بدون مقدمات ولا لف ولا دوران
ابي اشتري بحول الله آي فون 4
وابي مشورتكم علي
اشتريه من الاتصالات والا موبايلي
سمعت ان فيه عروض جديده
افيدونا افادكم الله
واحتسبو الاجر
عرض للطباعة
بدون مقدمات ولا لف ولا دوران
ابي اشتري بحول الله آي فون 4
وابي مشورتكم علي
اشتريه من الاتصالات والا موبايلي
سمعت ان فيه عروض جديده
افيدونا افادكم الله
واحتسبو الاجر
استخر ولا تستعجل
يمدحون ابو تريك
تسأل عن العروض ..؟
والله مدري عن عرض الإتصالات :232r: بس موبايلي عندهم كذا عرض ..
أحسن شي إذا تدفع كامل المبلغ و تآخذه مع شريحة موبايلي و يكون مو مقفل يعني تغير الشريحه و تحط شريحتك اللي تستخدمه ..
أو أقساط ..
و هاذي عروضهم ..
http://2.bp.blogspot.com/_gunGMLN7r_...600/203601.jpg
و إن شاء الله يجون " عملاء الإتصالات :) " و يفيدونك بـ عروضهم ..
.
.
بدون لف ودوران
عندي لك جوال العنيد بكرتونوه ماستخدمتوه ألا اسبوع واحد فقط وحطيتوه بوسط الهروس اللي بالمنضد يعني وكاله :)
وخل عنك اَي يازول 4 :)
واحتسب الاجر ان شاء الله :)
مالي بهن يافلان بس أشوف ناسن حولي خذوه وخلوه
انا عندي لك راي
خلك من اي كون فور:315r:
وهات 800 ريال واشتر هالزين
http://www.shmmr.net/vb/uploaded/572_01297843368.jpg
مبروك مقدما" ولو تبي اللي بيميني يجيك هديه من ابن حزمي لعيونك
==
وانا عندي ايفون 3 بصراحه بجد روعه
وفور كهيكل مهو ذاك الزود
حتى مفتاح التحكم يعني
عليك ب3
lهديلك ابيات خلف المشعان بالزووول:)
ياخي ضحايا هالتطور .. كثيرين
........................ // والعم ( نور الدين ) آخر ضحيه
:
:
عشرين عام ونور ماشي علىالدين
........................ // مافي موظف ( بالعليان ) .. زيه
:
:
خلوق ، وحبيّب ، وطيب ومسكين
......................... // ودايم على نفسه يبدي .. خويه
:
:
يمشي حسب ممشى العمل والقوانين
......................... // ومأدّي الواجب .. بنفسٍ رضيه
:
:
ربك بلاه .. وجاب له مدري منين
............................... // بلية ٍ .. ياكبرها .. من بليه
:
:
بدل ( رهيب 2000 ) بالفارس ( 2000 )
.......................... // ويامن شراله من حلاله .. أذيه
:
:
ركب من النغمات .. ( ياليل يا عين )
................. // ( وعل الهودلك .. يابه .. وعل الهودليه )
:
:
وكل مااتصل به شخص طنش له شوين
..................... // يعني اسمعـوا .. نغمة جهازي قويه
:
:
فجأه / دخل مديرنا بخاطرٍ شين
....................... // منهو جهازه ؟؟ جاوب ( الزول ) ليّه
:
:
قال اقفله .. لا اكسره فوقك الحين
...................... // كبر له الموضوع .. واصبح وقضيه
:
:
وقع تعهد وانخصم منه يومين
........................... // من دون أدنى .. ذنب والا خطـيه
:
:
ضحكت من قلبي وانا اقول ياشين
.............................. // ماقلت لك يازول.. خذ ( فيصليه )
انت ناوي والا شريت وقضيت !!؟
^
^
ياما من الرزق....ياما من قطّاعته:)
خليه ياما يشري جهازي
^
^
وش أسوي أبي جهازك :)
شفت موضوع جمران في الشكاوى وكأني فهمت منه إنه شرى آيفون !!
قلت الظاهر الأخ كاتب موضوعه ذا وهو في المحل يحاسب :7ayyoh:
جمران عندي لك راي
وش رايك تاخر الشراء لين نطلع للمخيم
واذا صلينا عصر الخميس
ننزل انا وابو غازي لسوق رماح نشتري لك
ونجيب لك احسن نوع
وابو غازي ما اظن بيرفض
وش قلت؟
^
^
انا اقول بما انكم راعين بر ومخيمات ماينفع الا ابو كشاف ابراج وبطاريه ممنازه :thumb:
السراحه الايفون مريض ومعقد اذا انك عصبيي ودفش ماينفع لك بيرتفع ظغطك وبتكسروه واذا ملزم خذ بيبي احسن :)
أهم شيء
لاتنس التغليف الحراري
تراه رهيب بشهادة أحد الإخوان الآيفونيين :)
اقتباس:
المشاركة الأصلية كتبت بواسطة شنقل
صبرت كثيرا ياشنقل
الحين رؤساء دول تغيرت واقفتن علي انا وجوالي :)
اقتباس:
المشاركة الأصلية كتبت بواسطة بالمختصر..
