عندما تريد الاستماع الى ما يجعلك تستمتع برائعه من اجمل الى رائعة فتجه الى
المبدع
المميز
المتألق
قصيدة لشاعر:عبد الكريم الجباري الشمري...
{مليك المحبة}
يامليك المحبه حان وقت الحصاد..
طول عمري أطوف لكن أحترت فيك..
والله أني أعرفك قبل سن الرشاد..
ألين جيتك قبل ليله وأنا محتريك..
ماحشمت السنين ولا حشمت الوداد..
روح شكواي لله ..وحسبي الله عليك..
ماتوقعت قلبك مكتسيه هالسواد..
لين ضعفت حبلن عقب ماهو سميك..
كان سوق المحبه منك جاه الكساد..
عندنا الربح كاش ولا نسلمك شيك..
من غلاتك تحملت الشقى والعناد..
ومن غلاتك أتزعلني وأطوف وأجيك..
جاك عقلي وفكري والنظر والفواد..
وجاك قلبي وروحي وسقتها في يديك..
كل شيء أخذته وصرت مثل الجماد..
مابقى ألا عريقا" مايبيني يبيك..
شفت كبر الغلا ..وبسألك..؟؟ ويش فاد..؟؟
راحت سنين عمري بين هذي وذيك..
ماغزيت الحنايا في جيوش وعتاد..
مجلس عروق قلبي رشحك له مليك..
لكن اليوم نكسنا العلم للحداد..
وأحسن الله ياحبي عزاء والديك..
وأنت ياللي فراقك صار مثل العياد..
روح لاعاد ترجعلي ولا بأحتريك..
لا نبي لك حنان ولا نبي لك وداد..
كثر الله خيرك وانعم الله عليك..
اتمنى قد نالت اعجابكم .. مثل مأعجبتني ..
,,,تحياتي,,,
ابــــــــن حــــــزمــــــــي
