نفود لا يتننق موفز كمبني تقدم اقوى افلام الموسم فلم( ليله متنيله بنيله )
بسم الله الرحمن الرحيم
والصلاة والسلام على النبي الامين
اما عقبين فيسرني ان اعلن عن عودتي عقب المعاناه اللي عانيته بهالفتره اللي زلت
بسبب الشايب الله يطول عمره ويخليه لوغيدانوه
( ههههه مايدرون اني ضربت مطب انا وحيد امي وابوي ومن قاعده a=b وa=c اذاb=c يعني مالوه من الوغدان غيري الا بحاله وحده واعلمكم به بنهاية الموضوع)
يوم اشغلن وقال لي اسرح بالبعارين(وزززززززطععععععع)
المهم مثل ما وعدتكم اني ابا اسويلي شركة انتاج افلام اللي هي
نفود لايتننق موفز كمبني
ويسرني ان اضع اول فلم لهذي الشركه وهو فلم الرعب والاثاره
وكل شي يخرع اليكم فيلم __(ليله متنيله بنيله)___
الفلم بطولة الفنان الكبير المطمور: دحيم ولد أم دحيم (بدور دحيم )
طع طع طع طع طع (صوت تصفيق) وووووص شيييييط ( صوت تصفير)
وايضابطولة الفنانه الكبيره : بكسال حداد(بدور بكسال) ---------< محد يصفق ولا يصفر بين ان ربعنا مايدانونه ( تف عليتس حامضه)
وبالاشراك مع نخبه من الفنانين المطمورين والغير معروفين
الفلم من انتاج الخباز اللي ورا بيتنا : محيي الدين خان نصير الدين فغاني
ومن اخراج المخرج الكبير المتألق دائما والحاصل على جائزة العسيب الاصفر : أنا (برق النفود)
طفن الانوار وغدة الصاله خرمز ماتشوف يدك معلنتن عن بداية العرض
اول مشهد واحد جاي يمشي من بعيييييد وهو يمشي والكاميره تتابعه وهو يمشي والكاميره تتابعه ياما قرب اثاريه من الكمبارس
يعني هاللقطه ماله داعي(ياخوفتي هالفلم كله ماله داعي )وهي تفتر الكاميره يمار اكا الاثنين مقعيين حدر لهم طلحه هذولا الله لا يبلانا
دحيم وبكسال وهي تقرب لهم الكاميره يمار دحيم يمد لبكسال ورده
وهي تشهق بكسال وتقول: هذي لي قال: دحيم ايه يا عمري هاك
وهي تخمشه بكسال وتلقمه على طول ويجيك دحيم
وهو يصوعه اكا الصابر ويمعط الورده من افم بكسال
وهو يقول: يا اكلتس الدود هذي ورده ما توكل تشمينه بس
قالت بكسال: انا وش دراني اول مره واحد يعطيني ورده
وهو يتبسم دحيم ويقول هذااللي محليتس ولا بنات الحمايل واجد .
وبعد انتهاء هذا المشهد الرومنسي
تنتقل الكاميره الى مختبر الدكتور عصنصل عنصر الشر بهذا الفلم
وهذا هو العدو اللدود(احلى يا انا ياللدود)لدحيم والسبب انه راح برا
علشان ياخذ الدكتوراه وقبل لا يروح كان مخقخق مع بكسال بس يوم
نكس للديره يامار بكسال متحللات صوا ميله مع دحيم ومن عقب هالسالفه وهو يكن له الضغينه ( ياولد ياولد ماني بسيط الضغينه بعد) يمار الدكتور عصنصل مدعس راسه بحاجه زي الدرام ويحل ويربط اثاريه
يشتغل على آله جديده من الاته اللي هدفهن واحد وهو لعن ابو سلسبيل
ابو من خلّف دحيم والقضاء عليه وفجئه طلع الدكتور عصنصل راسه من
آلآله وهو يضحك اكا الضحكه ويقول خلاص والله اللي قربت نهايتك يادحيم
بكرا الناس ينسون ان فيه واحد كان اسمه دحيم هذي الاله
اسمه نطاح وسلاحه بسيط لكن ماتقدر تقاوم تموت زي دجاج الشوايه
مشوي هههههههها
—وهو يطلع واحد من ربعنا الشفايين وقال وشلون يادكتور—
قال نطاح هذا سلاحه عجيب مافيه مثله بالعالم سلاحه هو الاشعه
الكهرو جمريه ( ملاحظه : جمريه ليس المقصود بها الجمريه المعروفه
والمكونه من طحين وملح وماء واللي نحطه بالجمر ياما تطلع شقرنن تهوّل
وقد يضع البعض معه بعض البصل المحموس او المغلي وسمن الغنم
ولكن المقصود هو الجمر)
والاشعه الكهرو جمريه هذي تطلق اشعاعت غير مرئيه لكن انه تحرق
يعني شي يحرق دحيم وهو مايشوفه ههههههاي
( حمدلله على العقل) خذا الدكتور عصنصل سماعة التلفون
وهو يركب جهاز تغيير الاصوات ويدق على دحيم .
