يا قلبها...قلبي

ودي ابوح سري

ودي اقول شي مكنون بداخلي

لكن أبسأل!! منهو اللي حب من كل قلبه؟؟

وحبه تمكن منه
وعشقه سكن بين ضلوعه!!

انت ياللي حبيت من كل قلبك
ايه انت!!

انا ابي اسألك؟؟

تقدر تخون المحبه؟؟

تهون عليك العشره؟؟

تقدر تبدل اللي تحبه؟؟

يهون عليك قلبه؟؟

يهون عليك حبه وصدقه؟؟

هااااااه تقدر تجاوب!!

سكت..

حسيت انه يبي يقول شي..
بعدها فاجأني بدمعه حااااااره..على خدوده السمرا..انا حسيت بها
لاني حاسه فيه مشتاق وذابحه الوله..

صاح بأعلى صوته..لا..لا..

لا وربي مااقدر
لكن ظروفي تمنعني اني استمر بالمحبه
لازم انهي هالعلاقه الجميله اللي توها تبتدي

سألته ليه

سوء تفاهم؟؟
قال يمكن

غيره زايده؟؟
قال يجوز

زعل من غير أسباب؟؟
قالي..
صدقتي..

انا زعلت..

وتحديت نفسي..

وقطعنا العلاقه..

وربي مايهون علي قلبها المسكين

وربي ماتهون على المحبه

آآآآآآآآهـ..ياقلبها قلبي

بعدها انا تأكدت اني اقدر اقول الشي اللي بداخلي..
لاني لقيت الوقت المناسب اللي اقدر اقوله فيه..

ابي اقول لكل واحد
حب ثم نسى محبته
بعد عن حبيبته..

وكان يقولها
انا احبك من كل قلبي والله

انا ادري انه صادق
ادري انه يحب
لكن

لكن لما تهجر وتبعد
لازم تحط في بالك ان في انسان
دموعه دايم على خده
والاه ماتفارق صدره
ماينام الليل والسبب انته



اللي حب من قلبه
لايمكن ينسى او يقسى
وحتى لو حكمت عليه الظروف بحكم قاضي






نوفه

اللي حب من قلبه
لايمكن ينسى او يقسى
وحتى لو حكمت عليه الظروف بحكم قاضي




صحيح اللي حب لايمكن ان يقسى


ولكن ليس هو من يقسى وانا هنا


اتكلم باسم المحب الصادق الذي

اخلص من قلبه لمحبوبته وأقول


هذا فقط لمتابعتي لشريط العشاق


الذي اقرأه هنا وهناك وكذلك العشق


المرئي الذي انتِ تعرفينه وكل حكمي

على هذا ربما لايكون صحيحاً لانني


لم ادخل في مجال فلسفة الحب وكذلك


لااريد ان اكون ضمن قائمة هؤلاء الذين


لاقلوب لهم وهذا ان كان لي الاختيار في


امري على الرغم من ان الحب ليس به


مجال لاختيارات او اجابات بنعم او لا

اما اذا كان هذا الحبيب هو مزيفاً فهذا


النوع من البشر لايستحق كلمة حباً

انما حبه مجرد كلام في كلام وتلاعب


بالمشاعر والاحاسيس وهذا النفر من


الناس هو المجرم حقاً الذي لعب بمشاعر


صادقه لاهثه وراء سراب الحب الذي حتى


ولو وصله هذا المخدوع لن يجد نقطة ماء

تروي له هذا الضمأ القاتل


على كل حال اشكرك على خاطرتك


ولك مني التحيه

أختي نوفه....


الحب في هذا الزمن غير موجود...أقصد الحب الصادق الحقيقي

مات مع قيس....وأنتهى للأبد...

الحب الصادق هو أنك تقبل الحبيب كما هو بكل عيوبه وتتحمل


قسوة الظروف من أجله ولا تتنازل عنه أبداً...لكن في زمن الضعف

مات كل شئ...للأسف مات كل شئ

استاذي

فلاح السعد

كلماتك واساليبك بالتعقيب رائعه

اخي

شكرا لمرورك الذي اسعدني كثيرا

اختك
نوف

مادري ايش اقول غير انك تنكأين جروح متعمقه جدااااااااا

شكراااااااااا الف على هذه الخاطره الجميله




تحياتي

اختي الغاليه سندريلا

كلامك صحيح
يجب على الانسان تقبل الحبيب بكل مافيه بعيوبه بكل شي
صدقتي والله هالزمن مافيه حب زي اول
كله راح مع قيس
وانتي الصادقه

