ماهو بـ كفو الوقت ..

..


ماهوب كفو الوقت حبك يمحّيه
ياللي تخاف صروف الايام تمحاه


ارتاح دام ان المواصل يقويه
انت . انت وانا . انا وقلبي هو إياه


حتى ولو بتغيب ذكراك تكفيه
ياواحدٍ تكفي عن الناس ذكراه


حُبك على رملة خفوقي مواطيه
ورياح عذلي عَنك ماتمسح خطاه


واللي يعذل القلب عن درب غاليه
( يالله عسى اللي يبلا المواليف يبلاه )


اخفيه يابلفيت والحال يبديه
ادناة واحد ينظر الحال يقراه


اخفيه فيه ومعتنيٍ به وحاميه
عن كل عينٍ ودها تنزل حماه


قلبٍ يحبك والهوى الذرب ماليِه
كانك مكذبني بعينك تحلاه


شرط . ان تشوفك فيه منت بحواليه
ويمكن تشوف ديار واماكن رعاه


وشوف به تمثال والوقت هاريه
وبتشوف زرعٍ ميتٍ واقفٍ ماه


وبتشوف جرحٍ فيه سكين راعيه
راح ونسى السكين والجرح ينخاه


وبتشوف حصنٍ عجّ الاقدار سافيّه
وبتشوف باقي بيت . راعيه خلاه


لاتنزعج . هذا خفوقي وباقيه
ولاتضايق من تصّدع زواياه


قَد زلزله فرقا وهزة عراويه
والله ستر والحظ عانه وعافاه


كانه صلح لك واعجبك . زيد تبينه
ابنه وجهزّ للمقابيل مبناه


ابغيك بس من المفارق تداريه
وازهل من ايداري شعورك ويدراه


وحلل وحرّم فيه . ياأبرك بلاويه
وحله وراع ارضاي ورضاك وارضاه


جعلك بعد بعض الوجيه . امحق وجيه
ناسٍ مراتعها الرفيق بتقفاه


انواع . واخطر نوع مانيب ناسيه
نوعٍ على تفريق الاثنين مسعاه


تلقاه دوم . وكل يومٍ تلاقيه
واذا بغيت الصدق ماعاد تلاقه


وإلا انت . ردك كُل مادعيك لبيه
انشهدٍ منتوا بفي عيني اشباه


منت بـ معَ العالم . ولا تقولي ليه
انت ادرى مني وفي جوابي وفي احواه


كذيه ومن الله يازين وإليه
واغلى طروش القلب ودواه من داه


الحلم ياتيني بزولك واراعيه
وفي كل حلم اقوم قبل اتحفاه


واعشق سميك في البزارين وادعيه
واقبل خطاه الا اخطى واتلقاه


واسمك يروعني اذا مرّ طاريه
واحب ملقوفٍ يسولف وطرّاه


وامرّ بيتك من بعيدٍ ولا اجيه
وانا لو انه في يدي ماتعداه


حتى تواير موتري تلتفت فيه
تبغي تلفّ ويستحي العقل والجاه


وصلك يخيط الصدر والبعد يفريه
ويابري حالي كان صديت برياه


ويلي على ادري حبنا ويش تاليه
وويلي على ادري وش ورى الغيب ويلاه


عشان اشوف اذا محبتك ترفيه
والله لاقفي عنك . استغفر الله

..



المستخدم : هنا


الصوره : هنا





http://www.shmmr.net/talal/no-kfo-1.jpg





كلمات / محمد بن فطيس .





roooose

روووووعه كثييير




آبدعت اخـوي.. حلوه الفكره مع الابيـآت..





مآننحرم جديدك




دمـت مميـز roooose





احتراامي لك

رائعة يالغلا

بإنتظار جديدك

ولك التحية

تصميم عجيب وجميل وهادئ
مبدع قليلة بحقكــ

المفروض تصاميمك تنعرض في معرض عالمي والله

ربي يوفقك

تسلم على التصميم والابداع

يعافيك ربي


لك تحياتي

لاخلا ولا عدم

الله يسلمكم جميع ، لاعدمتكم

..

,




من زمااااان عن التصاميم ..

رووووعه التصميم , أعجبتني الخلفيه حلووه ..




.
.

مدري وش الرابط بين الكسل والتصميم


كل المبدعين كسولين






وينك من زمان ياانت؟







روووعة
دمت بخير

روعه الابيات والتصميم اروع



تم نطل الخلفيه للايفون :d:

تسلم ايدينك
.
.

لاهنت

ياحظي فيكم

لا خلا ولا عدم يا عزوتي

..

بطل ياوحش
سلملي عليك واجد واجد

اهلين مجرد ، اهلين كبار كبار

يا هلا بـ النور كله يا هلا بـ حضور استاذي

وحشتني / وحشتنا موت

roooose

تصميم خبيل <--- يعني مجنووووون :)


طلال


تصميم رائع وقصيده رائعه



تسلم يدينك

هلابك سلمان :)

ههههههه تسلم لي والله

منورنا و ربي

طيب علمونا ان بوه تصاميم جديده :)


لاشك ولا ريب ان تصميم يحمل توقيع طلال تكتمل فيه نواحي الجمال والتميز

موفور الشكر على انعاش القسم بجرعة ابداع ياطلال

اهلين ام طلال

منورهـ خيتي ، مشكوورهـ

بحكم إنك مقاطعنا مبطي بهالمضيف






يمكن و غيروه :)





نبي نمشي لك هالتصميم بدون ملاحظات <<<<امش يا دافنشي




:)





مشكور عالطلة الموقرة





و إياك تقاطع :za3lan:





---------------
أبو فهد الهمزاني

راااااااااااااااااااااااااقي ياطلال
بارك الله فيك

يهببببببببببببل وآلله
آعجبتني طريقة آلقص للبنت وآلولد
ومكآنهم ودمجهم بآلتصميم , كأنه وآقع

طلآل : أنت أستآذ بآلتصميم , منك نتعلم . . ~
لَآخلآ منك ولَآ عدم =(

رووعه ..
ألف شكر للأنامل الأروع ..