ويحل العقدة حلالي

أعجبتني كلماتها ولحنها وأداءها :7ayyoh:

قلت أهديها لكم

http://www.youtube.com/watch?v=QyYIh...e_gdata_player
http://www.youtube.com/watch?v=QyYIh...e_gdata_player

تسانها ماجازت لكم ترى عادي نتقبل الرأي المخالف

الجازي الرأي والرأي الآخر :)

طيب واللي يحب يقرا ولا يحب يسمع:)
بس ماعليه نعرف ذوقك راديوم:thumb:

،





طرت علي المسلسلات البدويه :)





.
.

اللي يحب يقرا نهديه كلماتها :7ayyoh:

ولو ان حلاوتها في سماعها :

قلبي يشفق لك يالغالي ## خصٍّ لا هبّ الشمالي
دقاته من بين ضلوعي ## عليكم تشغل لي بالي
أول قلت القلب يصبر ## ويحل العقدة حلاّلي
لكن طالت فيك الغيبة ## وأصبح همي يبرا حالي
ارجع وإلا جيتك كلّي ## قبل لاتفرح عذّالي
وإن كانك نويت فراقي ## قل لي لاترجي وصالي
ماني تبّاعٍ للمقفي ## ولا متعب لاجله مرسالي
أدعي له واجنّب دربه ## وأشري مقامي من مالي
وأرقى عنه براس القمة ## وأنا أعرف قيمة منزالي
أموت ولا أنزّل راسي ## والمقفي يلقى بدالي

بس لازلت أنصح بسماعها

الصوت عذب واللحن فلكلوري جميل

اللي أشوفه عدم تناسق الخلفيات و المؤثرات مع القصيدة و اللحن




و الناس أذواق




-----------------
أبو فهد الهمزاني

بالمختصر

عايشين جوهم :)

أبو فهد

من جاب طاري الخلفيات !!؟

أنا أحتسي عن صوته وكلمات القصيدة وألحانها

ماعليكم من الكليب نفسه !!

اقول هونت


الجازي الرأي الأول والآخر والأخير :7ayyoh:

خوش مقطع يالجازي
يسلموو ع الإهداء
تحيتي لكِ

ماجازت لي


وسط

أبو فيصل

هذا رايك قبل شعاري الجديد والا عقب :7ayyoh:

ريالوووه


ليتك ماحتسيت وسترت على روحك :)


أجل ماجازت لك

وعقب تقول وسط

بالله وش رسيت عليه

وسط والا ماجازت لك :)

.

,


الصوت واللحن خيااال

تصلح لطلعات البر والواحد يتمشّى ومطوّلة على آخر شي :7ayyoh:
ونآآآآآسه






يسلموا الجازي

اقتباس:

---

المشاركة الأصلية كتبت بواسطة الجازي

اللي يحب يقرا نهديه كلماتها :7ayyoh:

ولو ان حلاوتها في سماعها :

قلبي يشفق لك يالغالي ## خصٍّ لا هبّ الشمالي
دقاته من بين ضلوعي ## عليكم تشغل لي بالي
أول قلت القلب يصبر ## ويحل العقدة حلاّلي
لكن طالت فيك الغيبة ## وأصبح همي يبرا حالي
ارجع وإلا جيتك كلّي ## قبل لاتفرح عذّالي
وإن كانك نويت فراقي ## قل لي لاترجي وصالي
ماني تبّاعٍ للمقفي ## ولا متعب لاجله مرسالي
أدعي له واجنّب دربه ## وأشري مقامي من مالي
وأرقى عنه براس القمة ## وأنا أعرف قيمة منزالي
أموت ولا أنزّل راسي ## والمقفي يلقى بدالي

بس لازلت أنصح بسماعها

الصوت عذب واللحن فلكلوري جميل

---

كلمات رائعة يسلم ذوقك وحسن اختيارك
وشكرا وتسلمين على الافراغ الكتابي اختنا القديرة

يابعد قلبي ياشموخ

ايه هذي الناس السمّيعة :)

خلاص حلال عليتس :7ayyoh:


تقدرين تحملينها وتسمعينها متى مابغيتي :d:

حياك يابو يوسف

بس ترى عادي فيه خيارات ثانية لاتجامل :7ayyoh:

تقدر تقول :

وسط

أو

ماجازت لك

:)

الدعوى ماهيب غصيبة :7ayyoh:

ماني تبّاعٍ للمقفي ## ولا متعب لاجله مرسالي



وه بس يالذوق تسلمين والله

ماتصلح


<<<<متضامن مع ريال الفسحه

هلا والله بأم محمد

من ذوقتس والله يالغلا

أهم شيء جاز لتس بس :d:

أبو ضاري

وش اللي ماتصلح !!؟

مهديتكم سيارة أنا !!؟

ريالك قال خيارين

ماجازت له

والخيار الثاني وسط

أنت منين جبت ماتصلح :7ayyoh:

أموت ولا أنزّل راسي ## والمقفي يلقى بدالي


أمشي/ والمقفي يلقى بدالـــي

الجازي لاعاد تنزلين مثل هذه المقاطع قاموا الشيبان يهزون روسهم

تذكرو ايام ؟؟؟؟؟؟؟؟؟؟

اختيار فيه اعاده للوراء لكل من ذاق طعم ومراره وخصوصا اهل الصنف ولاهو اي صنف
وبعدين لاتردين على من لايعرف اللا الكل والشرب والنوم


شكرا لك اختي العذبــه في عذوبه انتقاك

حياك الله يابو منيف

وشاكرة لك حضورك