مبرووك تأهل الهلال( مدمج)

السلام عليكم

وشلونكم يالرياضيين

أنتم شفتوا الي أنا شفت أو لا؟

الهلال الثنياني رجع:7ayyoh:

مبطي عن متابعة الكرة ما غير اعرف النتايج عرضا من الي حولي!

الي تابعت الهلالي واستحضرت هلاليتي المجمدة منذ مبطي واستمتعت بشكل

اليوم شفت الثنيان مقسم بين العابد والفريدي:thumb:
وشفت عبدالرحمن اليوسف والمصيبيح بصورة الشلهوب:)
وشفت النعيمة بصورة المرشدي:)

وشفت كل نجوم التميز الي مروا الهلال بهولاء الكوكبة من شباب الهلال المميزين بجد:mabrook:

فعلاً اذا حضر الهلال استمتع بالكورة ويا عوين الي يطيح بوجهه:)

كنت أتمنى النصر ضحية الهلال اليوم بس وين يغدي درب الذيب على الدزليب ههههه:thumb:

شكلي صبتهم عين والنتيجة بعد 2:0 صارت تعادل بس عندي ثقة بفوز الأزرق ولذلك أبنشر الموضوع:3ajebni:

باركوا للهلال وهارد لك الأهلي <<كنت ريحاً ولكن أين تذهب عن اعصار الأزرق:goooood:

تحياتي

انا شفت ماجد وهو يسدّح بالنعيمة وحسين البيشي ويفرشهم سرى ابورفسه:)

يو شفت مالك معاذ وهو يسدّح بالمرشدي واسامه هوساوي:)

وشفت يوسف خميس وفهد الهريفي يوم شفت تيسير الجاسم ومحمد مسعد:)

بدري عليكم يابوخالد !!

قال الثنيان قال!!

:7ayyoh:

الف مبروك الفوز للهلالية

بعد ان كان الأهلي قاب قوسين او ادنى من الفوز

بفضل الله ثم بفضل الحارس حسن العتيبي

يعني بكل روح رياضية:qannaj:

أفيييييييه علي نفس أتابع الركلات وبالي مع هالموضوع يا ترى وشلون تكون الردود :)

مبروك ألف مبروك للهلالين هذا الفوز والمستوى المذهل :goooood:

تحياتي

الصراحة كنت معد الموضوع بعد ان ضيع الهلال ركلتي ترجيح

وحطيت التهنئة للأهلي بالفوز ؛ لكن الظاهر شكلي صكيتهم عين:(

يعني انا واحد من اسباب فوز الهلال بعد الله سبحانه:315r:

عادي انا وابوخالد واحد:)

مبروك التأهل..

شكرآ الاصمعي.. شكرآ راعي الوقيد..

معليش دمجتهم لانهم بنفس المعنى :315r:

منور الريـآضي الاصمعي والله يبارك بالهلال اللي جـآبك لنـآ.. roooose
رآعي الوقيد الله يسـآمحك مو نـآقصين عين هههههههههههه


احتراامي لكم

يالله هاردلتس بسمة

والمعذرة على العين الطائشة:)

ههههههههههههههههه

حسبي الله على ابليسك وعلى عيونك :)

الثنيان حطوه بالعنوان ولا بمشي زعلان:148r:
لا هنتو جميعاً وشكرا يا بسمة على دمج الموضوعين وعلى جهودك بالرياضي

ويسمح لي ابو سمي ابي حلقه بما انه نصراوي ولو انه مهي راكبه عليه النصراوية بس أمر الله وراضين به هههههه<<صار مرض بعيد عنه الشر:)

المهم استلم:
يابو سمي لا قلت ماجد وماجد**وش غير ماجد من سنة صفر للآن:thumb:
ولا الهلال نجوم وابطال واجد**ماهو بواقف عالنعيمة وثنيان
ولا سامي ونواف هاك الأماجد**ولا الدعيع مع فهد والغشيان
ضوه يشعلل يوم نصّور هاجد**زعيم في كل المواسم والأزمان

نصّور: النصر بعد التدليع:)
فهد: المصيبيح

ذبحكم التغني بماجد كنكم بني تغلب مع عمرو بن كلثوم ، وماجد كان له رعاية خاصة وممنوع الاحتكاك به وأي واحد يقرب له بمسافة متر يحط عليه بلنتي ويطرد :)

والأندية كل عام وله نجوم جدد وشعارهم ((اذا مات منا سيد قام سيد**قؤول لما قال الرجال فعول))

الله اكبر


كم انت كبير ياحسن العتيبي



مبروك الهلال وهارد لك اهلي

قربوا مربط النعامة مني


ششت من حكي يالاصمعي

-------------
نتيجة طبيعية ومستحقة
وفاز الهلال عن جدارة واستحقاق---وش رايكم بالاسلوب هل مر عليكم من قبل؟:)

مابقي الا يفوز الاهلي!

انا نصحتهم من زمان لو ينزلون للدرجة الاولى ثم الثانية
وبعدها يبدأون من جديد
وش رايكم


شكرا ابو خالد

دمت بخير

ابوخالد !!

صح لسانك

اقول يالغالي ؛ هاللي انت عددت بقصيدتك كلهم على دور ماجد يالعزوة:)

اقتباس:

---

قربوا مربط النعامة مني

---

ابو فارس !!

