قصيدة الكرز
الكــرز واحــد و عشـرين حبه
رفرف الغصن و أورق عندليبه
افتحــوا للشبـــابيــك المحبـه
و اصدحوا بالهلاهيل الرطيبة
غافــل الشمع فــي عيده تنبه
راح ياخذ من الظلمــا نصيبة
طفل من عـــادته يكســـر العبه
وش عليه ان كسر خاطر حبيبه ؟
سنــةٍ مــن سنـنه المستــحبــه
يترك قلوب عشـاقـه عطيبــه
ضاع من قال أنا ضايع بحبه
و الله إن الدلاله ضيعتـي بـه
قبلت الله عليــه شلــون ربه
خالقٍ بيسمه يــوم يحكي به
لـــو مكنتــه تغــافلته بحبــه
مير هو شايفٍ في الأمر ريبه
ماحسن الظــن في ريــحٍ تهبه
يحسن الظن في مثلـي مصيبه
المسبه به الطــرف المسبــه
ما سوى طرفه الساهي يعيبه
عجزت امــرايته فيــه اتشبه
حاولت فيه ماقــدرت تجيبـه
ضــامــرٍ مثل رجـــل براس قبه
ينفح بغيمتين الصـــدر طيبـه
بعد هــذا وش اللي ينكتب به
قبل هذا وش اللي ينقري يبه
منبع النهر و النهر و مصبه
مشرق النور و النور و مغيبه
إن بغـــا يسلــب الــرمــان لبه
و إن بغــا صابت النعناع خيبه
و إن حلى اللعب و الميدان طبه
مــالــك إلا تقــول الله حـسيبــه
و الله إن القــلــوب المسـتتبــه
تسطفـق تقـل نـــاهبهــا نهـيبه
يـاهــل العــرف مــاقـبله يجـبــه
كيف أجل بالحشا مركي صليبه
الكــرز واحــد و مــليــون أحبــه
من هنا لين سكـــره و حليبــه
http://www.youtube.com/watch?v=oI-ux1O_TrY
