,
:7ayyoh:
roooose
تبيني صـدق والا مـا تبيني . . قبـل لا أبهذلـج وتبهذلينـي
وقبل لا أفقد شموخي واحترامي . . وقبل لا أشمت العـذال فينـي
أنا داخل عليج مـن الفضايـح . . تبيني صـدق والا مـا تبينـي
أنا مانـي بلعبـه فـي يدينـج . . متى مـا تعشقينـي تعشقينـي
أبيج ان كان جيتينـي حبيبـه . . تجينـي بصـدق ولا لا تجينـي
أنا ما أجرح مشاعر من عشقني . . ولا أرضى لي عشقتج تجرحيني
ما دام أني عطيت بكـل قلبـي . . مثل ما عطيج من قلبي عطينـي
وإذا بعت العذارى واشتريتـج . . تبيعيـن الرجـال وتشترينـي
عشان أكون صادق لي عشقتج . . وعشـان أريحـج واتريحينـي
دخيل الله قولـي وبصراحـه . . تبيني صـدق والا مـا تبينـي
أنا ما جيـت ألعـب واتسـلا . . أنا جيت أحتويـج وتحتوينـي
تبيني مثـل كـل النـاس والا . . تبينـي أقـدرج واتقدريـنـي
مثل ما استحملج لامن زعلتـي . . إلى مني زعلـت استحملينـي
عرفتيني وأنـا رجـال وافـي . . وأنا وافـي قبـل لا تعرفينـي
أحب الصدق لو هو من عدوي . . وأعاف الكذب لو من والدينـي
مثل ما أقبل بليني وبشموخـي . . لو أكره رحت بشموخي وليني
إذا عن عاذلـي دينـي ودينـه . . وإذا عن غيرتي دينـه ودينـي
أنا لي ثـارت الغيـره بقلبـي . . تقول الجـن الأزرق معترينـي
أبي وأنتي معـي منتـي لغيـري . . وإذا كنتـي لغيـري جنبينـي
أغيـب وتذكرينـي بالحشيمـه . . ولا أمرح فـي ذراج وتلعنينـي
طويلين الشوارب ما احقرونـي . . تبينـي أنتـي تجيـن وتحقرينـي
إذا نفسي رضت لـي بالمذلـه . . أبذبحنـي قبـل لا تذبحيـنـي
مادام أني وفـي كونـي وفيـه . . لاني ما أخدعـج لا تخدعينـي
أنا لي خذت قدري واحترامـي . . خذيني مثل ما تـب تاخذينـي
تبين بخوتي سيـف(ن) مجـرب . . وإذا بمروتـي ليـث بعريـنـي
(( فأن ألفيتني شهمـا شجاعـا . . فليـس البـر أن تستضعفينـي
فأنـي ضقـت بـالآلام ذرعـا . . وما في الغـدر رمـح يتقينـي
أكف الدمع حزنا بعـد حـزن . . و عشت القمع حينا بعد حينـي
لعمري كم حويت الناس قلبـا . . وما في الناس قلـب يحتوينـي
أنا الحزن الذي لا حزن بعـدي . . ولا يغني حنيـن عـن حنينـي
فلا من كان قبلي كان قبلـي . . ولا من قد يلينـي قـد يلينـي
أنا المملـوء حزنـا وانكسـارا . . وما فرطت في عرضي ودينـي
أنا المختال من فخري بفقـري . . وتبـت كـل عيـن تزدرينـي
أنا من ذاق ملئ الأرض هونـا . . وما أخضعت للدنيـا جبينـي
فإن جاءت بي الأقـدار يومـا . . أجوب الأرض خوفا من أنينـي
فروفي واحفظي لي ماء وجهـي . . ولاتخشيني واخشـي الله فينـي
فلو أنـي رجـوت الله شيئـا . . فأرجوا الله أن لا تظلمينـي ))
علشان ان عشقت اعشقج كلي . . أبي كلـج تجيـن وتعشقينـي
فلا تقفي عيونج عـن عيونـي . . ولا تدفـي يديـج ألا يدينـي
أكون أقرب لقلبج من عروقـج . . وأحسج بيـن شريانـي وبينـي
اسامح لج خطاج اليا خطيتـي . . وأنا لا من خطيـت تسامحينـي
ولج مني عهد ما أصـد عنـج . . وأبي منج عهـد مـا تخذلينـي
عشان أبقى معاج العمـر كلـه . . وأشيل محبتج برمـوش عينـي
أنا بحلف يميـن أنـي لصونـج . . فلا أخونـج ولا أرد بيمينـي
وعسانـي للهلاك أن خنـت وأنتي . . عسى الله يلعنج لو تتركيني
:3ajebni:
.
.
