% مانيب ناسي قصة صارت وانا ازور القبور %
قصيده رووووعه
وبالصوت بعد اروع واروع
بس تخبرون زميلكم ما يعرف يجيب الصوتيات والفديوهيات :)
هذي القصيده لكم
مانيب ناسي قصة صارت وانا ازور القبور
لازلت افكر في غرابتها وبالي تشغله
ساعه ظهر لي شايب له حول قرنين محجور
في جوف قبر عن هل الدنيا طواه ويعزله
سلم وجا صوبي يقول ابنشدك ياالي تزور
عن حالة الدنيا وعن وضع الزمان وعن هله
انا مضى وقتي ومرتبي طويلات الدهور
والباقي بعمري بعيشه بينكم واستكمله
قلت الزمان الي يبارينا علا خبرك يدور
الوقت نفسه ماتغير ماشي في جدوله
اما البشر لاوالله الا غير من حد الجذور
صار انتقال من يمين الا يسار المنقله
استغرب الشايب من الي قلت وبليا شعور
حط اليمين اعلا الشمال وخاطره فيه اسئله
قال افتني عن حالت الشيبان والشيخ الوقور
اهل الحكم والراي وضرب الامثله
القدوه اصحاب الامور الي تطاع بكل شور
الي يفضون النزاع ويحكمون المشكله
قلت البعض منهم علا ماقلت في وصفك وقور
قدوه ولاكن رايهم ماينفرض في مسئله
الطاعه العميا بقا منها مجاملت الحضور
والبعض لاعبد يخاف الله ولا عبد شكور
لازهده شيبه من الدنيا ولاهو جمله
بهيمة يرجع علا منحاه الاول ومحصور
في لعب بيلوته وريح زقارته ومعسله
والبعض الاخر شابت رموشه علا درب الفجور
ينقل جوازه لسفر من مزبله لامزبله
اشيمط زاني قضا عمره بحانات الخمور
والعايله ورع يغرر به وبنت مهمله
قال افتني عن حالت الخفرات ربات الخدور
الي تصان بيت عايلها وبابه تقفله
شيهانة تشمخ عفاف وتصقل فروخ القصور
بين الفريق بشتها الضافي وثوب تسبله
قلت العذاري في زمنا بغبغاوات الطيور
تقليد هرج وعرض ريش خلفها تستخمله
تلبس عبات ضيقت حول الردايف والخصور
فضيحة تكشف جسدها من علوه لااسفله
وموضه شيال تكشف الوجنات والوان الشعور
والمحرم تبدل بجوال بيدها تحمله
لافوحت صفر الدلال ولاعرفت غش القدور
تطبخ لها خدامة باالعايله متوكله
وشلون يتربا عيال ام التبرج والسفور
الا خنازير دماها بارده ومغفله
قال افتني بحال الشباب الصلب صياد النمور
الفارس الي ينطح خصومه بزند يفتله
الوافي الشهم الغيور الي لعرض الجار سور
البار عند امه وابوه وعلم ربه يشغله
قلت الشباب بوقتنا وجه مثل بدر البدور
والجسم من زود الرخا ماتنفتل فيه عضله
قصت شعور صيرتهم لااناث ولا ذكور
والثوب راح ولا بقا الا عالم متبنطله
من كان يشرب من غرا ر البير مشروبه بيور
والبل راعيها غدا يشرب حليب النستله
مامنهم الي قام دون عرض جيرانه غيور
من قام قالو وش ملقف حضرته وش دخله
والوالدين حقوقهم ضاعت وعنهم في نفور
ان غاب عنهم لاتذكرهم ولا جاه الوله
بدا عليهم شلة تهوى الوطا بين الجحور
لو تعزله عنهم تبي له شان كنك تقتله
ماراح يوم يشارك ربوعه بحزن ولا سرور
حتا ابن عمه يعرفه بالوجه واسمه يجهله
بدل حكاه وضيع اسلومه وحاله في دبور
وان شاف ضيف يخش حتا انه يفارق منزله
ناضر لي الشايب بعين تجمع السبع البحور
وقال انا لايمكن ادخل مجتمعكم واقبله
انتو لكم وقت تصدع من بلاويه الصخور
مايقعد الجمال به ساعه ولو ضاع جمله
وتقلدوا تحيتي
