كل عام وانتم بخير اخواني واخواتي الاعزاء
وعيدكم مبارك
نحمد الله على نعمه الكثيره
التي لا تعد ولا تحصى
حمد الشاكرين الذاكرين لنعمه جل في علاه
ونحمده ونشكره على امطار الخير اللي جتنا
ونسأله تعالى ان يغيث عباده بخيره
هالاجواء مهي اجواء دوام ولاهي اجواء بيوووت
جو برااان وطردي :)
طرت علي سالفه يالربع :)
مرتن من المراريت كنت رايح للطواري مع واحدن من خوياي
كان بوه صخونه بسيطه
تخبرون كوارث تغير الجو
الكارثه والله هالاعصار اللي جاين امريكا
اسأل الله انه ما تخطيهم :)
ويفك عيالنا هناك ويفك المسلمين بس :)
المهم
دخل خويي يم الدكتور ووقفت انا برا
واشوف اثنين شباب في عمر الزهور << باقة ورد مهم بشر :)
مولعين زقايرهم ويدخنون << بالخير يهالمركا :)
وانا اتقمص شخصية الرجل اللي منا حليلوه :)
وانا اروح يمهم
سلام عليكم
عليكم السلام
كيف حالكم يا شباب
تمااام
قلت يا شباب والله يهاللي تسوونه مهو زين
والدخان مافيه خير
وانا اقوم انصحهم << يعنني برييييء :)
وكان فيه رجال شباااب يعني مهو كبير حيل واقف يراعي لنا
وانا اسولف مع الشباب
وهو يجينا
قال سلام عليكم
قلت وعليك السلام يا هلااا
قال ممكن شوي لو سمحت << يبي يكلمني على انفراد :)
وانا اروح معوه
قال ما شاء الله عليك والله يجزااااك خير يالطيب
قلت لااا العفوووو << خدودي قلبن بنفسجيات مااامن احمراار :)
قال انا ابوي توفى قبل اسبوع
قلت الله يرحموه ويغفر لوه
قال واشتريت ثلاث سيارات وتبرعت بهن لوه
وانت علشان عملتك هذي ابي اعطيك سياره :a:
قلت شلووووون وش تقول انت
قال والله الا تاخذه
قلت والله ما اخذه لو تموووت
قال والله الا تااخذه غصبن عليك
ولييييه وش هالبلشه
بيني وبينكم صرت مشتهي ومستحي :)
ابي السياره بس ودي يغصبن حيل
واتخيل
يا هل ترى يبي يعطيني يوكن زي حق ابو غازي :)
ولا يبي يشتري لي فورد جديد :)
ياااخووفي يشتري لي شاص ماااااااااااا ابيه ما ابيه :)
واحياناً اقول يمكن يبي يوديني للمعارض اختار :)
المهم انه شوي ولا تصير هوشه بيننا
هو يحلف انوه يعطيني
وانا احلف اني ما اخذه
اخر شي قال والله ما علي منك تاخذه يعني تاخذه
قلت ما يخالف نتفاهم بعدين
قال المهم انا ابي منك هالحين ريالين ابي اشتري كيك ما افطرت :a:
قلت هااااه
وش تقوووول ؟ << انصدمت يعني مافيه يوكن :)
قال والله اني ما ذقت شي من امس
قلت دووونك هالخمسه
يوم راح من عندي وهو يراعي لي قال السياره والله الا تاخذه :)
قلت ابشر اباخذه
وانا اروح يم الشباب اللي كنت انصحهم
قلت بالله زقاره يا عيال :)
اثريه يعاني من خلل فني بسييييط :)
وكل عام وانتم بخير
وتقلدوا تحيتي
