ياللي عرضتي عنـوةٍ بدروبـي...العيب عيبـك والذنـوب ذنوبـي
امـا تبليـن الخفـوق الممحـل...والا عن العشق الموهـق توبـي
ياللي جمعتي فيك مـالا يجمـع...لاتشحبين بوجهـي المشحوبـي
تشتتـي ، مثـل شـتـات امتـنـا...عقب صـلاح وعمـه الأيوبـي
وتجمعـي مثـل تجمـع ربعـي...على الشرف والرفد والماجوبـي
خلي عنبك يصير طولي وانتـي...اليا احتضنته لو سمحتـي ذوبـي
ذوبي مثـل إحساسـك التلقائـي...لاقمت اغازل مسمعك بإسلوبـي
تنخّبـوي مثـل قصايـد غـازي...وتشعبـي مثـل خليـل النوبـي
ياليت في جوفي قلـوبٍ واجـد...عشان احبك في جميـع قلوبـي
نعم احبك حـب ماهـو عـادي...حبٍ من اقصى خافقي مجذوبـي
حـبٍ كثـر ماذقـت واتحملتـه...من سرمدٍ فـي ليلـي الأثيوبـي
وكثـر ماحنـا فالعـرب أملنـا...ولا استفدنا غيـر بـار ولوبـي
واكثر من اعداء النجاح الفـردي...اللي على صدور الصحف قالوبي
ارجوك ياعين العديـم الصافـي...لدي اليا منـي دعيتـك صوبـي
لاجيت ابنسى مامضى واطنـش...تطري علي ذكـراك يامحبوبـي
نظارتـك واشيـاءك المركونـه...واسوارتك والماسـك المكذوبـي
وكتابك اللي فهرستـه عروقـي...وعروقك اللي فهرست مكتوبـي
الصدر بيتك والضلوع ضلوعـك...نامي على جنب السعه بجنوبـي
وان ايقضك قلبي وحن وصـوت...مغلوب وهذي حيلـة المغلوبـي
(( العشــــــق المـوهــــق ))
للشـاعـــر، المُبـــدع / يـآ‘إْسسـر التويجـري .."
*
*
لكَم وديٌٌ.."شْْمِوَوَسِــهـْْ"..rooose2 