يعطيتس العافيه بالمختصر
يسلمتس ربي
اقتباس:
المشاركة الأصلية كتبت بواسطة الونش
هلا بالونش
الله حيوه
الحين ناطرن كل هالسنين تنتظر واحدن يشاورك بالاي فون
ياخي لو دريت انه يبي يجيبك الموضوع تسان من زمان كاتبوه :)
اقتباس:
المشاركة الأصلية كتبت بواسطة عبدالله الجعيثن
شنوح رجل ابو رافع طالعتن بالصوره :)
تبيع بـ 400
ترن صامل :(
اقتباس:
المشاركة الأصلية كتبت بواسطة ابن حزمي
تسلم يابن حزمي
ياعلني ماعدمك
مشكور على النصيحه ولاتهون
[QUOTE=عبدالله الجعيثن;1066000][SIZE="5"][FONT="Traditional Arabic"]lهديلك ابيات خلف المشعان بالزووول:)
[/QUOTE
وليه ماحطيته بالمنقول :)
اقتباس:
المشاركة الأصلية كتبت بواسطة الجازي
الله العالم اني استخرت :(
اقتباس:
المشاركة الأصلية كتبت بواسطة عبدالله الجعيثن
اقتباس:
المشاركة الأصلية كتبت بواسطة الجازي
اللهم اضرب الظالمين بالظالمين واخرجنا من بينهم سالمين :)
اقتباس:
المشاركة الأصلية كتبت بواسطة ابو فارس
الا ليه ما قلت انك تبينن احول لك مبلغ الجهاز وريح بالك
:(
ابو فارس :thumb:
اقتباس:
المشاركة الأصلية كتبت بواسطة ام الرغفان
تهقينوه
اجل ابصبر
لاهنتي رغفان ماما
اقتباس:
المشاركة الأصلية كتبت بواسطة الجازي
الحراري وليه
:)
ترينن صدقت
إلا صادزه :)
تلقاه عند محلات الجوالات
يغلفونه لك عشان مايتمخش لأن شاشة آيفون فور حساسة مرة وبسهولة تتمخش !!
فهالطريقة تضمن لك الحفاظ عليه
والظاهر سعر التغليف بحدود المية وخمسين
عاد أنت وشطارتك اغلبهم :)
اقول طقوه وماجاك عندي
مداموه آيفون4 اشتروه لو تلقاوه ببقاله ماعليك من العروض
الاكيد ان بوه حاجات كويسات وحاجات مهن كويسات
وتسانك اشتريتوه ولا جازلك ابد ولا يهمك يالعشير خذ جهازي (Navigator مصدي ) وعطن جهازك والله يحلك بالباقي
:)
تري مكاسي
والله اني بغيت اضحك بس تقل صدقتساقتباس:
المشاركة الأصلية كتبت بواسطة الجازي
ابنشد واشوف
اقتباس:
المشاركة الأصلية كتبت بواسطة الجثري
مادري لو انا الخسران ياخيي :)
سلمت يالغالي
أنا الغلطانة اللي أنصحك
والا خله يتمخش لما يقول ربي الله :7ayyoh:
آيفوني والا آيفونك هو ؟؟
<<< بس آه الإخلاص من أخليه له :)
^
^
مدري ليه مايصدقونتس يا أم الاخلاص :):)
التغليف الحراري مهوبس للاَي فون حتى الجوالات العاديه واللاب توب
بس لايغشونك ياجمران خذ التغليف الأصلي لايركبون لك التغليف التجاري
طبعا سعرهن واحد حتى مايكتشف أمرهم :)
أدري راح تقول وشلون أفرق بينهن :)
بسيطه جداً:)
بعد مايركبون لك التغليف طلع مفتاح السياره من مخباك الأيمن :) وحك التغليف بالمفتاح روحه وجيه اذا انمخش فهذا اللي مضروبن جنبوه :)
خذ لك جوال
Samsung I9000 Galaxy S
:thumb::thumb:
بالتوفيق
^
^
طيب وتسان المفتاح بالمخباة الأيسر وش السواة !!؟ :7ayyoh:
معلومة جديدة تغليف اللاب توب بس شلون يغلفون الكيبورد !!؟
ياخيي انا معي ريموت للسياره :)اقتباس:
المشاركة الأصلية كتبت بواسطة الونش
تسلم يالغالي
ولا تزعلين مشكوره ع النصيحهاقتباس:
المشاركة الأصلية كتبت بواسطة الجازي
شفتي حتى انتي منتي مصدقه :)اقتباس:
المشاركة الأصلية كتبت بواسطة الجازي