مكتب الخدمات المفتاحيه..(بانتظار طلباتكم)

[c]اولا أسعد الله اوقاتكم بكل خير:)

والله مادري وش أقولكم بس اببشركم اني دخلت مجال البزنس
وفتحت لي مكتب ( خدمات عامه) <<-- قصدك خمّات عامه :p

وهالخدمات مميزه يعني ماهي مثل الخدمات اللي بالمكاتب الثانيه
وابقولكم بعض هالخدمات :

الخدمة الأوله

اللي يعرف له أحد وده يسجل بالمضايف بس بحلانن يعني بلشانن باسمه
يقول لوه يبشر بسعده .. بس عطوني معلومات عنه.. يعني مثل:

*أول حرف من اسمه
* نوع سيارته
*هوايته
*لون البشره.. (ولو إن هذي ماله داعي اكيد انه ( شهباء) :D
بس ميخالف انا حاطن هالمعلومه عشان تكشف لي تسذب بعض الناس ;)
*وش اللي يرفع ضغطه يعني وش اللي يزعلوه يعني
وش اللي يقهروه يعني وش اللي يدبل تسبدوه؟؟

<<---أحس اني أثقف واحد بالعالم :)

واللي يبي يضيف شي براحته كل ما زادت المعلوماي:) كلما كان الاسم أكشخ :)

الخدمة الثانيه

اللي وده بتوقيع ( صوره ، تصميم ، فلاش).. لا يرده الا ( كيبوورده). انشاء الله اضبطه لوه واخلّيه منتاز المنتاز :D
بس ماهو كل شوين وهو ناطن لي ينشد عنوه هو خلص توقيعه والا لأ؟!
ترو اللي يبلشن أبقلب توقيعه بصمه أخلي خلق الله تضحك عليه ويصيرون ما يقولون لوه الا ( يالأمّي:D)

<<--- الأخلاق: ميد إن تايوان :p

على طاري ميد ان تايوان..فيه واحدن( ماني معلمن باسمه هو يعرف روحه;) ) توقيعه تايواني اذا يبي توقيع أصلي يقول لي:D


الخدمة الثالثه

اللي يبي رقم جوال مميز بعد يقول لي .. هو ماهو مميّز مميّز.. يعني (هه)..أهم شي
إن أوله (****05555)

<<-- يبي يعلمكم انه يعرف واحد بالاتصالات :)
( تراه والله ماهو اللي ببالك يالفاضي;) )

واللي يبي رقم مميز للوحة سيارته لا ( يهوّب يمّي) يعني لا يجي مكتبي البتة:)
لأني ما اعرف أحد بالمرور..وأصلا لو اعرف أحد بالمرور ما توسطت لأحد منكم.. تدرون ليش ؟؟! أبد الدعوى ماهي ردى
أو قلّة نفع :)..لا بس ودّك ان رقم اللوحه يصير صعب و محيوس فوق تحت.. عشان ماهو كل من هبّ ودبّ.. اللي يعرف يقرا واللي مايعرف يقرا;) يلقط رقم لوحتك ويرقمك بمخالفه.. والسبة ان رقم اللوحه سهــل:)

وكان ما انتم مصدقيني انشدوا ( الوليد) وش نفعوه بوه رقم لوحته المميز؟؟!

هو هذا كل لفّه والثانيه وهم معطينوه قسيمه.. لياما تراكمن عليه وبلش بهن:D:D


<<-- أهم شي يوصل المعلومه ;)

بانتظار طلباتكم :)
[/c]

هلا بمفيتيح <<<<ياهبوه يدلع هالعالم وعلى قل سنع

ابو مفيتيح اعتبرن اول موضف عندك<<<<يدور الوظيفه على ذنب تسلب

واذا تبي الفزعه ترن فاااااااااااااااااااااضي ماعندي شغل


تحيات موظفك الاول الفاضي<<<<ياسرعوه ماوظف نفسوه:D ايه شكلوه عندوه واااااااااااااااااااااااااااااااسطه

انا ودي اغيّر اسمي

ومواصفاتي كالتالي (( كتالي او ذباحي ياعمي الشيخ :D ))

اول حرف من اسمي هــ (( هيثم ))
نوع سيارتي فياقرا ثلاث وثمانين
هوايتي مسح الجوخ :p
لون البشره احمر يميل الى السمره مثل حبّة القهوه المحموسه :D
اللي يزعلن اذا وقفت عند اشاره وقدامي واحد واذا ولعت خضرا تعطـّلت سيارته :D
اللي يدبل تسبدي اذا رحت للبنك اسدد الفواتير :p

ممكن اضيف اضافه

انا احب غالوقة الثوب ازره ما احب الطقطق (( عسى ما تكلفت على هالاضافه :D ))

مساك الله بالخير

مفتاح!!!!!!!!!عسى منت مثل مفتاح الغيثي.