دحيم بالبيت دق التلفون ويوم شاله يمار هذي بكسال هلا بكسال
وش عندتس قالت ابي اشوفك ضروري قال وين تبين تشوفيني قالت
بالبراحه اللي ورا بيتنا قال خمس دقايق واكون بالبراحه وسكّر التلفون .
وهي ترجع الكاميره على الدكتور عصنصل يمار يقول: yas yas الليله راح اتخلص من دحيم اوه قصدي من دحيم الله يرحمه لاكن
لحظه فيه عنصر لازم يكون موجود وهو بكسال وهو يرفع السماعه مره ثانيه
وهو يبرمج الجهاز حق تغيير الاصوات على صوت دحيم وهو يتصل على
بيت بكسال وبسكال ترفع التلفون يمار هذا دحيم قالت هاه دحيم
ماهي عوايدك تتصل اخر الليل وش عندك قال عندي موضوع مهم جدا
قالت وشو قال لا لازم نتقابل قالت وين قال بالبراحه اللي ورا بيتكم
قالت خلاص .
سكر الدكتور الخط وعلى طول يريوس بالددسن حقت ابوه ويحط
نطاح بالحوض( والله اني كنت متأكد ان هالدكتور ماهو موضف سبحان الله
حتى الدكاتره مالقوا وضايف دكتوراه وحاطن جوده على دحيم)
المهم توجه للبراحه ويلقا دحيم جالس على كسرة بلكه يتحرا بكسال
اتري بكسال جالسة تمشط شعره على الموضه يعني تسريحه جديده
المهم جاء الدكتور وهو يقول دحيم تشهّد ترن ذبّاحك اليوم مار
ودحيم يضحك ضحكة استهتار ويقول منهو اللي يحتسي هذا دكتور الفيران
قال معليه عادي اقدر اتحمل اخر اهانه منك بحياتك ودحيم يسك العافيه
ويقول ليه وش تبي تسوي يعني قال شف الجدار هذاك
وهو يصوب نطاح عليه وهو يطلق وهو يذوب الجدار
قال الدكتور هذا جدار بعد وشلون الرجال عاد بهاللحظه هذي
قام دحيم يرتعد وركبه يتصافقن ببعض وحنكه يطقطق
( بعذره شاف عزراييل ) وقام الدكتور وصوب نطاح يم دحيم
وقال تشهد يادحيم
قال:اشهددددددددددددانننننن لاالله الللللا الله وانن
بها اللحظه نقزالدكتور وهو يقول بسم الله علينا يمه جني يماااااه الجني
وهو ينحاش من البراحه على رجليه وهو يلتفت دحيم
وهو يشوف بكسال نافشتن شعره تقل طلحه اثري الدكتور شافه بالظلمه
وقال هذي زوجة ابليس المهم قال دحيم وش اللي مسويته
بنفسك يا بكسال قالت وش اسوي هذي الموضه قال خلاص ادخلي
ببيتكم علشان ما تخرعين الناس وانا ابا اتصرف بالاله قبل لا يرجع
دكتور الفيران هذا المهم طلع الدكتور منجضع على الفراش ويرتعد
وواحد من شلته يرشه بدزروه ويسمي عليه والدكتور يقول
ااااااه القهر مهو اني بغيت اموت على يدين هالجني
لكن القهر اني ماقويت اذبح دحيم
وتنقل الكاميره يمار دحيم يدري الاله من فوق راس الضلع
ويوم وقع الجهاز بالارض وهو ينفجر وهو
يعدم الديره اللي طاح عند واللقطه القبل الاخيره
دحيم دموعه يدرجن لانه اكتشف انه اعدم ديرتهم
واللقطه الاخير صوره الكادر الفني لهذا الفلم قالطينن على مفطح
بمناسبه انجاز عمل الفلم .