لو يشوفك ابن عباد تسان قوم الدنيا عليك ولم يقعدها:)

قربا مربط النعامة مني ‏

ليس قولي يراد لكن فعالي

بعدين هنأتكم بكل روح رياضية

مار انتم ماينفع بكم

ابن عباد بكيفه يقول اللي يقول
ولاهمني

انا اقول

قربوا دركسون الفي اكس ار مني
.......................في روضة خريم ستحط رحالي



وانت وش تقول؟

الله يبارك فيكم

ومثل ما قال ابو فارس نتيجة طبيعية ومتوافقة مع مستوى الفريقين بالملعب

حسن العتيبي أبدع ويعتبر هو بطل المباراة بس أعتبره من وجهة نظري حارس أقل بكثير من مستوى الهلال ولو الحارس غيره لما اضطر الهلال للوصول لركلات الترجيح

ياخي أمس بالصدفة شفت مباراة بين النصر والاتحاد واعجبني جداً حارس مرمى النصر ((الشمري)) وكم تمنيت لو اشتراه الهلال ليكمل سسلة مبدعي آل دعيع

بارك الله فيكم ودامت افراحكم<<قايم من عشا عرس:)

ذبحتك المفاطيح


خف على كرشتك شوي

يا ابو خالد ياحيفك على هالشور اللي مدري وشلون صاير

وشلون تقترح على الهلال ياخذ من نادي اللي ماودي اذكر اسمه


خلهم يتهنون بالدوخي اما حنا ماراح نعطيهم شئ

أبو سمي صح بدنك وعساك سالم

غالي وحضورك عالي


******

مهو هاللون يابو فارس

انا متتساثر عليهم اسم هالشمري هههههههه

أبيه يجي للهلال يستمتع بالبطولات والحضور الاعلامي عشان بكرى ليا راح لحايل يقول ابوه للشيبان ترى فلان جالس الي يبي يسلم عليه<<مثل سالفة الدعيع:)

حياكم الله

.
.
الف الف الف الف الف مبروووووك

ويستاهل الزعيم هالفوز المستحق :thumb:

أنـا زيّك ياابوخالد مااتابع مباريات واليوم تابعتها وشفت الهلال الحقيقي
بس من شفت الهدفين الاهلاويين رحت نمت :315r: >> الضاهر خرعة







هارلك يالاهلي ..هارلك بسومه

ههههههههههههههههه احلى شي سويتيه نمتي << ياختي ريحي رآسك :3ajeeb:


مبرووك حبيبتي شمووخ التأهل..

اقتباس:

---

المشاركة الأصلية كتبت بواسطة راعي الوقيد

وحطيت التهنئة للأهلي بالفوز ؛ لكن الظاهر شكلي صكيتهم عين:(

يعني انا واحد من اسباب فوز الهلال بعد الله سبحانه:315r:

---

جعل عيونك مايجيها العمى :thumb:

الضاهر نحتاجك بالمباريات الجايه لاتباعد يااخوي :)

ياهلال نادتك البطولة ولبيت

تستاهل الأمجاد مجدٍ ورا مجدٍ

:)
:)
:)




بـ رادوي أو بدون رادوي

الهلال يقول Out للأهلي


والحين خل رئيس الأهلي يطالب بإيقاف أي لاعب من الهلال دام مطالبته تجلب السعد للهلال والهلاليين :)

هو كان الشرارة الأولى في المطالبة بإيقاف رادوي فكان هو أول المغادرين على يد الهلاليين





.
.
.



الوعد مباراتنا مع الرياض على نصف النهائي << كنه قالكم من بدري بالفائز بكرا :)


الأصمعي

الف مبروك ياخطيب الهلاليين :)

الف مبروووك للهلال
وهارد لك للأهلاويه

نشفوا ريقنا حسبي الله عليهم :)

اقتباس:

---

المشاركة الأصلية كتبت بواسطة ابو فارس

وانت وش تقول؟

---

انا اقول على الصباحية ومع فنجان أهوئ

مقادير ياقلب العنا مقادير

ابو حظيظ مالنا فيه حيله

مقااااااااااادير

:315r:

الف الف الف مبروك يابو خالد الفوز


الذي كان ردا قويا على المتعطشين الذين ذبحهم الزعيم

http://media.alhilal.com/video/images/yusef90.gif

هذه لك يابو خالد تمتع باللعب

الله يبارك فيكم جميعاً ويديم أفراحكم الهلالية واالأفراح الي تنسيكم الهلال بكبره :3ajebni:


هلا والله ببو ضاري

حيه وما جاب:7ayyoh:

هذي منين نكشته:)

ههههه ياحليلهم هم وماجدهم وخميسهم وحكمهم :goooood:

ان شاف وسط الملعبة تقل مزحوم
يروج مثل السيـل بيـن العقومي

وإلى أعترض خطه لخبلان ورخوم
يشبه لسباحٍ يغـوص ويعومي
^
^
سرقته وحرفته لعيون الثنيان:thumb:

يا سقى الله هكالتسحيبات خصوصاً مع حسن الحمران الله يذكرهم بالخير

لا هنتوا وحياكم الله

تحياتي

فعلاً اذا حضر الهلال استمتع بالكورة ويا عوين الي يطيح بوجهه
لاتستعجل يالغالي .. وجهنا عليه

الهلال يبقى الهلال
والزعيم هو الزعيم

تقاسم الفريقين المباراة ، وانتهت بتوفيق الله للزعيم
ألف مبروك



شكرا الأصمعي
ولك كل احترامي،،،