انا ابي سلف..ماهو سلف سياره لا سلف دراهم.

ابي خمسين الف ومستعد اقصدهن عليك كل شهر ميتين ريال.

اسمي جلابص
موظف برانكو
وابيع جح وخضره بالمناسبات
سيارتي كابرس تسعاوي وحاط كيس رز بالشنطه عشان انزله وينتهض خشمه.

ماأحب بيض العيون وسامي الجابر.

واموت على الدوجه باسواق الراشد.

عجل علينا ترا الاخلاق تجاريه.:mad: :mad: :mad:

الفـــــــــــــــــــــــــــاضي :

اول شي انا ما طلبت موظفين عشان تقط وجهك علي تدور وظايف :o

تاني حاقه من قالك تدلعن ؟! انا ما احب احد يدلعن خصوصا هالوقت وحنا داخلين بفصل الشتاء.. تدري ليش؟!!!
لأني اذا دلعن احد احس بقشعريره وبعدين ( أنخش ) <<-- مصطلح طبي:)

<<--- وما زالت الاخلاق التجاريه هي اللي ماشين سوقه:D


هاه.. ماتبي شي غير الوضيفه |513|

محارش..ابشر والله بسعدك :)

<<-- قاعدن يفسر عن ذرعانه :D


بناءن على المعلومات اللي أوردتهن<<-- قسم بالله انه من راسي :)
خذ عندك هاللستك.. قصدي هاللسته :)

وانت طب وتخيّر :


1- بوهـــان .. الظاهر ما يخفاك معناه :p
2- طـقـطـق <<--- تراني ماني سارقه من موضوعك..(طقطق:اذا كمخ الباب عدة كمخات يبي احد يفتح لوه ) :p
3-الدوّار<<---- مادام ان الاشاره تزعلك:)
4-لبناني بدوي <<-- مادام انك أحمر X قهاوي :p
5-بس عاد <<----- تذكره بالله؟:D:D

عسى جازلك شين منهن:)

جميع الحقوق محفوظه لمكتب الخدمات المفتاحيه لصاحبه مفتاح اربعطعش

اقول لا تجرح مشاعري..انا مفتاح 14 وينادوني ابو اربعطعش مع اني احس انه سبّه ماهي تدليع :p

رابع شي.. الدين ممنوع والزعل مرفوع والرزق على الله.. اللي يبي فلوس يروح للشيخ محارش
تروني هاليومين قارطن البشت يعني هاليومين متنازل عن الشيخه..لأني اشوف ان المشيخة ما تجتمع مع مكتب خدمات :D

اذا تبي شي غير السلف ابشر..


من معلوماتك ابي استنتج لك اسم ملعون خيّر <<-- مشكله اذا تحمّس:p

وش رايك باسم: (( تســـعــــاوي)) والله ياهو مسكّت :D

تاسع شي : وش رايك برقم الجوال (( ؟ 05555525))

للمفاهمه الاتصال على نفس الرقم :D:D

انا يامفتاح اربع طعش ودي باسمن جديد

انا دب(:))(:))(:))(:))(:))
ههههههه
وخبل
ووووووااااااااااههههههه
وجمساوي على تسعاوي يعني سيارتي جمس :)

واكره سي انك اذا طلبت حاجه من اعز اخوياك وقال لك:
أنـ......ـــقلع <<--- الله يقلعك يالفاضي

هلا بمفتاح14 ماعلي منك متوضف يعني متوضف(( الله لا يعوق بشر:D ))

اما انت يابو شهاب كل شوي تقول الفاضي والفاضي
طيب وشرايك بــ((اج حد....و)) هههههههه

لا تنسى يامفتاح14 جهز المكتب وابي مكتب تكييف سبلت وحط بالمكتب وجار وحطب ولا تنسى معاميل القهوه وبعد ابي سكرتير خاص وش ابي بعد:rolleyes:
اقول جهز هذولي وبعدين اعلمك بالباقي


