نور عيني.. علميني كيف أبكتب لك شعـر؟
وانتي نظره من عيونك ضيّعت كل المعاني!
انتـــي كلماتك عذوبـه.. وابتساماتـك مطـر
وصوت ضحكك يحتويني وينثر الدنيا أغاني
أشهـــد إن العمر من بعدك ترى ماهـو عمـر
واشهد إني ماأطيق الغيبه من بعدك ثوانـي
من عرفتك لاحزن غطى عيونـي ولاكـدر
يابعد من شافته عيني وعن شوفـك خذانـي
جارت الدنيا علينا وحالت ظـروف الدهـر
لكن انتي ياأصيله دايم أكسب بـك رهانـي
واذكر إنك يوم رحتي صحت أنا صيحة قهر
ويعلــم الله ماتـــركتـك ليـن ماربـي هدانـي
كــل ليله تذكريني يضـوي ف(ليلـي) قمـر
وإن جفيتيني في ليله أظلمت حولي المبانـي
عنــد بابك ياغناتـي أنحـر أشواقـي نحـر
مـن عرفتك ياطموحي وانتي لي كل الأماني
"يسألـــوني ليه أحبـك حـب ماحبـه بشـر"
هـذي الغنوه "لراشد" لك تعبّر عـن حنانـي
انتي ياعطر القصيد وطيش فكري والسهـر
والله ماغيــرك أحد يستاهل أبياتـي وجنانـي
يابعــد كل الخلايق واللي فـي بالـي خطـر
من دخلتي في حياتي مابقى لغيرك مكانـي
أقبلي يانــور عينـي وتامريـن انتـي أمـر
يااللي ذكرك يهدي عمري والقصايد جو ثاني
مـالــي إلا أعتــــرف بعيـون حسـادك وأقـر
إنــك - أحلى مارأت عيني- وقابلت بزمانـي
قلت أبكتب لك قصيده وطاشت أبيات الشعر
ولا طــرالي طاري اسمك ينعقد حتى لساني!!
وسلامتكم
