لا غبت تل الشوق فيـك المعاليــــــق
ولا جيت لك ما يطري الشــــــوق لله
صحيح لا صديت يذبحنـــــي الضيـق
ولا ابعدت قلبي من عروقـــه تتلـــــه
وصحيح انا اعطيتك عهود ومواثيـــق
الحب تلقى وسـط قلبـي سجلــــــــــه
وصحيح انا مابين شك(ن) وتصديـــق
طبيعـة العشـاق ! هـذي جبـلّـــــــــه
علقت قلبي في سمـــــاء الحب تعليـق
بين الفضـــــاء والقـــــاع كنـه مظلـه
لو كان عشقك لي تصنـع وتلفيــــــــق
تبقى الصحيح أغلى من الناس كلــــه
محبتي لك، نشّفت منــــي الريــــــــق
وحبك كما القاري لصفحـة مجلــــــــه
وحبي لذاتك بين الاسمـــــا توافيــــق
وحبك كمـا بيـق(ن) توقـــــاه دلـــــــه
حب (ن ) بشحذه لا سقتــه الدوافيــــق
ان كنت تقـــدر تنتحــي عنـه خلــــــــه
صحيح سكران بغرامـــك ولا افيــــق!
اسكر! ولكــن ؟عزتـي فـي محلــــــــه
