أَ إِ أُ ..~ درس إملاء ..

’


السلام عليكم



ياشينها إذا جيت تكتب ومتفيلح ومسوي نفسك ماعندك أخطاء إملائية ويجيك من يقول لا .. أمسح هالهمزة .. وإلا حط وحدة هنا

والا يقول هذي هاء مهيب تاء مربوطة والعكس صحيح


يعني موقف محرج ....أنتم معي وإلا لا..!!



طيب أبيكم تساعدوني

نبي درس في الإملاء


ونبي نخفف عليكم ومانبيه إلا في موضوعين..


متى نكتب الهمزة فوق ومتى تكون تحت ومتى مانكتبها ... وشهي همزة الوصل و و شهي همزة القطع.. ومتى تكون على نبره... يعني نبيها في كل حالاتها :)


عجزت أفهمها .. لآني يوم كانت حصة الإملاء عن الهمزة كنت غايبة ... وراحت علي :za3lan:


طيب والهاء .. متى تكون هاء ومتى تكوت تاء مربوطة.


عاد هذي ليش ما أعرف , ما أدري يمكن أكون بعد كنت غايبة :3ajeeb:



يالله عاد يا أهل اللغة نبي مساعدتكم ..





.

وراء ماترقدين الحين :a:

<< تدق على اهداب تجي تشرح لك بحكم انها ابله عربي :)

’


خخخخخخ

بروح أنام عشان أقوم للدرس مصحصحه


ننتظر أهداب والبقية

’

فيه مقاله قديمه و شرحها ممتاز وسهل ,,
وخصوصا للمسالتين اللي تبينهم ..

,, وهذا ما يمنع مساعدة الابله اهداب ,ونشوف شرحها


http://www.shmmr.net/vb/threads/4533...38#post1071438

’

الله يعافيك ياعبدالواحد

شكرا لك ماقصرت

,

بالنسبه للتاء المربوطه يحكمها النطق

عندما تنطق الكلمه بالهاء ولا يتأثر او يختل الاسم فهي تاء مربوطه والعكس لو نطقتها تاء

مثلا - فاطمة ، مدرسة ، محفظة ،فيضة:)، العربية ،

بينما التاء المفتوحه تلاحظ اختلال النطق وعدم هضمه لو نطقتها هاء

مثلا - قالت ، قامت ، ال........خ

وهناك اخطاء ادهى من هذي وياكثر من يقعون بها وهي

ض ، ظ

الفرق بالنطق ايضا

الاولي نطقها يكون قريب من الطاء او حتى لو نطقتها على انها ط لاتختل مثلا والضحى ، مرضى ، مضحي ، ضمير

الثانيه ظ ظاهره مثل الظهر لو نطقت بالطاء اختل المعنى كذلك ظاهر ، ظرف ،ملاحظه ، مظاهره

شاكرين اهتمامك
والسلام عليكم

’


متفائل


أنا مشكلتي بين الهاء والتاء المربوطة

على اللي مسوية لنا أزمه

والهمزات


و إلا الضاد والظاء أمرها هين ولله الحمد



شكرا لك

هلا اختي فوز
مسألة الهاء والتاء المربوطة بعطيك ميزان لها

اضيفي لاي كلمة ضمير وشوفي وش يطلع لك بعد الاضافة
وبكذا يسهل عليك
مثال


سيارة +ك = تصبح سيارتك اذن اخر كلمة(سيارة) هي تاء مربوطة
وجه +ك = تصبح وجهك اذن اخر كلمة(وجه) هي هاء
وهكذا
بالتوفيق
دمت بخير

تكفون لاتوقفون هالموضوع لين اجيب لكم القعيطي


والله هو اللي ينكسب فيه اجر التعليم


<<<< يرسل رابط الموضوع للقعيطي

:)

اقتباس:

---

المشاركة الأصلية كتبت بواسطة فوووز

أنا مشكلتي بين الهاء والتاء المربوطة

---

سهله هذي

الهاء

هاء ماهي مربوطه


والتاء المربوطه


مربوطه :)


اتمنى وفقت بالشرح :(

,


شكرا أبو فارس


فعلا الطريقة هذي سهله جدا


وتبقى مشكلة الهمزات قائمة

,


حياك يالجثري


حلو يعني فيه أحد بيستفيد


خله يتابع أجل



شكرا لك على حضورك ودعوة القعيطي

,

،


جمران لا والله ما وفقت بالشرح


أشوى أنك مانتب مدرس كان قلنا خلف الله على الطلاب :)



حياك الله

,