات العدا علٍ وانهال
هرجٍ قليلٍ لاتكثر جداله = قلبك دليلك لاتفكر بالأقوال
والصدق يشهد له وغيره رزاله = وقول بلا فعلٍ إلى قيل بطال
من قال قولٍ شهدت له فعاله = لاعاش من يقصر منه قدر مثقال
شهودي بجلدي والعدو به بداله = والناس تدري بالجدايد والأسمال
وإن كان بي اليوم تقصر حباله = اعزم ولاتنظر لراضي وزعّال
دنياك تظهر من خوافي لياله = ولاتكن من عقب ماقلت غفال
وصلاة ربي عد ساعٍ سعى له = وما التج حجٍ بين هاذيك الأميال
وما تجهول فوق الانضا رحاله = على نبيٍ خصّه الله بالارسال


الأمير / عبدالله بن رشيد.

[/poet]

تم بحمد الله لكاتبه.........[gl]ســـــــــــــــلايــــــــــل عــــــــبــــــــيــــــــد[/gl]

[طلال صعفق الحافظ]

مريت على عجل وانا اشوف موضوع اخوي سلايل عبيد
وحقيقة لم اقرأه لأن دخولي على الانتر لم يتعد 10 دقايق
فقلت لازم احجز المكان علشان تكون لي الأسبقية...

المهم
شكرا لك اخوي سلايل عبيد على هالقصيدة
ولكن بذكرك القصيدة بدون القصة تلزم علي ان انقلها الى مضيف الشعر المنقول
ولكن لأهميتها راح اذكر مناسبة هذه القصة
==================================

كما تعلمون حدثت معركة بقعا بين ابن رشيد ومعه شمر وحضر حايل وبين القصمان ومعهم بني وايل
وصارت الكسرة عليهم وذبح منهم الكثير لدرجه ان الدم قام يسيل مثل الما

المهم اتت اخبار المعركة لابن سعود واعتقد انه تركي ابن سعود..ان ما خاب ظني وارجو التصحيح

فقال ابن سعود كيف يذبح المسلمين ويحل دمهم..؟؟

فجا الخبر لابن رشيد وهو يرسل اخوه عبيد للرياض محمله هالقصيده

فلما وصل عبيد ابن رشيد للرياض بادر ابن سعود بقصيدته اللي يقول فيها

[poet font="Simplified Arabic,16,white,normal,normal" bkcolor="" bkimage="" border="double,4,gray" type=0 line=200% align=center use=sp char="" num="0,black"]
يا امير انا جيتك مسير وبلاس
[/poet]

وهذا المشهور
واتمنى من اي احد عنده القصيدة يكمله لي..


وقال له يا طويل العمر انت ادرى بالقصيم واهله وغدرهم بالعهود اللي بينك وبينهم(يشير الى معارك وفتن حدثت في القصيم وحركة انفصالية )

وقال له قصيدة ابن رشيد التي ذكرها اخوي سلايل عبيد

لما اقنع ابن سعــود بأنه ما عمل الا الصواب وهو يرضى عليهم..



هذا والله اعلم

[خلف الرويتع]

اخي العزيز سلايل عبيد

يعطيك العافيه على هذه القصيده الجميله

[المحـترم]

أخي الحافظ

قصيدة يا امير انت جيتك مسير وبلاس هي لعبيد بن رشيد يوم جاء يبلس على ساجر الرفدي وبرجس المجلاد والقصة هذي معروفة وقصيدته هذي قيلت بعد معركة بقعاء بفترة على ما اعتقد اكثر من 10 سنوات