% الحقوا علي .. وويلي متت %
<< متغيب ويكلمكم
يالربع
جاني خوين لي بالدوام امس
وشفتوه طفشااااان واصلتن معوه H
يعني حراااره زياااده يا صديق
قلت وشبلاك يا فلان
قال والله يابو ماجد من ضيقة الخلق والقهر
قلت افااا وش العلم
قال ياخي انتظرهم يجيبون لي اثاث لمكتبي وللحين صارلي شهر
قلت طيب انت كلمت فلان ( مديرنا )
قال ايه
قلت وش سوا
قال مافيه فايده جبان
قلت طيب كلمت فلان ( مدير مديرنا )
قال مثلوه مافادني بشي
قلت طيب كلمت فلان ( مدير مدير مديرنا ):)
قال ايه ومافيه فايده بعد
قلت شلووون
قال هذا العلم والله يابو ماجد
قلت طيب باقي واحد
قال منهو
قلت فلان ( انا :) )
قلت ازهلهم هذولا
قال وش تبي تسوي يا فودان
قلت مالك شغل
واليوم الصبح وانا ادخل على رئيس المصنع
اكبر شي :315r:
اللي ما اقوى منوه الا الملك :)
قلت يابو حسام الدعوى خرطي
قال وش عندك
قلت السالفه هاللون وهاللون
عاجزين يجيبون مكتب لهالضغيف وتبيهم يسنعون المصنع
قال جيت فلان ( يعني مديري )
قلت جيت فلان وفلان وفلان كلهم مابهم فود ومطنشين
ويهاوشون اذا جيناهم
ومالنا الا الله ثم انت يالغالي
بغيت اعطيه صك عسر :)
واقوم احرشوه عليهم ليما انتفخ
وانا اروح لخويي قلت انتبه ترى يمكن يصير انفجار اليوم
خلك متولم
والله وانا اروح لشغلي
نسيت السالفه مع الشغل
مافطنت الا جوالي يدق
واراعي ولا خويي يدق علي
قلت هلااا
قال يااااحيوااان وش انت عامل
قلت افا
ليش
قال انحششش
جوني يدورونك ( غلطتي قلت للرئيس اسمي :) )
قلت منهم
قال فلان وفلان وفلان << المهابيل الثلاثه
قلت وش يبون
قال دخلو علي يقولون وين الشبث نبي نلعن جدفوه :)
وقلت لهم مادري وينهو
والحين يدورونك والله يبوووونك
وهو يكلمن واسمع حسهم جايين
وانا اتغيب تحت الطاوله
واسمع مديري يقول مهو هنا الحيوان
اكيد نلقاوه عند الانتاج امشوا والله لا ادخلوه بالمكينه
بغيت اقولوه تعقب بس مهو وقتوه :)
ولهالحين وانا متغيب
يا عيال وش اسوي افزعووولي
تهقون يبون يفصلوني ؟
تهقون ان مستقبلي راااح ؟
تهقون جاء وقت صك العسر ؟ :)
وويلي دج ماااجد
هالله هالله ببناخيكم يا عيال
وتقلدوا تحيتي
