% ابو عمر الحق جاي بوه قصيده تجوز لك %
صباح الخير للجميع
مافيه شك اني كل يوم امر هنا خصوصا الصبح ابي اقراء من القصياد اللي
تجيبونهن انتم
واكون معكم صريح
اغلب القصياد اللي تجيبونهم ما تجوز لي صراااحه :)
لان اغلبكم يغلي الغزلي الجديد
وانا الغزلي ما اطيقوه الا اذا من قصايد الاولين
ابو عمر امس لعب بحسبتي بقصيدتوه اللي جابه
ومن امس وانا ماسكن قصيدتن جايزتن لي مبطي
لانه مدح بالفورد سيارتي :)
وبغيتكم تقرونه وان شاء الله تجوز لكم
ونبي كل صبح قصيد من القصيد الاول الزين
مابي مقاسياتكم التوالي :)
اهداء لابو عمر ولا يهونون الربع جميع
سلام يا يوسـف سـلامٍ بـلا كيـلْ
أبا ارفعـه واهديـه لاهـل الجزالـهْ
وابا ادبله مخصوص لاهل المقابيـلْ
للي ركب بالفـورد راعـي الجِمَالـهْ
حرٍّ علـى وكـره وحـرٍّ إلـى قيـلْ
أقبل علـى الثَّـاوي وبيّـن فَعَالـهْ
الفورد له تاريـخ عقـب الجماميـلْ
يشهد له التاريـخ عقـب الجمالـهْ
من يومهم يدعونـه ال"فرت"بالحيـلْ
والناس ما تجحد دروب "الحيالـه!!"
من يومهم بالحدّ والمـوت كالسّيـلْ
يدرك هلـه لانّ البضايـع "رذالـه"
ستر الله الضّافي عليهم كمـا الليـلْ
والفـرت لـه دورٍ عظيـم حيـالـه
مشيه على القاع .. واوقفْ ..غرابيلْ
مقدر على مدحـه ووصفـة كمالـهْ
لاهـوب لا مـزنٍ وتحتـه ثعاليـلْ
لاهـوب لا شـارد ولاهـو غزالـه
كنّ الرعد صوتـه ونسـم التّعاليـلْ
ضدٍّ علـى ضـدّه عجيـب مقالـه!
كنّـه أسـد وليـا زأر دنّـق الفيـل
واطبق على الغابة رهيـب الجلالـهْ
مـن يركبـه ياليـل ياليـل ياليـل
غنّى وحط الراس بالخِـرج دالـه..!
وتقلدوا تحيتي