تحيات موضفك الجديد الفاضي

أبوألمفاتيح

ألسلام عليكم

ألله لايهينك أنا أبي أتوظف عندك ماهو بس الفاضي

وبعدين ضبط لي توقيعن زين

إنت توحي يابو 14

تحياتي لك

ابوغازي:o

بزنس مامن بزنس ورى هالمتهلسين

بس بما انك مفتاح اربعطعش وانا ميزان يعني عيال ورشه وحده

فا انا انسب واحد تظفه معك قصدى توظفه معك وان بغيت شراكه 50/50

ترا ماعندى مانع

heilo قصدي السلام عليكم
يابعد روحي على هالمكتب ياعلك عقب الفاضي قل اااامين
ماعليش يالدكتور الفاضي عقب علاجك لي بشيول الافغاني غسلت يدي منك
مالكم بالطويله عندي سوال يتطارح مع نفسوه وشلون تبي تعمل للعالم تواقيع وانت ماعندك توقيع
ارجووك بليز لا تفهمن رونج يعني خطاء يعني انا اكذبك
لا لالالالالا انا قصدي انك لها الدرجه متواضع (:D :D مصري:D :D )
يابعدي مفيتيح ابي توقيع لي مستوحى من اسمي
ودمتم

ياحبي لكم ياللي فوق كلكم :)
اممممممممممممممممممممممممممممممممممممممو ه لكل واحد بكم :)

والله تستاهلون كلكم الوظايف والتواقيع وكل اللي تبون :):)

<<--- ما صيده بس يبي يغيّر باسلوبه شوي :D

---------------------------------
ابو شهاب انت والفاضي.. يعني مالقيتو الا موضوعي تسولفون بوه؟(وجه معقدن أحجته)

بس والله ان سوالفكم توسع الصدر.. تدرون؟؟ سولفوا سولفوا :)

<<--- أحسن مابوه ان عنزوه ماتبطي :)

------------------------------------------

ابو غازي ابشر والله بالتوقيع الزين بس صبرك علي :)

<<--- أزول واحد بالعالم :p
-------------------------------------------

ميزان / هلا والله بولد العم (وش تراعون ؟ ميزان ومفتاح و يمونون على بعض )
يالله حيوه .. اممممممممممممموه اشي نويبه اممممممممموه.. ياريحة العربان انت هالريحة :)

<<-- مادري منين هو سامعهن :D
وبعدين وشو ( الفايز) اللي تقول ؟ ;)

<<--- ياشين اللي يدققّ :p

اقول ما ناقصنا الا ابو جلمبو وزراديه ونصير أحسن شله بالدنيا :p

------------------------------------------
برق النفود :o :

يعني على بالك تبي تحرجن بسوعالك؟؟!

طيب انا ابقولك واريحك: انا ماعندي توقيع سلمك الله لاني انسان متواضع وما احب الفشخره والترزز ويعني اني اعرف فوتوشوب وفلاش .. عرفت هالحين ليش مالي توقيع؟؟؟!!!!!!!!!!!
(انا ما ودي اقول هالشي بس انت اجبرتن اقوله).. (الله من الصدز) :D

ابشر بالتوقيع.. وانت بالقائمه





يامالين العافيه والله كلكم

وشكرا لزيارتكم... المكتب يتشرف بخدمتكم :)

<< صجّــنا وهو مكتبوه :p

اقتباس:

---

النص الأصلي مرسل من قبل أبــ شهاب ــو
انا يامفتاح اربع طعش ودي باسمن جديد

انا دب(:))(:))(:))(:))(:))
ههههههه
وخبل
ووووووااااااااااههههههه
وجمساوي على تسعاوي يعني سيارتي جمس :)

---

[c]
8
8
8
أول مره اشوف واحد يقتبس من رده[/c]
على العموم يا مفتاح اربعطعش لا تضيع السالفه وتقول مدري وش بك انت والفاضي
اقول رد على طلبي ابي اسم على مواصفاتي اللي فوق

8
8
8

وش رايك باسم : (( خبل بس حبّوب )) :p

<<--- الله من زين الاسماء

[c]

اقتباس:

---

النص الأصلي مرسل من قبل مفتاح14
8

(( خبل بس حبّوب ))

---

8
8
8
قل قسمن بالله هذا اسم

على العموم حلوه منك :D :D :D
تسلم
[/c]

الله يمسيك بالخير أنت والآخوان.

اللى على طاري البزنس ماعليكم طلب سواق ولا قهوكي ( بتصغير الكاف)

تحياتي:أبوتركي