بس وربي حرام على الواحد يلعب بالمشاعر ويترك الطرف الثاني
انا وربي كتبت هالموضوع لان الموقف صار لوحده اعرفها عدل
وانا متاكده ان في ناس كثير غيرها صار لهم هالشي

وقلت ابشوف ردودكم بس

مشكوره على المرور والتعقيب
ولا عدمناك يالغاليه

اختك
نوفه

اخي نبراس

لمرورك نكهه خاصه

تقبل خالص احترامي
اختك
نوف

اختي نوف .......
مهما جار الزمن وقسى أحبابنا لا بد
من يومٍ تأتي فيه رياح الفرح ..

والبهجه لترسم في عيون الزمن ...
مشاركه جميلة رائعه........
في حزنها ........
لكن لما تهجر وتبعد
لازم تحط في بالك ان في انسان
دموعه دايم على خده
والاه ماتفارق صدره
ماينام الليل والسبب انته
اللي حب من قلبه
لايمكن ينسى او يقسى
وحتى لو حكمت عليه الظروف بحكم قاضي
---------------------------------------------------------------------------------------
وتقبلي من هذا يا اختي نواف
هذه هي نهاية حبي
اجر الآه من هم جرا لي.............
هم بصدري صرت منه اعاني.............
احاول انسى لكن همي سرابي..........
يذكرني بحبيب راح ونساني............
حنا افترقنا عقب ذيك الليالي ............
والحين انا فاقدة كل الحناني...........
فقدت اللي اسولف له واعاني..........
فقدت الفرحه والبسمه حتى الاماني......
مالي حبيب يخفف لي مصابي.........
ويبعد هم قلبي اللي خذاني............
خذاني وحسيت كن هالدنيا سرابي.........
ماعدت ابيها ولاعاد هذا زماني.......
ابي اعيش بسعاده وراحة بالي..........
وافرح وانسى كل هم طواني............
ابي اتهنى بعز ايام شبابي...........
وانسى كل شوق لحبيبي دعاني..........
وهذي هي سالفة همي وعذابي.........
وهذي نهاية حبي اللي رماني.........






تقبلي فائق تقديري واحترامي .......

اخوك ابــــــــــوحـــــــمـــــد

اخوي الغالي
ابو حمد

وربي ماني عارفه
هل اشكرك على مرورك وتعقيبك
ام اعقب على ردك

وربي ماني عارفه شسوي
احترت بكلماتك العذبه

اسلوبك جميل في خواطرك
وايضا في تعقيباتك

تقبل تحياتي
اختك
نوف

حرام عطيه فرصه

تسلمين دوم تاخذين بخيال كاننا نرى شخصين يتحدثون علناً

الله يديمها من محبه

الله لا يفرق بينهم

تحية من القلب

انا اختلف معاك ومع اللي يقول اللي يحب عمره ما يقسى

اذا كان الشخص اللي تحبه مايبادلك نفس الشعور


في هذه الحاله وهو راي شخصي ادوس على قلبي وابتعد عنه


والمثل يقول من عافنا عفناه لوكان غالي



تقبلي تحياتي



اخوك .................. بدر الفرحان

اختي الغاليه نوف ...


خاطره رائعه وواقعيه بكل ماتعنيه


المحبه موجوده والحب موجود .. لكن لاوجود من الاحبه ؟؟؟

وعلى فكره في ظروف تكون اكبر من القدر ...

واللي يحب يحب بكل مافيه سواء بعيوبه والا بالشي الحلو اللي فيه


واحب اقول شغله ؟؟ للكل ؟؟

لابد الحبيب يكون مع حبيبه حتى بالاوقات الصعبه ...

واللي اقصده انه مايكون حبيبه بالايام الحلوه والصعبه يتخلى عنه لا

المفروض اللي يحب يعرف ظروف حبيبه قبل يحكم عليه

وهذي مجرد وجهة نظر فهد وانا احترم وجهة نظر اي زميل واي اخ

للاخت نوف كل التحيه والاحترام والتقدير وللجميع ايضا

وخاطره اكثر من رائعه


اخوك

فهد المويهي

اخواني الغالين

سواح نت
بدر الفرحان
فهد المويهي

اشكركم من كل قلبي لمروركم بالخاطره
وربي كلامكم عسل
وربي عسل
وصدقتو بكل شي قلتوه ياغالين

لكم اعذب تحياتي
اختكم
نوف