وعقب هذا ولعو اللمبات حقات السينما مالقوا ولا واحد كلهم منحاشين
مع الدرايش من زود الملل
ملاحظه الفلم كان يخرع ومرعب لكن انا انخرعت منه وعجزت لا اكتبه بصورته
الاصليه
جميع الشخصيات الوارده بالفلم من محض خيالي
قصة الفلم مستوحاه من تمثليه بدويه طلعت عام الف واربع ميه وحطبه
هذا مالدينا واعذرونا على القصور
الفائده من الفلم ( بالعربي الفصيح مافيه فائده من الفلم ) احسن شي بالكاتب الصراحه ولو على حساب فلمه
والسلام عليكم ورحمة الله وبركاته
اخوكم --(برق النفود)-
ياهلا ياهلا ويامرحبا ياهلا يالله حيهم
حياكم الله وانا اشهد اني كلي فخر بأن الفلم اعجبكم
ثالثا : يالفاضي انا ادري انك تبي تستفيد من شهرة وسمعة الشركه لصالح
يومياتك لكن انك وجه طيب وتستاهل كل خير (ماعليكم من حتسي --(برق النفود)-مقصده الرئيسي ان الموارد الماليه للشركه تبي تقل لان الخباز يبي يقل شغله بايام رمضان ويبي الدعم يجيه من يوميات الفاضي) خلاص يالفاضي ابد ازهله الراعي الرسمي ليومياتك السابعه هي شركة
نفود لا يتننق موفز كمبني بس عندي شرط انك تحط اسم الشركه باخر اليوميات
موافق
ان شاء الله انك موافق(ياحظي)
اخوي الوبيري(إخراج وحبك فني لا يظاهى
موضوع خطيرررررررررررر خطيرررررررررررررررررر ورايق
بصراحة " شركه نفود لا يتننق موفز كمبني ® " راح تكسر الدنيا
مع المخرج الرائع والمتميز دوماً --(برق النفود)-
من أدك ياعم راح يظرب سعر التذاكر بالعالي بعد انتاج هالفلم
وانا اول متابعي انتاج " شركه نفود لا يتننق موفز كمبني ® "
تسلم على هالموفي الجميل)
ياهلابك والف هلا وتسلم علىهالاشاده (انا طاير بالعجه)
تشوف يالفاضي:D :D :Dهذولا الناس
عاشت ايامك يالوبيري :cool:
اخوي ابو شهاب
توك ماشفت شي
تسان الله اشا ء الفلم الثاني يبي ينزل وعقب على طول نفي الى المهجر
وياهلا بكم جميع
اخوكم --(برق النفود)-
برق النفود ,,,,,,,,,,,,,,
موافق
موافق
موافق
موافق
أي شي تبيه أقول لك تم ,,,,,,,,,,,
وخلاص وينك الحين ,,,,
وبعدين التاريخ اليوم اليوم متعدي الراتب ,,
وين الطليان ,,,,
شوف :
أبي طلي كبير يضحي علشان أضحي به لأنه طلياننا كلها صغار ,,,,
أبي مرياع لنا لأن مراييعنا كلها شيبان ( أحلى يالحضري) ....
والثالث على كيفك ,,,,,,,
ويعطيك العافيه أنك لقيت لي وظيفه ,,,
بس مو تجحد بعدين
مدير أعمالك ,,,,,,,
على فكره وشي السياره اللـــي تسلمني ياه
رد: احم احم المدير وصل قيام
برق النفود
لله درك
لله درك
لله درك والحقيقة إنك برفسور ومدير تستاهل الإدارة
قضى الاجتماع كل واحد على مكتبه ماعدا سالم
((((((أنا قايل لدرب النفود يوظفني ,,))))))
الله يهديك
حتى مديرك ماتعرف اسمه
انا--(برق النفود)- ماني درب النفود حطيتن ردميه الله يهداك
والسلام عليكم ورحمة الله وبركاته
المدير العام لشركه NOFOD LIGHTING MOVIES COMPANY
--(برق النفود)-
برق النفود
تكفى عليك بالفاضي ومفتاح 14
إعجابي بك كبير يالغالي
تحياتي للجميع
اخوك ابوغازي :( :o
