من مستجدات عصر العولمه يالطيف
صار الولد بنت يوم البنت صارت ولد
مدري زمان القوي والا زمان الضعيف
اجابة السبت نلقاها بيوم الاحد
ايامنا في طرفها شي منا طريف
ننقص مازدنا لو اناّ في زيادة عدد
لو ندعي بالنظافه ماش قلب نظيف
قلوبنا ميته واجسادنا في كبد
احلامنا صيف في باريس والا جنيف
ونقول ضيعت نص العمر للي قعد
ماكانت همومنا الدين القويم الحنيف
وماكانت افراحنا الا بالثياب الجدد
ان طاحت اوراقنا نذم فصل الخريف
ولاحصدنا بذور الدين يوم نحصد
ماخافوا جدودنا يوم الزمان المخيف
وحنا بوقت الامان عظامنا ترتعد
تبي تسوقين سوقي يامنال الشريف
دامتس قليلة حيا حنا (ما فالحمض احد)
الشاعر ناصر المرشدي
