لكم ولذائقتكم
..........
شرّيت بشت الغلا في داخل ضلوعي
ياهيه نوّر قصيدي واسمع الحاني
ياملهم البوح ليلي بات مفجوعي
شليل صبحه تقفّاه وتعداني
تعال كفكف غيابك..هدّ لي روعي
مبحوح صوتك ..يرد الروح لاكواني
ان جيت يرحل ضماي وينكسر جوعي
وان رحت ضاق الفضا وازدادت اشجاني
شاعرك اول..قصيده كان متبوعي
واليوم ..جاني غيابك قام يجناني
دافي حضورك يلّحف بارد فروعي
جليد وقت العتيم ينام بآحضاني
الود ودّي تغانم مثمر زروعي
قبل يفوت الحصاد ..وتذبل جناني
ممنوع شوق اللقا..ماعاد ممنوعي
تعال دلّل ثمرك بمايل اغصاني
ومادام بشت الغلا .. مشرور بضلوعي
ابيك اجزل قصيدي وآعذب الحاني
.
